ZEKHARIA 3:8 - Lacid Common Language Bible

⁸ Khainjung zeing Yoshua yo' nya: byencang" yi we"- tam" gyoo: ge'. Nanu" gi ju" loo wa da" bidnyid moo ge da" sagse: yi nghoid. Yu" ge'. Akung: ako' ga: myheing to" da" nga" join thu loo wa nghoid.

ZEKHARIA 3:8 교차 참조

COUNG" NGHEI 71:7

Nang gi nga" yoem bo da gyivo su" nghoid nyid yoomo nga" apyaid gi byu myoo" sho' mo, da" shidkhoin" moo khoo" shid: bue" nyid bye:.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

ESAIA 20:3

Ashdod ri myheig loo" shoug" lang" Aseing gi nga" dei zoo: Esaia gi shoocen: doem- khyid: cen: so" lheing yen" zi soem" zain nghoid bye:. He: zigi Egutu yo' Etiopi bue" loo wa avoid asoo" nghoid.

ESAIA 4:2

Aseing gi agam khang" moo" ri zhung" wigi seiggam khang" moo" ri mungdain: khoug: moo yug gyi: ri" nhang: lho: yung" loo nhang: wa ayo, ju" lo nyid da:. Nyid deung jo, da" Israela byu yi dangain" gi gau yi boem wigi hau: mungdain: wigi yoo" nhang: da" gug zoo mei: loem: yoomo langi: koid loo goo” wa.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 49:3

Nyang: gi ngoo ri «Israela we" nang gi nga" dei zoo: nghoid. Re" gang mo byumyu" yigi ngoo ri coung" nghei byid: loo goo" wa» ga: tid da:.

ESAIA 49:5

Ngoo akhu: shi" re Aseing gi ngoo ri yoovoin foin: to" da:. Nya: byu yiri doem shu" tau" loo wa shid re" we' byo, sain" nyid da" Israela byumyu" yiri doem shu" tau" yu wa shid re" ngoo ri nya: dei zoo: koid nhang: abye:. Aseing gi ngoo ri ngi: shab byid: bye: nyang: gi nga" yoem: ajhung: nghoid da:.

ESAIA 52:13

Aseing tid zigi «Nga" dei zoo: gi nya: moo" ri oung: myug sho' koid loo wa. Nyang: gi gye" myhang: sho' ngi: shab byid: zi shoug" wa.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 53:2

Nya: dei zoo: gi kyug hei' da" myidgung moo agyi: cen' da" agam yo' dakhyoo" ti" nghoid wa ziri Aseing da" myid vho: khyoo: nghoid. Nyang: gi ngoonu" wigi yu" xoem" wa da" langi: yo' yung" gyeing" avoid ayoo" nghoid da:. Nyang: ri yu" nheig dab pho" zi ci: aboo. Ngoonu" ri nya: jhang she: yu wa ci: aboo nghoid da:.

ESAIA 8:18

Ngoo gi Aseing wigi byid: to" da" zooshang: yi' yo' dage" nghoid. Ziun boem mo zhungtang moo zhung: da" myhang: thang Aseing gi Israela byu yi shid re" dei nyid da" mungdang: khyo" ngoonu" ri nhang: to" abye:.

YEREMIA 23:5

Aseing tid zigi «David da" amyed ashen mo deingmain" da" byu dayug ri khokham khyo" khyen: yu wa ayo, ju" lo nyid bye:. Hau: khokham gi phajhi" boo boo za: vhoeb wigi mungdain: goin" moo jo ziyo' tarha" deing byeung" zi koid loo wa.

YEREMIA 33:15

Hau: ayo, moo deungmain" da" David amyed ashen dayug ri khokham khyo" ngoo khyen: yu wa. Hau: khokham phoo gi jo ziyo' tarha" deing byeung" da" moo" ri mungdain: goem: sho' moo koid loo wa.

EZEKIEL 12:11

Nang koid bye: da" khyoo: gi nyangnu" moo bue" loo wa da" asoo" nghoid ziri nyangnu" ri tid kyoo" we'. Nyangnu" gi phang: khau: yen" bang: yo' myheig to" da" thung: byu yi bue" lo boem goo" wa.

EZEKIEL 12:6

Re" zi deing: ri re" koo" tho' moo koid: vu, wigi nang khakhyoo: yhe: lo" ziri ashau" myang sho' re" myojid" ri nghoeb ci: wigi moug: coid khoug: khyoo: thu lo" ziri nyangnu" zung" yu" boem goo" baja". Nang koid zigi Israela byumyu" yi shid re" tid poin" byid: zi nghoid loo wa» ga: tid.

EZEKIEL 24:24

Houg: lang" ngoo gi nanu" shid re" asoo" bui" byid: wa. Nanu" gi ngoo koid lid: lo da" ja: khang" moo" ri koid loo goo" wa. Aseing gi he: zi bue" loo lang" nyang: gi yoem: moo" bo Aseing nghoid ziri nanu" se' loo goo" wa ga: tid da:.

EZEKIEL 34:29

Ngoo gi nyangnu" ri myidxu: ge da" yoothung" joem ri byid: wigi hau: mougmyid moo zooyoid khyoo: ajo, loo: wa. Gootu: byumyu" yigi nyangnu" ri ayu" ngi loo goo" wa.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.