ZEKHARIA 10:2 - Lacid Common Language Bible

² Byu yigi yu phara" soolhoo: joem yo' goem phain"- boid phyed sara: yiri myid: ago". Nghoid loug we' mhoug da" dang: yo' dang: kang: abo da" dang: za: danghoid wa. Dayham" gi yhoebmo, ri dang: kang: phid: ago". Nghoid loug nanu" ri anghoid jang" khyoo: za: dashu" vhang: lo" ago". Nyangnu" byid: da" nheig teing khyoo: gi ce: akyu" aboo nghoid da:. Houg: yoomo byu yigi byug lo" da" yang joem yhang: ti" vhang: lam" yen" ago". Nyangnu" gi vhu" shi: su: aboo yoomo kyi" khyeug ago".

ZEKHARIA 10:2 교차 참조

APOEM AYANG: 31:19

Laban gi yang moug" yham" wa yhe: lo" uri nya: phoo abyam nyid gyoo: moo Rakhela gi nya: pho da" yhoem: zung" yu phara" joem ri khau" yu loo" bye:.

1 KHOKHAM 22:17

Mikhaia gi «Yang zung" su: abo da" yang phung: yhang: ti" Israela gyizoo: yigi bau gung cang abyoo: asain" bue" nyid ziri ngoo yo" myang bye:. Aseing tid zigi ‹He: byu yi moo: vhujhung: aboo nghoid da:. Yhoem: khyoo: yug yoo tung" loo" nhang: ge'›» ga: tid.

YOBA 13:4

Nang gi nang ase' ziri mhau' da" dang: yo' shoem" boem" pyam da:. Nang gi hang" ri we' ayo" byang" ge da" macid" sara: yo' du da:.

YOBA 21:34

Houg: lho: nanu" we"- nanu" gi ngoo ri ce: dang: kang: abo da" dang: khyo" wigi nheig teing byid: wa soin' ago". Nanu" byid: da" dang: phuid: khang" moo" gi mhoug da" dang: za: nghoid da:.

ESAIA 41:29

He: yu phara" dangain" gi akoem: za: nghoid ago". Nyangnu" ci we' ayo" koid nghoid ago". Hau yu phara" soolhoo: joem gi yoem: neing: wigi yoem: so' aboo nghoid ago"» ga: zi nghoid.

ESAIA 44:25

Ngoo gi boid phyed bang: ri koodoug: bui" nhang: wigi lo, kyo' yu" wigi lapi: pe: bang: ri nheigloem: thang nhang: pyam bye:. Phajhi" boo bang: da" dang: khoin" ri ngoo wigi ajoo ein: tid pyam lho: nyangnu" da" phajhi" gi adu: adam: nghoid ziri toin' shid bye:.

ESAIA 44:9

Yu phara" soolhoo: joem ri koid bang: dangain" gi ce: phoug" adab bang: nghoid ago". Nyangnu" gye" myhang: sho' phoug" tab byid: to" da" yu phara" joem gi akoem: nghoid da:. Hau: yu phara" soolhoo: joem ri no' bang: gi myo, jid ziyo' lasi phajhi" abo bang: nghoid ago". Nyangnu" sho' phu" boem goo" wa.

ESAIA 46:5

Aseing tid zigi «Nanu" ngoo ri hang" yo" tu' yu" wa la". Ngoo yo' du zi gootu: hang" nyid la".

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 14:13

Hau: thang: ngoo gi «Gyi: sheung: thang Aseing we"- Lapi: yigi nang dangsoo" byid: too" bye: ziyo' dayhang: ti" meing: zain: khyoo: anghoid lang" zooyoid khyoo: ajo, wa ga: myid loem nyid boem yoomo ngoonu" da" mougmyid moo yug yo myenjham" zi za: dajo, wa ga: mung" byu yiri tid kyo" nyid ago" ein: tid bye:.

YEREMIA 14:22

Byumyu" yi da" yu phara" soolhoo: joem kha: zi we' moug: ri ayo" voo nhang: nghoid da:. Mougkhung: gi nyang: nyang: kyeing" lid jhoem" moug: ri ayo" voo nhang: nghoid da:. Ngoonu" gi nang moo myid byu nyid boem o" ngoonu" Aseing Mangsoo we"- Ciwim ga: ri he: gu: ri nang koid da:.

YEREMIA 23:17

Ngoo tid to" da" dang: ri atam" gyoo: loo: he: pyam da" byu yiri nyangnu" dangain" nyid gi yab ge loo goo" wa ga: nyangnu" xo' tid ago". Nyangnu" gi nheigloem: thain: bang: yugkhang" moo" ri yau: khe" kyi" khyeug zigi nyangnu" ri khanham we' ayo" ju" zang" wa» ga: tid ago".

