ZEKHARIA 12:5 - Lacid Common Language Bible

⁵ Houg: lang Yuda kung: mo mo, gi nyang: nya: gung ri ‹Yoem: moo" bo da" Aseing Mangsoo gi Yerusalem moo nyid da" nya: byumyu" yiri yoem: byid: da› ga: tid lo boem wa nghoid.

ZEKHARIA 12:5 교차 참조

COUNG" NGHEI 144:1

Nga" goem loem su: Aseing ri coung" byid: ge' nyang: gi ngoo ri gyimoo" jhau" byid: lho: gyi pui" shid re" ngoo ri soin' nyheung byid: nyid

COUNG" NGHEI 18:32

Nyang: gi ngoo ri yoem: boo nhang: da" Mangsoo nghoid. Nyang: gi gau: da" khyoo: ngoo ri soin byid: nyid.

COUNG" NGHEI 18:39

Nga" gyivoo joem ri oung: pyam lho: meing: yo" zain: wa shid re" nang ngoo ri yoem: vhoo" byid: nyid.

COUNG" NGHEI 46:1

Mangsoo gi ngoonu" da" nghe: khoug: joyoo yo' yoem: vhoo" nghoid nyid. Kyi" khyeug nyid da" ayo, moo pang" thoug yu wa shid re" kha: u" we' jen" nyid gu nghoid.

ESAIA 1:10

Yerusalem we"- re" vhoebkhang" bang: yo' re" mung" byu yigi Sodom yo' Gomora mo bang: yo' du ago". Aseing nanu" ri tid nyid ziri tam” gyoo: ge'. Ngoonu" Mangsoo gi nanu" ri jhau" shed nyid ziri nyeing" gyo: yu we'.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 1:26

Goonham' nang lhoung yo" yu" da" bang: yhang: te" da" vhoebkhang" bang: yo' phajhi" byid: bang: ri nang ri ngoo byid: wa. Houg: lang" Yerusalem gi deungmain" jhug zug da" voomoo" ga: myheing zi shoug" wa» ga: tid da:.

ESAIA 28:5

Myhang: thang da" Aseing gi nyid deing jo, boem da" nya: byumyu" yi shid re" phung" yoeb bo da" bidmug mo bain: boo" yo' dayhang: ti" nghoid wa da" bidnyid gi lo nyid da:.

ESAIA 28:6

Nyang: gi tarha" agyi yi khyo" dei byid: da" bang: ri tarha" deingmain" ziri se' da" myid ri byid: lho: gyi zain: ziri voomoo" khoem" duang: joem moo goem loem byid: boem da" bang: ri yoem: byid: loo wa.

ESAIA 29:10

Aseing gi nanu" ri yhoeb noug noug nhang: wigi yhoeb moo" myid" nhang: wa jen" jen" koid to" abye:. Lapi: yigi byu yi da" myojid" joem nghoid ago". Nghoid loug we Mangsoo gi nyangnu" ri myo, thoeb too" byid: da:.

ESAIA 32:1

Dayo, moo jhug zug da" khokham dayug yo' tarha" deing byeung" da" khyo" vhoeb da" byumyu" vhujhung: yi nyid loo goo” wa.

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

ESAIA 60:17

«Ngoo gi nang ri gyid: mid" gungthid sheing:- Jo, to' yo' seig gungthid ngei yo' gyid: mid"- Lug boem gungthid joto' ri ci: loo byid: wa. Nang vhoeb da" bang: gi nang ri azeig zoo: loo wa. Ngoo gi nyangnu" ri tarha" deungmain" lho: ngei pyo: yug yo ziyo' vhoeb nhang: wa.

YEREMIA 30:21

Nyangnu" da" vhoebkhang" su: gi nyangnu" nya: byumyu" mo thu loo wa. Nyangnu" da" khokham nya: zoo: gi nyangnu" nya: byumyu" mo thu loo wa. Nyang: ri ngoo khi: lang" nyang: gi nga" jhang tab lo loo wa. Akhe: ri hang" voem" loo wa la. Nyangnu" gi nga" byu yi nghoid lo wigi ngoo gi nyangnu" Mangsoo nghoid wa. Ngoo Aseing tid too" bye:».

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

YOELA 3:16

Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.

ZEKHARIA 10:12

Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ZEKHARIA 12:4

Hau: bidnyid ri gyivoo joem da" myang: joem dangain" ri ngoo kyug tain' wigi nyangnu" myang: jui: mo, dangain" ri ko" fang: lo" byug nhang: boem wa. Yuda mung" byu yi tho' moo ngoo lhoug zung" wa. Nyangnu" gyivoo yi da" myang: joem rigi myo, zheung: jid lo" byug nhang: wa nghoid.

ZEKHARIA 12:6

«Hau: ayo, moo ngoo gi Yuda kung: mo vhujhung: yi rigi siyoo moo nge" joem: lo" da" myi: yhang: ti" shivoo myeung jo, da" gug yoo mo myi: yo' dakhyoo" ti" bui" nhang: wa. Nyangnu" da" ayam aqei mo da" mungdain: dangain" ri phyo' shoin' pyam' boem wa. Yerusalem voomoo" bang: gi myen myenjham" jham" hau: vookhoug: moo goem loem za: shau" nyid boem wa zi nghoid.

ZEKHARIA 14:14

Yuda byumyu" yigi Yerusalem ri lhoug zung" yu wa shid re" zain: loo wa nghoid. Nyangnu" gi byu yi dangain" mo, da" ngei sheing: yo' nyangnu" da" jonu" void mi void byi: myoo" sho' lhoid ci: lo boem wa nghoid.

TARHA" AGYI 5:9

Nga" nheigloem: gi Israela byumyu" yi da" gyizoug: yi yo' dage" Ngei bu: za: nyang: nya: myid khyo" cang boem da" bang: yo' dage" nghoid nyid da:. Aseing ri coung" ge'.