ZEKHARIA 13:2 - Lacid Common Language Bible

² Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid.

ZEKHARIA 13:2 교차 참조

1 KHOKHAM 22:22

Aseing gi ‹Khasu" mhoid" jhoem" wa› ga: myid: bye:. Venyi: gi ‹Ngoo yhe: wigi Ahab da" lapi: yi dangain" ri yhe: mhoug wa› ga: tid. Aseing gi ‹Nyang: ri yhe: mhoid" jhoem" we'. Nang oung: doid wa›» ga: tid.

COUNG" NGHEI 16:4

Goo tu: da" yu phara" khyoo: moo: cang khaid loo mo, gi atho' tid da" sho" jhen kyi" khyeug khyoo: thoung" shoug" zoo: goo" wa zi nghoid. Ngoo gi nyangnu" da" xoin" to' jang: moo: bo loem wa zi anghoid.

THU' LO" MOUGSOUG" 22:13

Hau: ziri kyoem: khoug: gougnyhoug lam" wigi shi: zo: nghoid rigi sagse: khyo" gougnyhoug shoo" deing ziri ci: loo lang" kyoem: khoug: gougnyhoug wigi dashi: zoo: yoomo nyang: gi khyoug" aca" wa zi nghoid.

THU' LO" MOUGSOUG" 23:13

Ngoo Aseing nanu" ri tid gu: ja: khang" moo" ri tam" gyo: nyid ge'. Yu phara" yiri akyu" amho' goo". Nyangnu" myeing joem rilang" alang: goo".

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

YEREMIA 29:23

Nyangnu" gi yu" gyoug yu" lhung: sho' da" yooboo joem nghoid da" myi: shoid lang shoid khyoo: Aseing myeing ri lang: wigi mhau' dang: tid da" yooboo yo" boem yoomo he: zigi nyangnu" da" vhu" pi: lo, kyo' nghoid loo wa. He: zigi Aseing myid vho: khyoo: ri thougtheung zi nghoid. Nyangnu" cikoid lo ziri nyang: se' da:. Nyang: gi nyangnu" ri thougtheung da" sagse: nghoid da:. Aseing tid to" abye:» ga: tid.

EZEKIEL 12:24

«Israela da" byumyu" yi phung: gung moo mhau' da" yoeb myang joem yo' khyoo: vhang: shu" vhang: da" lapi: dang: joem ajo, loo: wa.

EZEKIEL 13:23

Houg: akhid" re" agyeing" anghoid da" yoeb myang joem yo' khyoo: vhang: shu" vhang: da" mhau' tid dang: thang byug abye:. Ngoo gi nga" byumyu" yiri nanu" da" yoem: so' mo khyoid yu wa. Houg: lang" ngoo Aseing nghoid ziri nanu" se' loo wa» ga: tid.

EZEKIEL 14:9

«Lapi: dayug yug gi shoid da" dang: phuid: ri byid: wa shid re" mhau' fain" zi shoug" nghoid ri ngoo Aseing nyangnu" ri mhau' fain" pyam wigi nghoid. Ngoo gi nyangnu" ri Israela byumyu" yi mo yu pyam wa.

EZEKIEL 30:13

Yoem: moo" bo Aseing tid zigi «Ngoo gi Memphi mo yu phara" soolhoo: joem yo' agyeing" anghoid da" Mangsoo joem ri phyo' shoin' pyam wa. Egutu moo vhoeb zoo: wa byu dayug we' anyid wa. Ngoo gi byu dangain" bang: ri kyug nhain' wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 36:29

Ngoo gi nanu" ri ayung" alhoo' bui" nhang: da" ja: khang" moo" mo khyoid yu wa. Ngoo gi shivoo: agoin agoo" yoo" wa shid re" amyeing" byid: wa. Houg: lang" nanu" gi phang" khoug agyoo" loo: wa.

EZEKIEL 37:23

Nyangnu" gi nyangnu" da" gung ri aco' ajhoid yu soolhoo: joem khyo" ayung" alho' bui" nhang: loo: wa anghoid. Nyangnu" nya: gung ri yooboo wigi we' byo, yoin" nhang: loo wa anghoid. Ngoo gi nyangnu" ri nyangnu" yooboo shoid da" khyoo: dangain" mo yo' ngoo ri gyi koid jang" mo loid byoin nhang: wa. Ngoo gi nyangnu" ri kyeing sain' yu wa. Nyangnu" gi nga" da" byumyu" yi bue" lho: ngoo gi nyangnu" da" Mangsoo nghoid wa.