YEREMIA 23:32

Ngoo Aseing tid da" dang: ri tam" gyoo: ge'. Mhau' fain" dang: byeung" jo, da" nyangnu" yhoebmo, joem ri tid boem da" lapi: yiri ngoo thougtheung da:. Nyangnu" gi hau: joem ri tid wigi nyangnu" mhau' fain" da" dang: yo' phau: tid da" dang: wigi nga" byumyu" yiri khyoo: vhang: shu" vhang: da:. Ngoo gi nyangnu" ri anhang: kaid. Yhi: wa shid re" we' nyangnu" ri amyeing" abyid: wigi nyangnu" gi byumyu" yiri dajhi' we' ayo" pang" byid: nghoid ago". Ngoo Aseing tid too" bye:» ga: tid.

YEREMIA 27:10

Nyangnu" gi nanu" ri mhau' fain" nyid wigi nanu" da" mungdain: mo shu" lo" byug wa khyoo: nanu" ri bui" nhang: loo wa. Nanu" ri ngoo khaid thu pyam wigi nanu" phyo' shoin' pyam zi shoug" goo" wa.

YEREMIA 27:14

Nyang: ri asoem" abyid: lo, atu: wa shid re" nang ri tid da" lapi: yi dang: ri atam" gyoo: byid:. Nyangnu" gi nang ri mhau' fain" nyid ago".

YEREMIA 27:9

Nanu" da" lapi: yi dang: ri atam" gyoo goo". Dayug yug yhoebmo, khyo" shid: bang: da" soobyoo ri khe: da" khyo" fa" da" khyo" ju" loo wa ayo, shid re" lapi: yo" pe: ga: tid su: da" dang: ri we' atam" gyoo: goo". Nyangnu" dangain" bang: gi nanu" ri Babelon khokham da" lo, khoug: moo: anyid wa shid re" tid ago".

YEREMIA 28:15

Houg: lang" ngoo gi he: dang: ri Hanania ri tid kyo" wigi «Hanania we"- tam" gyoo: we'. Aseing gi nang ri anhang: kaid nghoid da:. Mhau" da" dang: ri he: byu yi loem" sho' nang koid nyid da:.

YEREMIA 29:8

Nanu" phung: moo nyid boem da" lapi: yi wigi we' ju" loo wa ayo, shid re" lapi: yo" pe: ga: tid boem da" gootu: hang" wigi we' nanu" ri amhoug fain" nhang: boem wa shid re" Israela da" Mangsoo Ngoo Aseing nanu" ri tid poin: byid: da:. Nyangnu" da" yhoebmo, joem ri we' atam" gyoo: goo".

YEREMIA 37:19

Nang ri yo' mungdain: ri Babelon khokham gyi are" zain: wa ga: nang ri tid boem da" re" lapi: yi cibue" boem bye: lha".

YEREMIA 50:17

Aseing tid zigi «Israela byu yigi khangkhyi joem wigi khaid sain" kaid shau" da" yang joem yhang: ti" nghoid da:. Xang: shi" moo nyangnu" ri Asuri khosen wigi khaid zain: zi shau" ago". Houg: lho: Babelon khokham Nebukhadneza gi nyangnu" shooyoug: ri khe" loo bye:.

YEREMIA 51:23

Yang zung" bang: yo' nyangnu" yang kyung joem ri said pyam wa. Yoo koid bang: yo' nyangnu" yoo phug da" nu: joem ri said pyam wa. vhoeb khang bang: yo' gyizoug: moo" yiri said mhoin' pyam wa» ga: tid.

YEREMIA 6:14

Nyangnu" gi nya: byumyu" yi dam joid ri shoo" yoem" yid" zi za: danghoid yhang: ti" koid boem. Dangain" age ziri nyangnu" gi ‹Dangain" ge› ga: tid.

YEREMIA 8:11

Nyangnu" gi nga" byumyu" yi da" dam joid joem ri agoin: khyeing" te: yu" ago". Dangain" age ziri dangain" ge ga: nyangnu" tid ago".

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

EZEKIEL 21:21

Babelon khokham gi khyoo: kang" mo laxoem" dung" zeing nam moo yab jo, da:. Nyang: nyang: kha: shoid khyoo: yhi: wa ziri se' wa shid re" myoo: joem ri lhei' nyid da:. Nyang: gi nya: yu phara" soolhoo: joem ri myid: sham: yu" da:. Nyang: gi xoin" khyo" ngei" byid: da" gougnyhoug joem da" seing" ri joeb ca: yu" da:.

