ZEKHARIA 12:1 - Lacid Common Language Bible

¹ He: zigi Israela da" khyoo: Aseing pang shug da" mungdang: nghoid wigi mougkhung: ri phain" myhu: to" da" Aseing- mougmyid ri ayang: zhug su:- byu ri kangso' byid: da" Aseing tid zi nghoid.

ZEKHARIA 12:1 교차 참조

APOEM AYANG: 1:8

Nyang: gi moug: laid kyoodoem: ri «mougkhung:» ga: myeing byid: bye:. Myen" thang: ayo, lid: khare" lho: nab soin: ju" ri eig nyid" nyid" nghoid bye:.

APOEM AYANG: 2:7

Hau: thang: Aseing Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

YOBA 26:7

Mangsoo gi mougzhung: shoid khyo" wigi mougkhung: ri pei: myu" kaid da:. Houg: lho: mougmyid ri we' joyoo akoem: moo lhang" to" da:.

YOBA 37:18

Nang gi Mangsoo ri mougkhung: yo" bo pang" myhu" wa la" Houg: lho: hau: ziri boid yung" to" da" to' phyu: yhang: ti" thain: sho' yo" bo pang" koid wa la".

COUNG" NGHEI 104:2

Nang gi re" da" gung moo: bidbang ri void ci: da- nang mougkhung mougdi ri zoem" yhang: ti" pei: khang" to" wigi

COUNG" NGHEI 134:3

Mougkhung: moug: di yo' mougmyid yoosoo" ri phain" so: to" da" Aseing gi Ziun mo wigi nanu" ri mainkaid byid: nyid baja" o".

PHAJHI" DANG: 12:7

Ngoonu" gung du: gi mougmyid mo myid phei" khyoo: doem tau" lo" wigi kangso' gi ngoonu" ri byid: da" Mangso jhang khyoo: doem tau" loo" wa.

ESAIA 40:12

Nammugdara ri lo, zhoeb wigi hang" yo" leug la". Nya: lo, wigi mougkhung: ri yo" ke' la". Myid gung mo myidzhoo" ri koem: moo hang" yo" kaid ci: la". Boem yo' bouggung joem ri jang mo hang" yo" leug la".

ESAIA 40:22

Hau: zigi myidgung atho' mougkhung atho' moo nya: zhungtang moo zhung: jo, su: phain" so: to" zi nghoid da:. Vhoo: mo byu yigi layed yhi' nge ago". Nyang: gi mougkhung: ri yabkyo' pain" ruang: yhang: ti" pyo: kaid wigi nyid wa zoem" yhang: ti" koid kaid da:.

ESAIA 42:5

Mangsoo gi mougkhung: ri phain" so: wigi hau: ziri pei: pyo: to" da:. nyang: gi mougmyid yo' houg: moo: nyid gu: dangain" ri sid shoung: to" da:. Nyang: gi kangso byid: wigi hau byu yi dangain" ri so' shi: nhang: da:. Houg: lho: akhid" Aseing Mangsoo gi nya: dei zoo: ri

ESAIA 44:24

«Ngoo gi re" khyoid yu Aseing nghoid. Ngoo gi nang ri phain" so: too" su: nghoid. Ngoo gi ja: khang" moo ri phain" so: too" su: Aseing nghoid. Ngoo dayug kyeing" mougkhung: ri nghoeb too" su: nghoid. Ngoo mougmyid ri phain" so: uri ngoo ri hang" apang" byid:.

ESAIA 45:12

Ngoo gi mougmyid ri phain" so: to" lho: houg moo nyid wa xangsu: byu yiri phain" too" su: nghoid. Nga" yoem: so' khyo" wigi mougkhung: ri nghoeb to" wigi bid- lhammoo"- kyi: joem ri ngoo khang" nyid.

ESAIA 45:18

Aseing gi mougkhung: ri phain" so: to" da:. Nyang: gi Mangsoo nghoid da:. Nyang: gi mougmyid ri azuang koid lho: phain" so: to" da:. Nyang: gi hau: zi teing sho' koid lho: jo, jo, nhang: da:. Nyang: gi hau ziri jham" coug: youg akoid pyam nghoid da:. Nghoid loug we' byu yi shid re" nyid wa joyoo koid byid: da:. Nyang: tid zigi «Ngoo gi Aseing nghoid. Gootu: Mangsoo anyid.