EZEKIEL 43:7

Hau: zigi «Shid: se' da" byu we"-he: zigi nga" zhungtang nghoid. Ngoo gi hid: moo Israela byumyu" yi phung: gung moo nyid lho: nyangnu" ri apyaid atoo: moo vhoeb nyid wa. Israela byumyu" yi yo' nyangnu" da" khokham yi gi: yu phara" joem ri no' khyo" we' khokham shid: mang joem ri myang da" joyoo moo no' khyo" we' nga" da" gyeung" shang: myeing khyang" ri ngi: adoem yoem" nhang: loo goo" wa.

EZEKIEL 6:6

Israela voomoo" dangain" ri phyo' shoin' pyam wa. Houg: lang" nyangnu" da" phoin: joem yo' yu phara" soolhoo: joem dangain" ajab jab moin" loo" wa. Nyangnu" da" nam pyo: ja: ngei" byid: da" phoin: joem go, sain" byug wa. Nyangnu" koid da" ja: khang" moo" gi bei: byug wa.

HOSEA 14:8

Israela byumyu" yigi soolhoo: joem yo' ci: asen: loo: goo" wa. Ngoo gi nyangnu" da" akyu" mho' dang: ri gyoo: byid: wigi nyangnu" ri goin coung: byid: wa. Ngoo gi khanham we' ashoem: lo" da" seiggam yo' dakhyoo" ti" nyangnu" ri bid shoem: yoeb byid: wa. Ngoo gi nyangnu" da" mainkaid jeju" dangain" da" ajhung: nghoid» ga: tid

HOSEA 2:17

Ngoo gi nyang: ri Bala da" myeing ri khanham we' atid thu nhang: loo: wa.

HOSEA 2:19

Israela we"- ngoo nang ri nga" yhoem: seing: myhi bui" nhang: wa. Ngoo gi deingmain" wigi jhug zug wa. Ngoo gi nang ri abei abyo, da" jheddab myid yo' nheig khyeug ziri ci: shug byid: wa. Houg: lho: nang ri apyaid atoo: moo nga" re" bui" nhang: wa.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

ZEPHANI 2:11

Aseing gi nyangnu" ri kyug nhain' wa. Nyang: gi mougmyid tho' mo yu phara" soolhoo: dangain" ri akoem: dabue" loo" loo: sho' phyed khyo' pyam lho: Mangsoo ri noku lo boem wa nghoid. Byumyu" ja: khang" moo" gi nyangnu" moug: moo nyang: ri goeb pid lo boem wa zi nghoid.

MATHE 12:43

«Akhyeing" da" yu gi Byu da" yhoem: mo thu lo" lho:-kyug kyi ri da" joyoo moo so" lheing yen" wigi doug noo: wa da" joyoo ashau" shoo: loo.

MATHE 7:15

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

LUKA 11:20

Nghoidloug we' ngoo gi Mangso da" yoem: so' mo yu joem ri yo" khaid thu' pyam yoomo Mangso da" mungdain: gi nanu" jang" moo juri" bye ziri si' loo: ge'.

TARHA" TID POIN" 12:3

Nyangnu" da" phoin: joem ri phyo' khyo' pyam byid: wigi nyangnu" da" gyeung" shang: da" lug zeingboung: joem ri adu atoem' du" khyoeb pyam byid: ge'. Nyangnu" da" yu phara" myhi' Ashera da" ladoo" zeing joem ri nghe' pyam lho: nyangnu" alhoo: joem ri bug kho' pyam ge'. Houg: lang" nyangnu" gi hau: joyoo moo khanham we' ayo" no' loo: wa nghoid.

TARHA" TID POIN" 18:20

Nghoid loug we' lapi: dayug yug gi nga" myeing khyo" ngo wigi tid wa amyeing" abyid: ziri voem" koid nghoid rigi nyang: gi hau: shid re" shid: ca" wa. Houg: lho: gootu: yu phara" joem da" myeing khyo" tid da" lapi: hang" nghoid loug we' houg: yo' dakhyoo" ti" shid: ca" wa zi nghoid› ga: tid.

YOSHU 23:7

Houg: lang" nanu" phung: moo: nyid deing jo, da" tungbau byu yi yo' azoem" goo". Nyangnu" yu phara" joem da" myeing ri alang: goo". Hau: myeing joem ri lang: wigi jham' atang: goo". Hau: yu phara" joem ri ano' goo". Houg: joem ri agoeb pid goo".

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".