ZEKHARIA 12:2 - Lacid Common Language Bible

² «Ngoo gi Yerusalem rigi zabyid goem yhang: ti" koid wa. Nya: ayam aqei: mo byumyu" joem gi hau: ziri shug lho: yhid: yed mo, yhang: ti" leung yu: yen" boem wa. Hougsu" nyangnu" gi Yerusalem voomoo" ri vang: ci: uri Yuda mung" mo gootu: voogung joem ri we' vang: to" zi shoug" wa.

ZEKHARIA 12:2 교차 참조

COUNG" NGHEI 75:8

Aseing gi nya: nheug yo: phoin:” ein: da- aso, thain: da" zabyid yeing yo' byeung" da" goem daloem: nya: lo, moo: ci. Hau: zabyid yeing ri nyang: foid shoin" kaid lang" tarha" aci: bang: dangain" gi hau: ziri shoug boem bye:. Nyangnu" gi dazo, we' adeing loo sho' shoug" pyam abye: go".

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

YEREMIA 25:15

Israela da" Aseing Mangsoo gi ngoo ri «Nga" nheig yo: zi byeung" jo, da" zabyid yhid: goem hid: moo nghoid da:. Hau: ziri yu ci: wigi nang ri ngo wigi nhang: kaid byid: da" byumyu" dangain" ri houg: mo nyangnu" ri shug nhang: we'.

YEREMIA 25:17

Houg: yoomo ngoo gi Aseing da" lo, mo goem ri yu yu wigi Aseing wigi ngoo ri nhang: kaid byid: da" byumyu" dangain" ri byid: wigi nyangnu" ri hougmo shug nhang: bye:.

YEREMIA 49:12

«Yooboo dam byid: zi ashau" eung: da" bang: lang" yooboo dam byid: da" koem: ri shug ca" ago". Yooboo dam ashau" lho: nanu" loid wa ein: jhoo: go" rhe". Anghoid- hau: koem: mo nanu" shug ca" da:.

YEREMIA 51:57

Ngoo gi nyangnu" da" vhoebkhang" bang: ri phajhi" boo bang: ri vhujhung: yiri yo' gyizoo: yiri yhid: yed nhang: wa. Nyangnu" yhoeb lo" wigi khanham we' ato' loo loo: goo" wa. Ngoo khokham tid too" bye:. Ngoo gi myhang: thang Aseing nghoid.

YEREMIA 51:7

Babelon gi nga" lo, moo bo da" sheing: khu yo' du. Hau: zigi moug: gyab goin" ri shug yid nhang: da:. Byumyu" yigi hau: zabyid yhid: ri shug wigi ko" lo" byug bye:.

YEREMIA 8:14

Mangso byu yi myid: zigi «Ngoonu" ciwim sam: zoo: tam" jo, boem la". Sage'- ngoonu" gi gyidab voomoo" joem khyoo: phang: tang" vang yhe: wigi houg moo yhe: shid: shang. Ngoonu" Aseing Mangsoo gi nyang: ri ngoonu" yooboo shoid boem bye: yoomo ngoonu" ri shid: wa shid re" dang: phyed byid: bye:. Nyang: gi ngoonu" ri myoono, byid: jhug abye:.

HABAKU 2:16

Nang we' myonhoo: ngilang: da" gungthid asho' ashid: zi doem shoug" wa nghoid. Nang nyang: we' shug lho: apyi: akam" bue" loo" wa. Aseing gi nang ri nanya: yooboo khu ri shug nhang: lho: re" da" myonhoo: ngilang: we' sho' phu" khyoo: thid loo" nhang: wa.

ZEKHARIA 14:14

Yuda byumyu" yigi Yerusalem ri lhoug zung" yu wa shid re" zain: loo wa nghoid. Nyangnu" gi byu yi dangain" mo, da" ngei sheing: yo' nyangnu" da" jonu" void mi void byi: myoo" sho' lhoid ci: lo boem wa nghoid.

ZEKHARIA 14:2

Aseing gi byumyu" yi dangain" ri Yerusalem voomoo" ri zain: wa shid re" khe: zheing" loo wa nghoid. Voomoo" rigi nyangnu" yo" zain: yu pyam lho: yhoem: joem ri we' phyo' pyam' boem wigi myiyi: yiri we' rue" pyam' boem wa nghoid. Vookhoug: mo mung" byu agung dayi" rigi myheug she: lo" lho: agung dayi" rigi teung too" khare" boem wa.

Pang Shug 14:10

Hau: tho' moo gootu: gyeungshang: da" moug: lagyoo: yi yo' yang nu" da" shid' khoin" mo fang myi: khyoem, moo shen" yhen zi shau" boem wa nghoid.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.

Pang Shug 18:6

Nanu" gi nyang: koid yhang: ti"- nyang: ri latoo: doem phug byid: ge'. nyang: nanu" ri koid da" tho' moo eig zhang latoo: doem, phug ge'. nanu" ri jhug wa shid re" goem, moo nyang: eig zhang lung: byid: ge'.