ZEKHARIA 12:4 - Lacid Common Language Bible

⁴ Hau: bidnyid ri gyivoo joem da" myang: joem dangain" ri ngoo kyug tain' wigi nyangnu" myang: jui: mo, dangain" ri ko" fang: lo" byug nhang: boem wa. Yuda mung" byu yi tho' moo ngoo lhoug zung" wa. Nyangnu" gyivoo yi da" myang: joem rigi myo, zheung: jid lo" byug nhang: wa nghoid.

ZEKHARIA 12:4 교차 참조

1 KHOKHAM 8:29

Noku wa shid re" nang khyen: too" bye: da" he: joyoo mo Noku Yhoem: Moo" ri myen" myen" nyid" nyid" lhoug zung" byid: wa o". He: Noku Yhoem: Moo" khyoo: ngoo myonhoo: shu: wigi akyu" mho' dang: ri tam" gyoo: byid: we' o".

2 KHOKHAM 6:14

Nyang: gi gyiphung: moo" yo' myang: joem gyi myang: rheing" joem ri houg khyoo: nhang: kaid da:. Nyangnu" gi voogung khyoo: myen" ri ju" yhe: wigi yhe: vang: to" ago".

2 KHOKHAM 6:18

Suri byumyu" yi meing: zain: loo lang" Elisha gi «O" Aseing we"- hau: byu joem ri myo, jid, nhang: we'» ga: akyu" mho' da:. Aseing gi nya: akyu" mho' dang: ri tam" gyoo: byid: wigi nyangnu" ri myo, jid, nhang: da:.

2 KHOKHAM MHOOMYID: 6:20

He: Noku Yhoem: Moo" ri myen" ri nyid" ri zung" yu nyid byid: la. Hid moo nang noku coung" wa ga: dangsoo" byid: too" yoomo ngoo hid moo he: Noku Yhoem: Moo" khyoo: myonhoo: shu: lho: akyu" mho' dang: ri tam" gyoo: byid: la.

2 KHOKHAM MHOOMYID: 6:40

«O" nga" Mangsoo we"- akhid" ngoonu" ri yu" lho: he: joyoo moo akyu" mho' da" dang: ri tam" gyoo: byid: la.

2 KHOKHAM MHOOMYID: 7:15

Ngoo gi he: Noku Yhoem: Moo" ri lhoug zung" nyid wigi he: moo akyu" re" mho' da" akyu" mho' dang: dangain" ziri tam" gyoo: byid: wa jen" jen" nghoid.

NEHEMIA 1:6

Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

ESAIA 24:21

Atho' mo yoem: so' yoo" bang: yo' mougmyid mo vhoebkhang" bang: ri Aseing wigi yooboo dam byid: wa ayo, ju" loo wa.

ESAIA 37:17

Aseing we" - akhid" ngoonu" moo cibue" nyid ziri yu" byid: la. Dei nyid da" Mangsoo nang ri Senakherib wigi aphoug" akhyoid tid nyid zi dangain" ziri tam" gyoo: byid: la.

YEREMIA 24:6

Ngoo gi nyangnu" ri lhoug zung" byid: wigi nyangnu" ri he: mung" khyoo: doem shu" tau" lo byid: wa. Ngoo gi nyangnu" ri zhug to" wigi nyangnu" ri aphyo' khyo' pyam wa. Ngoo gi nyangnu" ri sho" to" wigi aphoin' pyam wa.

EZEKIEL 38:4

Ngoo gi nyang: ri lang: phug lheing: yu wa. Nya: da" amcam" joem langhui" wigi nghue" yu lho: nyang: yo' nya: da" gyizoo: phung: joem ri she: khyoid loo" wa. Nya: da" gyidab gi myang: joem gyizuang void da" myang: jui: bang: yo' dage" gye" myo: boem ago". Houg: lho: gyizoo: yugkhang" moo" gi goo dakhyab khyab yo' shamcoin" dacam" voin boem.

