ZEKHARIA 10:3 - Lacid Common Language Bible

³ Aseing tid nyid zigi «Ngoo gi nga" byumyu" yiri vhoeb zo: nyid da" tungbau byumyu" yiri nheig yo: lho: yooboo dam byid: wa. Yuda byumyu" gi Nga" byumyu" nghoid. Houg: yoomo nyangnu" ri ngoo yoem: moo" bo Aseing gi goin coung: nyid wa. Nyangnu" gi yoem: so' gyi: da" nga" gyi myang: joem bue" loo wa nghoid.

ZEKHARIA 10:3 교차 참조

YOBA 39:25

Laboo" moid myheing kaid khang" moo" nyangnu" nhoo: moid myheing ago". Nyangnu" gi ajhang re" shi" mo nyang: meing: zain: pa: shoem: yo" nam gyo: da:. Houg: lho: nyangnu" gi zoug: yi amyeing" nyho: byid: nyid ziri shau" gyo: da:.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

DANG: ZHOEM 21:31

Nang gi gyikhaid pui" shed re" myang: joem ri yo" nyheung soin' too" nghoid loug we' oung: doid loo" nhang: su: gi Aseing za: danghoid nyid.

SHOLUMON JIKHOIN" 1:9

Ngoo jheddab su: we"- Phara u da" myang: rheing" mo myang: loo: ri myang: myhi' gi nheig dab yhang: ti" nang gi yuggi yiri nheig dab nyid.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

ESAIA 24:21

Atho' mo yoem: so' yoo" bang: yo' mougmyid mo vhoebkhang" bang: ri Aseing wigi yooboo dam byid: wa ayo, ju" loo wa.

YEREMIA 10:21

Ngoo gi «Ngoonu" da" vhujhung: yigi nheig agyeing: nghoid ago". Nyangnu" gi Aseing ri khyoo" shed wa amho' nghoid ago". Houg: yoomo nyangnu" aoung: doid wigi Ngoonu" da" byumyu" yi byo sain" lo" abye: go".

YEREMIA 11:22

Houg: yoomo myhang: thang Aseing tid zigi «Ngoo nyangnu" ri yooboo dam byid: wa. Nyangnu" da" zoolu: yigi gyi khaid jang: moo said pyam zi shoug" goo" wa. Nyangnu" da" zooshang: yigi zooyoid wigi shid: loo" goo" wa.

YEREMIA 25:12

Hau: thang: ri ngoo gi Babelon mung" ri yo' nya: khokham ri nyangnu" da" yooboo gang mo yooboo dam byid wa. Ngoo gi hau: mungdain: ri phyo' shoin' pyam wigi apyaid atoo: moo byo, jo, nhang: wa.

YEREMIA 25:34

Vhujhung: yi nanu" we"- kyi: ngoug ge'. Nga" byumyu" yiri zung" da" yang zung" bang: we"- nyho: yoid ge'. Koug ngau wigi pheilhoug: boem" moo lu: lheing yen" ge'. Nanu" ri said pyam wa yo, ju" lo wigi nanu" gi yang loo: ri yhang: ti" said pyam zi shoug" wa.

YEREMIA 50:6

«Nga" byu yigi yang zung" bang: wigi boem joem cang ci: phyug pyam shau" da" yang joem yo' du da:. Yang joem gi boem da loem: mo daloem: khyoo: so" lam" yen" yhang: ti" nyangnu" so" lam" yen" da:. Nyangnu" yhoem: khamoo: nghoid ziri to" myhed pyam ago".

EZEKIEL 34:11

«Ngoo yoem: moo" bo Aseing nanu" ri tid zigi ngoo gi nga" yang joem ri ngoo nyang: cang sho: lho: nyangnu" ri coung: byid: wa.

EZEKIEL 34:12

Hau: zigi yang zung" su: gi so" lam" sain" lo" da" nya: yang joem ri yu" coung: wigi dage" doem zheing" yu yhang: ti" nghoid wa. Hau: moug: coid wigi byo, yoin da" bidnyid mo ngoo gi nyangnu" ri nyangnu" nyid sain" lo" da" joyoo dangain" mo doem shu" tau" yu wa.

EZEKIEL 34:2

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo Aseing nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.

DANIELA 11:32

Khokham phoo gi mhoug fain" da" khyo" wigi hau: laloem lakhoug: ri she: pyam khoo' bye: mo, mo pang" thoug ziri yo" yu wa nghoid loug we' Mangso da" byu yiri yhang: ti doem tau" khaid zain: loo goo" wa.

ZEPHANI 1:8

Aseing tid zigi hougsu" said wa da" bidnyid moo zoug: koid mo, yo' khokham zoo: yi yo' tungbau byumyu" yi da" thung" khin bo cang mo, dangain" ri yooboo dam byid wa zi nghoid.

ZEPHANI 2:7

Deung nyid shi" da" Yuda byumyu" yigi nanu" da" mougmyid ri lhoid yu pyam boem wa nghoid. Nyangnu" gi hau: moug: moo coidbaid kaid yang kaid jang: bui" nhang: pyam wa zi nghoid. Nyangnu" da" Aseing Mangsoo gi nyangnu" yo' dage" nyid lho: ngei pyoo: myenjham" nhang: wa zi nghoid.

ZEKHARIA 11:17

Hau: akhyeing" da" yang zung" su: gi byo, yoin" loo" wa. Nyang: gi nya: yang phung: ri she: pyam' abye:. Gyipui" gi nya: yoem: so' ri bain sho' phyo' shoin' pyam' wa. Nya: lo, yoem: gi shid: kyung: loo" wa. Nya: lo, yo shoid myo, jed" gi jed loo" wa nghoid.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

RUTHA 1:6

Ayo, dajhi' myang" lo" thang: ri Aseing gi nya: byumyu" yiri gug zoo gi nhang: khyo" wigi mainkaid byid: nyid bye: ga: ziri Naomi gi shoug" gyoo: yoomo nyang: gi nya: dumoo" tang: yo' dage" Moba mung" mo thu loo wa ga: jen" jen" soin' too" bye:.