ZEKHARIA 5:8 - Lacid Common Language Bible

⁸ Moug: lagyoo: tid zigi «He: myiyi: myhi' gi agi ashoeb khyoo: gungthid khyo" toin" shed su: nghoid» ga: tid. Hau: thang: ri hau: myiyi: myhi' ri gyoin khoug: moo zhung" lhung kaid lho: xoid: anghoeb ri doem nghoeb kaid.

ZEKHARIA 5:8 교차 참조

APOEM AYANG: 15:16

Byuxeig myid: xeig lang" re" amyed ashen yi hid: moo doem tau" lo wigi he: mung" moo lo nyid boem wa. Ciwim gari hau: ayo, ri Amori byumyu" yigi gye" akhyeing" yoomo nyangnu" ri yooboo dam byid: khaid thu pyam zi shoug" wa» ga: tid.

COUNG" NGHEI 38:4

Ngoo gi ngoonya: da" yooboo gyid ji: zoo" moo bo noeb lo" nyid bye:. hau: khyoo: joem gi atho' oung: kham' sho' lid: da" yoolid: daloem: nghoid nyid.

DANG: ZHOEM 5:22

Akhyeing" ashoeb, su: da" yooboo joem gi lhid nghoid nyid. Nyangnu" gi nyangnu" da" yooboo goin' khoug: moo: myi" jo, abye: go.

NGOUG JI: 1:14

Nyang: gi nga" yooboo dangain" ri xoem" to" lho: hau" yooboo dangain" ri shoem" deung: to" wigi nga" leung zeung: moo: foid too" bye:. Houg: yoomo hau: zi lid: wigi yoem: neung: loo" bye:. Aseing gi ngoo ri nga" gyivoo joem da" lo, moo: ab byid: pyam bye:. Ngoo ri: pang" thoug su: aboo loo: yoomo nyangnu" ri ngoo ayo" thougtheung loo.

HOSEA 12:7

Aseing gi «Israela byumyu" yigi Khanan byumyu" yi yo' dayhang: ti" adeingmain" nghoid ago". Nyangnu" gi nyangnu" mo ziyoo qei mo, ri amain" da" jangshi" ci: lho: mhoug zo: khyoo: ri vho: ngei boem ago".

AMO 8:5

Nanu" gi nanu" nyang: ri ngoonu" da" gug zoo yo" ung" wa shid re" gyeung" shang: bidnyid khanham yo" lid: loo" wa au: ein: lang" ngheung" nyid boem bye:. Dougno: Bidnyid khanham yo" lid: loo" wa lug au. Houg: lang" ngoonu" gi zi gu to' lho: jang fain" ci: ziyo' zi qei mo, ri mhoug zoo: wa zi nghoid o".

MIKHA 6:11

Amain" da" jang lug laki joem ci: mo, ri ngoo khasu" koid yooboo yo" khyoid byid: wa lha".

ZEKHARIA 5:7

Gyoin nhoid mo anghoeb gi xoid: yo' koid to" zi nghoid wigi nyangnu" gi hau: anghoeb ri tu: shid kaid uri gyoin khoug: moo myiyi: dayug zhung: jo, da:.

MATHE 23:32

Nanu" da" phoug" phyid" yi da" pyaid mo shoid' vhang: lo da" khyoo: ri lo" thang sho' dajha" cang loo" ge'.

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.