ZEKHARIA 6:8 - Lacid Common Language Bible

⁸ Houg: lang" hau: moug: lagyoo: gi ngoo ri «Mougzhung: Babelon khyoo: yhe: lo" da" myang: joem gi Aseing da" nheig yo: nheigloem: ri tam" loo" nhang: bye:» ga: nyho: tid.

ZEKHARIA 6:8 교차 참조

PHAJHI" DANG: 10:4

Re" vhoebkhang" su: nang ri nheig yo: nghoid rigi re" moo" mo athu pyam. Nang sam: zoo: tam" jo, rigi gye" dam xo: da" shoid moo" rilang" yooboo khyoid byid: zi shoug" wa.

ESAIA 1:24

Houg: yoomo akhid" myhang: thang Aseing Israela da" yoem: so' bo da" Mangsoo tid nyid ziri tam" gyoo: we'. «Nga" gyivoo yi nghoid da" nanu" adang moo ngoo latoo: phug wa. Houg: lho: nang gi ngoo ri kyi" khyeug abyid: loo: wa.

ESAIA 48:14

«Nanu" dangain" bang: we" zeing: foem: re" lho: tam" gyoo: we'. Ngoo wigi khyen: too" su: wigi Babelon ri gyi zain: wa ga: ziri yu phara" joem khayug we' lapi: ayo" pi: nghoid ago". Ngoo nyang: ri koid noug nhang: da" moo" ri nyang: koid loo wa.

EZEKIEL 16:42

Houg: lang" nga" nheig yoo bei: byug wigi ngoo gi yo loo" wa. Ngoo gi nheig we' ayoo: loo: wa. Myid we' amyoo: loo: wa.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

EZEKIEL 24:13

Yerusalem we"- re" akhyeing" ashoeb lo, moo" gi nang ri ayung" alho' bui" nhang: bye:. Ngoo gi nang gyeung" shang: sho' yoem: kaid nghoid loug we' nang gi ayung" alho' za: bue" jo, da:. Nang gi nga" da" nheig yo: yoem: so' ri gyi: sho' ashau" loem zoo: rigi nang doem yo" gyeung" shang: wa zi anghoid.

EZEKIEL 5:13

«Nang gi nga" nheig yo: ziyo' nheigloem: yoin da" yoem: dangain" ri ngoo nheugdeug da" ayo, ju" sho' shoug" kham zo: loo wa. He: zi dangain" bue" loo lang" nang jhug azug ziri ngoo nheig yoo: yoomo ngoo Aseing nang ri dang: ji bye: ziri nang gyeing" se' loo wa.

ZEKHARIA 1:15

Ngoo gi nga" da" byumyu" yi adang moo ju" loo wa da" nheig joem: yo: khyoo: ri zeing: kham nyid uri yug yoo thung" nyid da" byumyu" yigi nga" byumyu" yi kham zo: da" kyi" khyeug khyoo: ri je" gyi: sho' koid boem

TARHA" AGYI 15:7

Samson gi nyangnu" ri «Nanu" hidsu" koid nhung: la". Nanu" ri ngoo latoo: bain phug sho' ngoo atheing: wa ein: ngoo jham' tang: da» ga: tid.

TARHA" AGYI 8:3

Gyeing" ga: rigi Mangso yoem: so' khyo" nanu" gi Midian zoug: Oreb yo' Zeeb eig yug ri said pyam ago". Houg: ziyo' ngoo koid ziri khasu" yo" tu' goo" wa» ga: tid da:. Nyang: hidsu" tid lang" nyangnu" nheig ayoo: loogoo" nghoid da:.