EZEKIEL 21:29

Nanu" myang da" yoeb myang gi ajoo nghoid da:. Houg: lho: nanu" pe: da" lapi: dang: gi mhau' zi nghoid. Nanu" gi akhyeing" boem ashoeb boem nghoid ago". Nanu" da" bidnyid nanu" ri yooboo dam byid: wa da" lo" thang bidnyid ju" lo nyid bye:. Shamcoin" gi nanu" da" leung zeung: moo gyo" zang" wa bye:.

EZEKIEL 34:5

Yang joem gi yang zung" su: ayoo" yoomo nyangnu" gi nyid sain" lo" ago". Houg: lho: siyoo gougnyhoug lam" joem gi nyangnu" ri ngaid said zo: pyam da:.

EZEKIEL 34:8

Ngoo gi kangso' dei da" Mangsoo deing deing nghoid ziyo' dayhang: ti" nanu" gi nga" dang: tam" gyo: ri je gi wa. Nga" da" yang joem gi yang zung" su: anyid yoomo siyoo gougnyhoug lam" joem wigi khaid thung" said pyam wigi nyangnu" ri zo: pyam ago". Nga" da" yang zung" bang: gi hau: yang joem ri shoo: wa shid re" yoem: akaid nghoid ago". Nyangnu" gi nyangnu" da" gung ri za: yu" goin coung: nyid lho: yang ri acoung: nghoid ago".

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

MIKHA 2:12

«Nghoid loug we' deung nyid shi" da" Israela byumyu" yi nanu" dangain" ri ngoo doem zheung" yu wa nghoid. Ngoo gi yang khyam: khyoo: doem tau" lo da" yang phung: ri yhang: ti" nanu" ri doem shu" yu wa nghoid. Yang joem byeung" jo, da" yang kaid jang: yo' dakhyoo" ti" nanu" da" mougmyid moo byu myoo" sho' yo' doem myo: loo wa zi nghoid»

HABAKU 2:18

Phara" soolhoo: gi ce" noem akyu" bo lha". Hau: zigi byu wigi koid to" da" lo, moo" te: nghoid lho: ce" dang: we' ase' tid. Mhau' to" da" khyoo: za: danghoid. Dang: lang" ase' tid da" yu phara" ri loem khoug: wa ga: koid too" su: shid re" ce" noem akyu" yo" byid: wa lha".

ZEKHARIA 11:17

Hau: akhyeing" da" yang zung" su: gi byo, yoin" loo" wa. Nyang: gi nya: yang phung: ri she: pyam' abye:. Gyipui" gi nya: yoem: so' ri bain sho' phyo' shoin' pyam' wa. Nya: lo, yoem: gi shid: kyung: loo" wa. Nya: lo, yo shoid myo, jed" gi jed loo" wa nghoid.

GYUNG: SOO" 27:17

re" shava byu phung: yi yang zung" yug abo da" yang joem yo' dakhyo" abui" goo" baja" gyi khaid jang: moo amyeing" yo" byid: da" byu dayug khyen: too" byid: la'» ga akyu" mho'.

MATHE 9:36

Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang.

MARKU 6:34

Yesu lhid' khyoug: mo thu' ri" lang" nyang: gi byu phung: zeing: ri myang bye- yang zung" su: abo da" yang joem yo' du boem yoomo Yesu gi nyangnu" ri gye" nheug yu" kyeug- houg: yoomo nyang: gi nyangnu" ri myoo" sho' ja: jhoug" byid: bye.

TARHA" TID POIN" 13:2

Shid phyang" nanu" ano yu" da" yu phara" joem ri no' wa yo' dei byid: wa shid re" mau" pho" alhoo: again yo' mau" phoo" moo" zoo" bui" wa dangsoo" yo" byid: ri byid: wa. Nyang: dangsoo" byid: to" zi jo, loo wa nghoid loug we'

TARHA" AGYI 18:14

Hau: thang: Laisha moug: lheing khoem moug: khyoo: joo" yhe: yu" boem da" hau: byu wim yug gi nyangnu" nyang: cang" «Hid: moo hau: yhoem: joem mo dayham" moo ngei yo' thoeb to" da" seig soolhoo: daloem: jo, ziri nanu" si' goo" rhe"- houg: moo gootu: yu phara" soolhoo: joem yo' xoin" ngei" byizuang daloem: we' jo, da:. Ngoonu" cikoid eung: ein: nanu" myid go" la"» ga: tid ago".