ZEKHARIA 13:1 - Lacid Common Language Bible

¹ Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

ZEKHARIA 13:1 교차 참조

COUNG" NGHEI 51:2

Nga" da" akhyeing" ashoeb khyoo: dangain" ri ced" pyam byid: wigi nga" yooboo mo ngoo ri ced" shang: yu byid: we'.

COUNG" NGHEI 51:7

Nga" yooboo ri yu pyam byid: we'- houg: lang" ngoo gyeung" shang: loo wa. Ngoo ri: ced" shang: yu we'- houg: lang" ngoo gi gyu: tho' je phyu: loo wa nghoid.

ESAIA 12:3

Gyid jham" gi gyid shed yug ri ngei pyoo: nhang: ziyo' dayhang: ti" Mangso wigi nyangnu" ri khyoid yu da" uri nya: byumyu" yi we' ngei pyo: ago"» ga: jikhoin" khoin" wa.

ESAIA 4:4

Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

YEREMIA 29:26

«Aseing gi Yehoiada da" khoo: moo nang ri khainjung koid nhang: wigi akhid" nang gi Noku Yhoem: Moo" mo vhujhung: moo" nghoid abye:. Lapi: nghoid goin koid wigi nya: leung zeung: moo jangcoo" yo' joto' leung kui" kaid wigi nyid da" byukoo" yugkhang" moo" ri yu" wa shid re" gi: re" moo" nghoid da:.

YEREMIA 33:8

Nyangnu" ngoo ri gyi koid wigi shoid loo bye: da" yooboo joem mo nyangnu" ri ngoo kyeing sain' pyam byid: wa. Nyangnu" yooboo joem ri yo' nyangnu" goemlu to' da" khyoo: ri ngoo yooboo khyoid byid: wa.

EZEKIEL 36:17

Nyang: gi «Shid se' da" byu we". Israela byumyu" yigi nyangnu" da" mougmyid moo nyid boem uri nyangnu" gi nyangnu" nyid da" avoid yo' nyangnu" koid da" lo, moo" khyo" hau: mougmyid ri ayung" alho' bui" nhang: da:. Ngoo gi nyangnu" da" akyang" ri mi ci: da" ayo, mo myiyi: yhang: ti" laloem: lakhoug: thung" khyo" ayung" lhoo' ein: myid byid: da:.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 36:29

Ngoo gi nanu" ri ayung" alhoo' bui" nhang: da" ja: khang" moo" mo khyoid yu wa. Ngoo gi shivoo: agoin agoo" yoo" wa shid re" amyeing" byid: wa. Houg: lang" nanu" gi phang" khoug agyoo" loo: wa.

EZEKIEL 47:1

Byu hau: yug gi ngoo ri Noku Yhoem: Moo" khoem" duang: khyoo: shu" lo" da:. Gyid gi khoem" duang: moo" agyid" khyo" yau thu lo wigi Noku Yhoem: Moo" shidkhoin" shu: da" bidthu shoid khyoo: yau lo" da:. Hau: gyid zoo: gyung: gi phoin: da" mougpyi: shoid khyo" wigi Noku Yhoem: Moo" mougpyi: shoid agyid" khyo" yau gyoo" lo" da:.

XOIN" NGEI" 11:36

Nghoid loug we' hau: shid: mang moo: zang" tain" da" ja: khang" moo" ayung" alho' loug- gyid bug anghoid lang" gyid thung" gi younglho' jo, da:.

MIKHA 5:12

Ngoo gi nanu" koid da" main tain khyau" da" moo" zoo" ri we' phyo' shoin' pyam lho: nanu" mo boid phyid- lo, kyo' yu" bang: ri we' teung too" wa zi anghoid.

ZEKHARIA 12:3

Hau: da" bidnyid ju" lo ri ngoo gi Yerusalem ri gye" lid: da" lugzeing su" bui" loo" nhang: wa. Hau: voomoo" vu, wa ga: yoem: kaid mo, kha: mungdain: bang: we' dam dab boem wa nghoid. Moug: gyab mo mungdain: dangain" gi hau: myo, ri gyi zain: wa ga: zeung: foem: lo boem wa nghoid.

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

1PETERU 1:19

Ce: noo adab da" yung" lho' yang nu" yo' du- Khristu da" phoug" dab, suid" yo' za: dayo" qei yu.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

1YOHAN 5:6

Yesu Khristu gi gyid moo Babtisma kham: yu lho: shid: kham: suid" shoin: ziyo' ju" ri" su nyang nghoid. Nyang: gi gyid' yo' za: ju" re" zi anghoid- gyid yo' we' suid" yo" we' ju" re" zi nghoid. Houg: su" ju" re" khyoo: deung nyid ziri hau: Venyi nyang sagsi: kham, byid: nyid. Khasu" wim gari hau: Venyi nyang- deingmain" da" khyoo: nghoid nyid.