ESAIA 48:13

Nga" lo, wigi mougmyid apoem: ayang: ri koid to" wigi mougkhung: ri pyo: nghoeb to" Mougmyid yo' mougkhung: ri ngoo khe: kaid lang" houg jang: ju" lo boem wigi nyang: nya: da" gung ri re" ci: shug byid: la.

ESAIA 51:13

Nang ri phain" so: too" su: mougkhung: ri pyo: nghoeb too" su: mougmyid da" apoem: ayang: ri zhug too" su: Aseing ri nang to" myhid pyam bye: la". Nang ri zeig zoo: bang: da" nheig joem: yo: zi nang ri phyo' shoin' pyam wa jen" jen" nghoid mo, ri byeing abyid nang ciwim gyoug nyid la". Nyangnu" da" nheig joem: yo: zigi nang ri ayo" tain" goo" wa.

ESAIA 57:16

Nga" byumyu" yiri ngoo kangso' byid: wigi nyangnu" ri xo' lho: yooboo azhug wa. Apyaid atoo: moo we' nyangnu" ri ngoo anheig yoo: wa.

YEREMIA 10:12

Aseing gi nya: yoem: so' yo' myidgung ri koid to" wigi Nya: da" phajhi" wigi moug: gyab ri phain" so: to" wigi mougkhung: ri pyo: myhu" to" da:.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

YEREMIA 30:16

Nghoid loug we' akhid"- nanu" ri ngaid zoo: bang: dangain" ngaid zo: zi shoug" wa. Nanu" da" gyivoo yigi thung: byu yi khyo" myheig yu pyam zi shau" boem goo" wa. Nanu" ri zeig zoo: bang: dangain" gi zeig zo: zi shau" boem wa. Nanu" ri lhoid zoo: bang: dangain" gi lhoid zo: zi shau" boem wa.

YEREMIA 38:16

Houg: lho: khokham Zedekia gi «Ngoo gi nang ri asaid pyam wa nang ri said pyam nau da" bang: lo, khyoo: we' ngoo nang ri a ab pyam wa ein: ziri ngoonu" ri kangso' byid: da" Mangsoo- kangso' dei nyid Mangsoo da" myeing ri lang: wigi ngoo jham' tang: da» ga: sam: zoo: ngoo ri dangsoo" byid: da:.

YEREMIA 50:34

Nghoid loug we' nyangnu" ri khyoid yu wa su: gi yoem: bo da:. Nya: myeing gi myhang: thang Aseing nghoid da:. Nyang: nyang: gi nyangnu" moo" ri yoovoin yu lho: mougmyid khyoo: ngei pyo: yug yo khyoo: ci: ri" byid: wa. Nghoid loug we' Babelon byu yiri gi yau: khi" shoug" lo boem goo" wa» ga: tid da:.

YEREMIA 51:15

Aseing gi nya: yoem: so' yo' myidgung ri phain" so: wigi Nya: phajhi" yo' mougmyid ri phain" so: lho: Mougkhung: mougdi ri pei: myu" kaid da:.

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

EZEKIEL 18:4

Myhi' phoo yi da" kangso'- zooshang: yi da" kangso'- byu yugkhang" moo" da" kangso' ri ngoo seing: da:. Yooboo shoid su: gi shid: ca" da" su: nghoid wa.

YOELA 3:19

Nyangnu" gi Yuda mung" ri khaid zain: lho: ce" yooboo we' ayo" da" byumyu" yiri said pyam yoomo Egutu mung" gi moug: koem: bue" lo" lho: Edom mung" we' jham' dung" khe" da" siyoo bue" loo" wa nghoid.

ZEKHARIA 9:1

He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.

MALAKHI 1:1

Aseing pang shoug da" mungdang:- Israela byumyu" yiri Malakhi khyo" wigi tid kyo" kaid zi nghoid.

GYUNG: SOO" 16:22

Nghoid loug we' Moshe yo' Arun gi nya: tang: myonhoo: ri myidjang khyoo: goeb pid wigi «O" Mangsoo we"- nang gi kangso' dangain" da" ajhung: nghoid da:. Dayug kyeing" yooboo koid ri shava phung: dangain" ri nheig yo: rhe"» ga: tid.

HEBRE 12:9

Nanu" ri jhau" mhoo, byid: da" xang: su: nya: pho, ri phau" myang: nyid boem nghoid rigi ngoonu" da" Venyi yo' sen: nya: pho, vhoo: moo goeb, jo, boem lho: kangso' dei nyid boem ca" anghoid goo" la".