ZEKHARIA 3:7 - Lacid Common Language Bible

⁷ «Yoem: moo" bo da" Aseing gi hidsu" ga: tid. Nga" tarha" khyoo: moo nang cang so" lho: ngoo nang ri ab byid: to" da" moo" nang zei: nghoid rigi nang gi nga" yhoem: moo" yo' yhoem: vang" ri vhoeb su: xo' bue" loo wa nghoid. Xo' lho: wigi nga" shidkhoin" moo nyid da" moug: lagyoo: akyu" mho' dang: ri ngoo tam" gyoo: byid: ziyo' dakhyoo" ti" re" akyu" mho' dang: ri we' ngoo tam" gyoo: byid: loo wa zi nghoid.

ZEKHARIA 3:7 교차 참조

APOEM AYANG: 26:5

Ngoo gi nang ri mainkaid jeju" byid: wa. Khasu" wim ga: ri Abraham gi nga" dang: ri tam" gyo: wigi nga" tarha" yo' amyeing" dang: dangain" ri nyang: cang su: nghoid» ga: re" tid.

1 KHOKHAM 2:3

Nang koid wa shid re" re" Aseing Mangsoo amyeing" byid: to" da" moo" zoo" ri koid nyid we'. Nang so" yen" da" joyoo khyi' khang" moo" nang koid da" moo" zoo" dangain" shoug" zoo: shoug" shug baja". Moshe da" tarha" moo lhid" to" da" ziyo' dayhang: ti" nya: tarha" joem yo' amyeing" dang: joem dangain" ri tam" gyo: wigi cang yhe: nyid we'.

1 KHOKHAM 3:14

Re" phoo David koid yhang: ti"- nga" dang: ri tam" gyo:- nga" tarha" yo' amyeing" dang: ri cang pyeing nghoid rigi re" kangso' sheing: nhang: wa zi nghoid» ga: tid.

1 KHOKHAM MHOOMYID: 23:32

Nyangnu" gi Aseing shidkhoin" zoem" yo' Noku Yhoem: Moo" ri yu" coung: wa yo' Noku Yhoem: Moo" mo noku jang" moo Arun da" amyed ashen khainjung yiri yo' nyangnu" da" bidnoem yiri pang" thoug byid: wa yoovoin foin: too" shoug" ago".

ESAIA 62:9

Nghoid loug we' shivoo: ri sho" da" bang:- yhoem" yu da" bang: nanu" gi Zooyho' ri zo: wigi Aseing ri coung" nghei boem wa. Zabyid shi" ri coung: kaid lho: phyo' yu da" bang: nanu" gi Nga" Noku Yhoem: Moo" moo zabyid yhid: shug loo goo" wa.

EZEKIEL 44:8

Nyangnu" gi: nga" da" Noku Yhoem: Moo" mo laloem lakhoug: yo' sen da" younglho' khyoo: joem ri ayu" coung: nghoid ago". Hau: gungthid- nyangnu" gi tungbau byu yiri yu" coung: nhang: ago".

EZEKIEL 48:11

He: gyeung" shang: da" mougmyid gi Zadog mo ko' gyoo" lo da" amyed ashen yi nghoid da" khainjung yi shid re" nghoid ca" da:. Nyangnu" gi ngoo ri jhug zug tung" dei byid: wigi goo" kung: mo Levi byu yi yhang: ti" shoid vhang: moo" koid da" Israela byumyu" yi moo abo boo nghoid ago".

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

XOIN" NGEI" 8:35

Nanu" gi zoem" khoem" duang: moo: nyhed nyid" nyang: myen" myen" nyid" nyid" nyid nyid wigi Aseing amyeing byid: to" gu: ri koid wa zi nghoid. Nanu" akoid nghoid rigi shid: wa zi nghoid. He zigi Aseing nyang: ngoo ri amyeing" byid: to" zi nghoid» ga: tid.

ZEKHARIA 3:6

Hau: thang: ri moug: lagyoo: gi Yoshua ri tid zigi

ZEKHARIA 4:14

Houg: lang" «He: zigi moug: gyab goin" ri seing: su: da" moo" ri zei: wa shid re" Mangsoo wigi shooxu: joid khyen: too" su: tang: nghoid» ga: tid.

ZEKHARIA 6:15

Moug: vi: moo nyid mo, we' re" lho: Aseing da" yhoem: moo" ri bo pang" koid boem wa nghoid. Hau: lho: hau: yhoem: koid lang" yoem: moo" bo da" Aseing gi ngoo ri nanu" jhang khyoo: nhang: kaid ziri se' lo boem wa zi nghoid. Nanu" gi nanu" Aseing da" amyeing" dang: joem ri goolho' phau" cang lo" boem nghoid rigi hid: dangain" nanu" moo bue" loo wa zi nghoid.

ZEKHARIA 6:5

«He: zigi mougmyid gyab goin" da" Aseing shidkhoin" mo thu lo" da" lid myid: loem: nghoid» ga: tid.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

LUKA 22:30

Nanu" gi nga" mungdain: khoug: moo-zo: shug nyid doem wa. Hau: tho' moo gootu: Tarha" zhungtang tho' moo zhoung: lho: Israela byu daxe: eig koung: bang: ri yo" vhoeb khang" ci: boem wa zi nghoid.

YOHAN 14:2

Nga" pho da" yhoem: moo yab myoo" sho' jo. Houg: ajo, nghoid rigi ajo, ein: ngoo atid loo: za: nyid wa anghoid. Ngoo gi nanu" da" shid' re" joyoo nyheing wa ein: lo" zi danghoid.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.