ZEKHARIA 4:6 - Lacid Common Language Bible

⁶ Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

ZEKHARIA 4:6 교차 참조

APOEM AYANG: 41:16

Yoseb gi «Aseing: khokham we"- ngoo gi se' phuid: kyoo" wa anghoid- nghoid loug Mangsoo gi nang nheugshid: sho' phuid: kyo" loo baja" o"» ga: tid.

1 KHOKHAM 19:12

Myid leig leig zi bain thang: ri myi: doem ju" bye:. Nghoid loug we' Aseing gi myi: moo aboo nghoid da:. Myi: re" thang: ri sam" sam" ga: dang: so' so' da" thui: thu loo bye:.

2 KHOKHAM MHOOMYID: 14:11

Asa gi nya: Aseing Mangsoo ri «O" Aseing we" nang gi yoem: neing: da" gyidab ri yoem: bo da" gyidab yhang: ti" lei lei za: yo" bui" nhang: su: nghoid. Akhid" ngoonu" ri pang" yu la- ngoonu" Aseing Mangsoo we"- Ciwim gari ngoonu" gi nang ri khau: nghe: nyid bang: nghoid. Ngoonu" gi re" myeing mo he: gyidab moo" ri gyikhaid zain wa shid re" thu re" boem bye:. O" Aseing we" nang gi ngoonu" Mangsoo nghoid da:. Nang ri oung: wa ein: hang" we' ayo" myid byu nghoid da:.

EZRA 2:2

Nyangnu" vhujhung: yigi Zerubabela Yeshua- Nehemia- Seraia- Relaia- Modekhai- Bilshan- Mispa- Bigvai- Rehum yo' Bana nghoid. He: zigi pyoung" she: loo" shoug" jang" mo doem tau" loo bye: da" Israela byumyu" yi zhayhen" nghab youg nghoid.

EZRA 3:10

Noku Yhoem: Moo" koid bang: ayang: zhug shid lo" da" uri khainjung yigi khainjung byisheing: void wigi nyangnu" joyoo moo laboo" ci: lho: nyid ago". Levi byumyu" Asab akung: mo bang: we' jhabceing ci: wigi houg moo yab jo, ago". Nyangnu" gi khokham David pyaid mo koid gyoo" lo ziyo' dakhyoo" ti" Aseing ri coung" nghei boem bye:.

EZRA 5:2

Shelatila nya: zoo: Zerubabela yo' Yozadag nya: zoo: Yeshua gi nyang: tang: da" mungdang: ri shoug" gyoo: lang" nyangnu" gi Yerusalem mo Noku Yhoem: Moo" ri doem koid shid" loo" bye: ziyo' nyangnu" ri lapi: eig yug we' bo pang" ago".

COUNG" NGHEI 33:16

Khokham phoo gi nya: da" yoem: bo gyiphung: yoomo oung: lo" zi anghoid. gyizoo: yi we' nyangnu" yoem: boo yoomo oung: lo" zi anghoid.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

ESAIA 30:1

Aseing tid to" da:. «Yuda ri vhoeb da" bang: gi joem: abye: go". Ciwim gari nyangnu" ngoo ri gyi koid thougtheung ago". Ngo wigi asoin' to" da" moo" ri nyangnu" cang koid ago". Ngoo myid vho: ziri ngeug wigi myid veing" mougsoug" joem ri lo, xoem" lhid" ago". Yooboo daja: bain daja: daboem dazang koid to" ago".

ESAIA 32:15

Nghoid loug we' Mangsoo gi nya: Venyi: ri ngoonu" jhang dalheing: doem nhang: kaid byid: wa. Mougmyid gang: gi myidxu: ge re" wigi yoothung" joem gi gug zoo myoo sho' thu loo wa.

ESAIA 34:16

Aseing da" mougsoug" pug moo sho: yu" lho: citid to" ziri nghab yu' ge'. Hau gougnyhoug joem mo dadu: we' abyug wa. Byencang" abo zi dadu: we' aboo wa. Aseing gi hougsu" nghoid wa amyeing" khyo' to" bye:. Nyang: nyang: hau joem ri dage" zheing" yu wa.

ESAIA 59:19

Bid thu shoid mo bidvang shoid ju" sho' mo yugkhang" moo" gi nyang: ri yo' gyi: sheung: da" yoem: so' ri gyoug loo goo" wa. Nyang: gi so' thain: da" gyid lang yhang: ti"- uglid yhang: ti" ju" re" loo wa.

DANIELA 2:34

Nang hau: ziri yu" nyid da" uri pyo' khyam" mo lug boem moo" daloem: hang" wigi we' azang" tain" zi be" gyoo" lo lho: soolhoo: da" joto' zhoo" nhau: khyid: voo ri re" baid da:. Houg: lho: hau: khyid: joem ri ajab amoin' du" phyi: sain" pyam da:.

HOSEA 1:7

Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

GYUNG: SOO" 27:16

«Aseing Mangsoo kangso' apoem: we" ngoo akyu" mho'- byumyu" yiri yo" shu" vhu" she: wigi

Ephesu 6:17

Hau: lho: khyoid yu khyoo: ri sham: mug yhang: ti" yu zhoung" ci: lho: Venyi khyo" byid: to" da" Mangso mungdang: ein: da" lhab, sham: ri we' voin, ci: ge'.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

1 SAMUELA 14:6

Yonathan gi zooyam zoo: ri «Thei: shooyid thang: ayham" da" Philisti byumyu" yi da" dab khyoo: yhe: yu" shang. Hau: Aseing nyha" tang: ri bo pang" wa zi nghoid. Hougsu" nghoid yoomo nyha" tang: ri oung: doid nhang: wa nghoid rigi nyha" tang: byu amyoo: nghoid loug we' nyha" tang: ri nyangnu" yo" toem' too" wa zi anghoid» ga: tid.

1 SAMUELA 17:47

Aseing gi nya: byumyu" yiri khyoid yu da" uri sham: lham: aca" ga: ziri hid: moo nyid da" byu dangain" mo, shau" myang wa zi nghoid. Nyang: gi gyi oung: su: nghoid da:. Nanu" dangain" mo, ri nga" lo, khyoo: nyang: ab byid: wa zi nghoid» ga: doem phug tid.