ZEKHARIA 4:1 - Lacid Common Language Bible

¹ Ngoo yo' doem go" yu" bye: da" moug: lagyoo: gi nga" jang" moo dalheing: doem re" lho: yhoeb myhid jo, su: ri nhau" yhang: ti" ngoo ri lhu: nau" kaid.

ZEKHARIA 4:1 교차 참조

YEREMIA 31:26

Houg: lang" byumyu" yigi ‹Ngoo yhoeb myhid lo" wigi yoem: seig yo' doem so" re"› ga: tid goo" wa.

DANIELA 8:18

Nyang: dang: ji nyid uri ngoo gi agyeing: asoo" myidgung khyoo: mo coid leung loo" bye:. Nghoid loug we' nyang: gi ngoo ri tu: yu lho: ngoo ri khyid: yo' yab nhang: da:.

ZEKHARIA 1:13

Ngoo yo' doem go" nyid da" moug: lagyoo: ri Aseing gi ge ziyo' nheig teing dang: phug tid lho:

ZEKHARIA 1:19

Ngoo yo' doem go" nyid da" moug: lagyoo: ri «He: khyoug: gi ci: ein: nau zi nghoid lha"» ein: myid: bye:. He: zigi Yuda mung"- Israela mung" yo' Yerusalem mo bang: ri khaid sain" kaid da" mougmyid yoem: so' joem nghoid» ga: tid kyo".

ZEKHARIA 1:9

Houg: lang" ngoo gi «Aseing we" he: zigi ce: noem ri toin" shed zi nghoid lha"» ein: myid: yu" bye:. Nyang: phug tid zigi «He: myang: joem ri ci: ein: nau zi ngoo nang ri tid kyoo" ba.

ZEKHARIA 2:3

Hug: lang" ngoo yo' doem go" nyid da" moug: lagyoo: thu lo" uri moug: lagyoo: gootu: dayug gi nya: jhang re" lo.

ZEKHARIA 4:5

Nyang: gi ngoo ri «Nang he: ziri asi' la"» ga: myid: lang" ngoo gi «Aseing: we" ngoo asi» ein: phug tid bye:.

LUKA 9:32

Peteru yo' nya: byen cang" yi gi yhoeb pyo: nyid ago nghoid loug we' nyangnu" bom: so" re" boem, rigi Yesu phung" bang yo' nyang: yo' yab, jo, da" byu eig yug ri myang ago".