EZEKIEL 39:20

Nyangnu" gi nga" da" zoobui" moo myang: joem yo' myang: zhung: bang: gyizoo: yi yo' gyi khaid bang: ri nyangnu" yo" zo: yhi' zo: boem goo" wa. Ngoo yoem: moo" bo Aseing tid too" bye:.

DANIELA 9:18

O" Mangsoo we"- ngoonu" ri tam gyoo: byid: la. Ngoonu" ri yu" yu" we'. Houg: lho: ngoonu" yau: khi" shoug" nyid ziyo' re" myeing voin da" voomoo" kham zoo: nyid da" yau: khi" ri myang byid: la. Ngoonu" gi ngoonu" jo zi koid da" gang mo anghoid. Nang nheig khyeug myid bo da" gang mo ngoonu" nang ri akyu" mho' nyid boem bye:.

ZEKHARIA 10:5

Yuda byumyu" yigi fu" moo" khyoo: joem moo nyangnu" da" gyivoo joem ri nang: nhe" nhoeb pyam' da" gyizoo: yi yo' dakhyoo" ti" oung: doid lo" boem wa. Aseing gi nyangnu" yo' dage" nyid yoomo nyangnu" gi gyizoo joem yo' meing: zain: go" ri myang: zhung: da" gyiphung: rilang" yo" zain: oung: pyam' wa zi nghoid.

ZEKHARIA 12:11

Hau: ayo, moo Yerusalem moo koug ngau zigi shid phyang" Mekido koo' lhang moo Hada Rimon shid re" ngau yu" yhang: ti" ngoug zeing nyang: shau" ngoug boem wa nghoid.

ZEKHARIA 12:3

Hau: da" bidnyid ju" lo ri ngoo gi Yerusalem ri gye" lid: da" lugzeing su" bui" loo" nhang: wa. Hau: voomoo" vu, wa ga: yoem: kaid mo, kha: mungdain: bang: we' dam dab boem wa nghoid. Moug: gyab mo mungdain: dangain" gi hau: myo, ri gyi zain: wa ga: zeung: foem: lo boem wa nghoid.

ZEKHARIA 12:5

Houg: lang Yuda kung: mo mo, gi nyang: nya: gung ri ‹Yoem: moo" bo da" Aseing Mangsoo gi Yerusalem moo nyid da" nya: byumyu" yiri yoem: byid: da› ga: tid lo boem wa nghoid.

ZEKHARIA 12:6

«Hau: ayo, moo ngoo gi Yuda kung: mo vhujhung: yi rigi siyoo moo nge" joem: lo" da" myi: yhang: ti" shivoo myeung jo, da" gug yoo mo myi: yo' dakhyoo" ti" bui" nhang: wa. Nyangnu" da" ayam aqei mo da" mungdain: dangain" ri phyo' shoin' pyam' boem wa. Yerusalem voomoo" bang: gi myen myenjham" jham" hau: vookhoug: moo goem loem za: shau" nyid boem wa zi nghoid.

ZEKHARIA 14:15

Gyivoo joem da" myang: yo' loo zei:- loo kung"- Gola-ug yo' gyidab khoug: mo gougnyhoug dangain" tho' moo we' gyoug pho" yoem" gyo" loo wa.`

ZEKHARIA 9:8

Ngoo gi nga" mungdain: ri lhoug zung" nyid wigi cenoem gyiphung: yi we' ayo" lid loo". Nya: mung" byu yiri shen" yhen doin: zeig nyid ziri ngoo khanham we' akhang" byid: wa zi anghoid. Ciwim gari akhid" mo wigi nga" byu yiri yhe: zung" yu" nyid wa.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

TARHA" TID POIN" 28:28

Aseing gi nanu" ri koo" nhang: wa zi nghoid. Nyang: gi nanu" ri myojid" jed nhang: wigi anhung akhoid bue" khyo" wigi shen" wa zi nghoid.