ZEKHARIA 11:3 - Lacid Common Language Bible

³ Zoug: yi da" phung" yoeb ci: phyug pyam' boem yoomo nyangnu" koug ngau nyid abye: go" Khang khyi joem myeing myhu" nyid ziri tam" gyoo: we'. Yodan gyid yam cang mo nyangnu" da" siyoo joyoo joem we' pyo, sain" pyam' zi shoug" bye:.

ZEKHARIA 11:3 교차 참조

COUNG" NGHEI 22:21

Ngoo ri: he: khang khyi joem da" lo, mo khyoid yu we'. He: nulam" joem da" shid: gyoin, moo ngoo gi phang: khoug: jang: ayoo" loo.

ESAIA 5:29

Gyizoo: yigi gougnyhoug dadu: ri yo" ngaid boem da" khangkhyi joem yhang: ti" hung: wigi hang" we' hau joem lo, mo ayhe: yo" yu nghoid ago".

ESAIA 65:15

Khyen: yu to" da" nga" byumyu" yigi nanu" da" myeing ri nheing" khoin" khyo" ci: boem wa. Ngoo myhang: thang Aseing gi nang ri said pyam' wa. Nghoid loug we' ngoo tid dang: ri gyoo: bang: rigi myeing seig byid: wa.

YEREMIA 2:15

Nyangnu" gi nyang: ri khangkhyi joem yhang: ti" myeing ago". Nyangnu" gi nya: da" mougmyid ri dain" pyoid yoo koid pyam ago". Houg: lho: nya: da" voogung joem gi jhoid she: pyam zi shoug" lho: byo, yoin" jo, da:.

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

YEREMIA 26:6

Nanu" xo' wigi atam" gyoo: acang yhi: nghoid rigi ngoo Shilo voogung ri koid yhang: ti" he: Noku Yhoem: Moo" ri we' koid wa. Houg: lho: mougmyid gyab goin" mo byumyu" yi dangain" gi he: voomoo" byumyu" yi dangain" gi he: voomoo" myeing ri nheing" khoin" khyo" ci: loo goo" wa» ga: tid.

YEREMIA 49:19

Mhain" pung thu: da" Yodan gyid gyung: yam cang lho: nyau young" da" coung" yoo khyoo: khang: khyi: dadu: thu lo yhang: ti" ngoo thu re" lho: Edom byu yiri nyangnu" mungdain: mo nyeigdain tung" tang" phang: loo" nhang: wa. Houg: lang" ngoo khyen: to" da" su: gi byumyu" ri vhoeb loo wa. Ngoo yo' kha: yug yo" tu' go" la". Ngoo ri pyi: hang" sho: la". Cite" da" vhoebkhang" su: gi ngoo ri gyi yo" koid wa la".

YEREMIA 50:44

«Yodan gyung: cang wigi seig moo" pug mo zi nyau young" da" coung" nu" yoo khyoo: do: thu lo da" khang: khyi: dadu: yhang: ti" ngoo Aseing thu lo wigi Babelon byu yiri nyangnu" voomoo" mo nyeigdain tung" tang" phang: loo" nhang: wa. Houg: lho: ngo wigi khyen: to" da" vhujhung: gi byumyu" yiri vhoeb loo wa. Ngoo ri hang" yo" tu' wa la". Cite" da" vhoebkhang" su: gi ngoo ri yo" thougtheung wa la".

YEREMIA 7:4

‹Ngoonu" goem loem ziyoo" bye:- hau: zigi Aseing da" Noku Yhoem: Moo" nghoid- hau: zigi Aseing da" Noku Yhoem: Moo" nghoid. Hau: zigi Aseing da" Noku Yhoem: Moo" nghoid› ga: da" mhoug dang: ri loem" nyid go".

EZEKIEL 19:2

Nanu" nya: myhi' gi khangkhyi myhi' danghoid nhung: la". Nyang: gi nya: da" khangkhyi nu" tang: ri gye" nheigloem: thain: da" khangkhyi loo: joem phung: gung moo khu: gyi: kaid da:.

HOSEA 10:5

Samari voomoo" moo nyid da" byu yigi gyoug lho: Bethaven mo sheing: nujung loo: byug wigi koug ngau loo goo" wa. Hau: nujung loo: ri dei byid: nyid da" nyangnu" yo' khainjung yigi hau: gang mo khau" ngoug loo goo" wa. Hau: da" sheing: phung bang khyeug pyam uri nyangnu" gi kougshu: yoid: ngoug loo goo" wa.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

AMO 8:8

Houg: yoomo mougmyid gi myid leig leug loo: wa. Mungdain: khoug: moo nyid da" byu yi yugkhang" moo" gi seing" kho" lo boem wa. Damung" goin" yoid yoid ga: lei" lo wigi hau: zigi Nila gyid gyung: je: gyo" lo ziyo' dakhyoo" ti" nghoid wa.

ZEPHANI 1:10

Aseing tid zigi hau bidnyid moo nanu" gi Yerusalem wimdo, khoem" mo" duang: mo ngoug thui: shau" gyo: boem wa. Voomoo" da" aseig du: to" khyoo: moo kougshu: da" ngoug khyang" fang" thui: yo' bouggung tho' mo yoem: shoin: ngoug thui: ri nanu" shoug" gyoo: wa.

ZEPHANI 3:11

Houg: da" bidnyid moo nga" byumyu" yi nanu" gi ngoo ri thougtheung da" khyoo" wigi sho: thu ca" loo: wa zi anghoid. Phoug: khuang lho: nheigloem: myhang: nyid bang: hang" nghoid loug we' ngoo khyen: thu pyam lho: nanu" gi nga" gyeung" shang: da" boem moo khanham we' doem yo" thougtheung loo loo: goo" wa zi anghoid.

ZEPHANI 3:3

Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.

ZEKHARIA 11:2

Gyoin: gam joem we" ngoug khyang" fang" nyid we'. Shamu gam joem gyau: leung loo" byug bye:. Gye" bug thu da" seig moo" gam joem gi phyo' shoin' pyam' zi shoug" bye:. Bashan mo Shookhi" gam joem we' ngoug khyang" fang" nyid we'. Yooyang" no, yoid yoo thug hain" pyam' boem bye:

ZEKHARIA 11:8

Ngoo gi ngoo ri ngheing" da" yang zung" mo, gootu: soem" yug ri atho' kham zeing: loo: yoomo lhammoo" dakhyab' khoug: moo za: nyangnu" dangain" mo, ri khaid thu pyam' bye:.

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.