ZEKHARIA 7:5 - Lacid Common Language Bible

⁵ Nyang: tid zigi «mungdain: mo mung" byu yi dangain" yo' khainjung yiri hidsu" ein: tid kyoo" we' lid: loo" bye: nyhed xi: zain- khau: moo lhammoo" 5 khyab yo' 7 khyab moo zoo: noem zeung: lho: ngoug khyang" fang" nyid zigi ngoo ri phoug" tab ngi: byid: khyoo: anghoid.

ZEKHARIA 7:5 교차 참조

2 KHOKHAM 25:23

Asoem" azheing: byid: da" gyizoug: yi yo' gyizoo: yigi hau: khyoo: ri shoug" gyoo: lang" nyangnu" gi Mizpa moo Gedalia yo' yhe: shoin" ago". Hau: zoug: yigi Nethania da" yuggi zoo: Ishmaela- Karea da" yuggi zoo: Yohanan- Netopha voomoo" mo Tanhumet da" yuggi zoo: Seraia yo' Moakha mo Yezania bang: nghoid ago".

2 KHOKHAM 25:25

Nghoid loug we' hau: zain lhammoo" nyhed khyab ein: khyab moo Elishama da" myid: zoo:- Nethania da" yuggi zoo: dayug nghoid wigi khokham yhoemkhung: byu dayug nghoid da" Ishamaela gi byu daxi: yug yo' dage" Mizpa khyoo: yhe: lho: Gedalia ri gyi yhe: zain: wigi nyang: ri said pyam da:. Nyang: gi Gedalia yo' dage" nyid boem da" Israela byu yi yo' Babelon byu yiri we' said pyam da:.

ESAIA 43:23

Nang gi ngoo ri re" da" yang nghe' ngei" xoin" aci: ri" nghoid da:. re" da" xoin" joem yo' ngoo ri ngi: ashab byid: nghoid da:. Ngoo gi nang ri xoin" joem byid: wa mho' wigi yoovoin lid: avoin nhang:- shoem: nam pyo: ja: mho' wigi nang ri ngoo amyung: nhang:.

ESAIA 58:3

Byumyu" yigi «Aseing ngoonu" ri khanham we' asoin: byid: zi ngoonu" ciwim yoomo zooshug jang" wa la". Nyang: ngoonu" ri nyeing" ayu" nyid ri ngoonu" ciwim zooshug azoo: loo nyid wa la"» ga: myid: ago". Aseing gi nyangnu" ri «Deungmain" da" khyoo: gi nanu" zoo: shug jang" uri nyang:- nanu" nyang: myid vho: khyoo: ri cang koid ago". Nanu" da" moo" zei: vhoo" kung: yiri zeig zo: boem da:.

YEREMIA 25:11

Mungdain: goin" gi byo, yoin" jo, wigi yu" dain sho' da" joyoo nghoid loo wa. Houg: lho: mougkyoo" cang" mung" dain joem gi Babelon khokham ri nyhed xi: zain dei byid: loo goo" wa.

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

YEREMIA 52:12

Babelon khokham Nebukhadneza vhoeb zi daxe: goug: zain ein: zain lhammoo" wim: khyab daxi: nyid" nyid" moo khokham pho da" phajhi" byid: su: nya: gyizoug: phoo Nebukhadneza gi Yerusalem khyoo: vang yhe: da:.

DANIELA 9:2

Nyang: vhoeb shid" da" xang: shi" zain moo ngoo gi younglho' mougsoug" pug joem ri jhau" zhang: yu nyid lho: Aseing wigi lapi: Yeremia ri tid to" ziyo' dakhyoo" ti" zain loem: nyhed xi: Yerusalem byo, yoin" jo, wa zi myid yu" nyid.

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

ZEKHARIA 1:12

Houg: lang" Aseing da" moug: lagyoo: tid zigi «Myhang: thang da" Aseing nang gi Yerusalem yo' Yuda mung" mo voozoo: voozeing ri nheug yo: zi akhid" nyhed xi: zain nghoid bye:. Khamyhang ju" sho' nang nyangnu" ri re" da" nheig khyeug khyoo: atoin" shid loo: za: nyid nyid wa la"».

ZEKHARIA 7:3

Khainjung bi" yo' lapi: yiri «Aseing yhoem: moo" byo, yoin" loo" yoomo lid: lo da" myoo" sho' zain mo zoo: noem zeing: yhang: ti" akhid" ju" lo wim: khyab' moo zoo: noem zeing: shi" wa la" ein: yhe: myid: ge'» ga: nhang: kaid.

ZEKHARIA 7:4

He: zigi nga" jang" moo ju" lo da" Aseing mungdang: nghoid.

ZEKHARIA 7:6

Nanu" zo: shug uri nanu" nya: nheugshid: wa shid re" koid zi danghoid.

ZEKHARIA 8:19

«Lhammoo" myid: khyab wim: khyab nyhed khyab yo' xi: khyab ein: wa lhoo' khyab joem moo zoo: noem zeing: ayo, moo: gi Yuda byu yi shid re" gau yi ziyo' ngei pyo: da" pui" bidnyid bue" loo wa zi nghoid. Houg: yoomo nanu" gi deingmain" ziyo' myenjham" khyoo: ri vho: ngei ca"» ga: tid.

MATHE 23:5

Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

2~KORINTHU 5:15

Kangso' dei nyid mo, we' nyangnu" da" akyu" shid' re" kangso' adei loo za: nyangnu" shid re" shid: kham: lho: doem dei to'' loo su: shid re" za" dei nyid goo" baja" nyang gi dangain' bang : da" shid mo shid: kham: bye.

KOLOSE 3:23

Nanu" gi ce" ja: koid nghoid loug we' byu shid' re" koid ti" anghoid loo: za: Aseing: shid re" koid yahg: ti"- nanu" da" nheigloem: emyid dangain" yo' yoem: kaid' nyid ge'.