ZEKHARIA 2:12 - Lacid Common Language Bible

¹² Yuda mung" rigi Aseing nyang: seing: ci: da" gyeung" shang: mung" dakheing: doem bue" loo nhang: shi" wa nghoid. Yerusalem we' nyang: je" jheddab da" voomoo" doem bue" loo wa nghoid.

ZEKHARIA 2:12 교차 참조

2 KHOKHAM MHOOMYID: 6:6

Nghoid loug we' akhid" ngoo gi ngoo ri noku ku" we joyoo khyo" Yerusalem ri khyen: too" bye:. Houg: lho: nga" byumyu" ri vhoeb wa David nang ri khyen: too" bye:» ga: tid da:.

ESTHA 6:13

Nyang: gi nyang: moo bue" lid lo da" khyoo: dangain" ri nya: yhoem: seing: myhi' yo' nya: byencang" yiri lo" tid kyo" da:. Hau: thang: nya: yhoem: seing: myhi' yo' hau: phajhi" bo da" nya: byencang" yigi nyang: ri «Nang gi Modekhai ri yoem: so' asoem" byid: pyam lo" nyid abye:. Nyang: gi Yuda byu dayug nghoid lho: nyang: ri nang ayo" oung: pyam wa. Nyang: gi nang ri gyeing" nyang: oung: pyam ri" wa» ga: coem' tid da:.

COUNG" NGHEI 105:15

Hau: sadi byid: da" dang: joem gi ngoo khyen: nyheung to" da" dei zoo: yiri anoo, nhang: goo"- nga" lapi: yiri azang" thung" goo" ga: wigi tid to".

COUNG" NGHEI 132:13

Aseing gi: Ziun ri khyen: yu bye:- nyang: gi hau: ziri nya: yhoem: koid nau nyid.

COUNG" NGHEI 132:14

He: joyoo gi ngoo khokham we' nyid wa joyoo nghoid. He: zigi ngoo khoo" zhung: wa vho: ngei da" joyoo nghoid.

COUNG" NGHEI 135:4

Nyang: Yaku ri khyen: yu zigi Israela gi Aseing nyang: seung: da" byumyu" bue" loo: wa shid re" nghoid.

COUNG" NGHEI 33:12

Mangsoo ri Aseing ga: da" byumyu" yigi ngilho' nyid boem. Nya: byumyu" khyo" khyen: yu to" da- byu yi we' ngilho' nyid boem.

COUNG" NGHEI 82:8

Mangsoo we"- ri" we'. Mougmyid ri vhoebkhang" nyid we' byumyu" yi bain sho' bang: gi re" byu za: danghoid nyid boem.

ESAIA 14:1

Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.

ESAIA 17:14

Myen" thang: zoo" moo nyangnu" wigi gyoug dain pho" zi bui" nhang: ago". Nghoid loug we' nab soin: lang" nyangnu" bei byug ago". Ngoonu" mungdain: ri phyo' zo: da" bang: yugkhang" moo" da" vhu" pi: lo, kyo' gi hougsu" nghoid da:.

ESAIA 41:9

Ngoo gi nang ri mougmyid athang: mo shu" yu bye:. ngoo gi nang ri ve: thang da" azoin" joem mo khe: yu bye:. Houg: lho: nang ri ‹nang gi nga" dei zoo: nghoid› ein: tid bye:. Ngoo gi nang ri angeug he: pyam wa nghoid loug we' khyoid yu wa.

YEREMIA 10:16

Yaku da" Mangsoo gi houg: joem yo' adu nghoid da:. Nyang: gi ja: khang" moo" ri koid too" su: nghoid. Houg: lho: nyang: gi Israela byumyu" yiri nya: shid re" khyen: too" bye:. Myhang: thang Aseing ein: zi nya: myeing nghoid da:.

YEREMIA 30:16

Nghoid loug we' akhid"- nanu" ri ngaid zoo: bang: dangain" ngaid zo: zi shoug" wa. Nanu" da" gyivoo yigi thung: byu yi khyo" myheig yu pyam zi shau" boem goo" wa. Nanu" ri zeig zoo: bang: dangain" gi zeig zo: zi shau" boem wa. Nanu" ri lhoid zoo: bang: dangain" gi lhoid zo: zi shau" boem wa.

YEREMIA 51:19

Yaku da" Mangsoo gi houg: bang: yo' adu: Nyang: gi ja: khang" moo" ri phain" so: su: nghoid da:. Israela byu yigi nya: byu bui" wa. Nyang: khyen: yu to" abye:. Nya: myeing gi Myhang: thang Aseing ga: zi nghoid.

ZEKHARIA 1:17

Moug: lagyoo: gi ngoo ri hidsu" ga: tid fu" nhang: shi" «Yoem" moo" bo Aseing Mangsoo gi nya: voomoo" joem ri doem nyid pyo loo nhang: lho: nyang: gi Yerusalem ri doem pang" thoug wigi nya: voomoo" bue" loo nhang: ga: tid loo wa» ga: tid.

ZEKHARIA 3:2

Aseing da" lagyoo: gi satan ri «Satan we"- Aseing gi nang ri dam kaid baja". Yerusalem ri jheddab da" Aseing gi nang ri dam byid: baja". He: yug gi myikhyoem' mo lang: she: yu to" da" myizoo" te" zi nghoid» ga: tid.

TARHA" TID POIN" 32:10

«Nyang: gi nyangnu" ri dain" pyoid yoo moo lam" dam: yen" ziri myang. Hau: dain" pyoid yoo gi kyug hei wigi lid hau' pyoid pyam da" zi nghoid. Nyang: gi nyangnu" ri goem loem byid: lho: nyang: nya: gung ri goem loem byid: ziyo' dakhyo" nyangnu" ri yu" goin coung: loo bye:.

TARHA" TID POIN" 32:9

Nghoid loug we' Yaku da" amyed ashen yiri koem' gi nyang: nya: shid re" khyen: yu da:.