ZEKHARIA 1:16 - Lacid Common Language Bible

¹⁶ Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.

ZEKHARIA 1:16 교차 참조

YOBA 38:5

Hau: zi khayhi' gyi: ein: ziri hang" myid phyed la". Hau: adang moo ke' da" tei" ri hang" wigi pyo: to" la". Dang: phuid: dangain" ri nang se' la"

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 34:11

Khung" boeb yo' kano, joem gi houg moo byeung" nyid goo" wa. Hau: zigi phain" so: to" zi aju" shi" uri yo' dakhyo" Aseing gi hau: ziri moug: gang: koid pyam wa.

YEREMIA 30:18

Aseing tid zigi «Nga" byumyu" yiri nyangnu" da" mougmyid doem byid: wa. Houg: lho: yhoemkhung: khang" moo" ri nheig khyeug byid: wa. Yerusalem gi doem tam: to" zi shau" wigi Hougmo khokham kho" gi doem zhug to" zi shoug" wa.

EZEKIEL 40:3

Nyang: gi ngoo ri je tab tab shu" yhe: wigi gyid: mid" yhang: ti" bang jo, da" byu dayug ri myang. Nyang: gi zin: yung" pain" laki tei" dakhaid yo' laki' dayang: daloem: ci lho: khoem" moo" yam moo yab jo, da:.

EZEKIEL 47:3

Hau: yug gi nya: da" laki' wigi bidthu shoid khyoo:- 1680 pi: ke' lho: ngoo ri houg: khyo" neug: dab we' ga: tid da:. Gyid gi nga" khyid: xeig yhi' za: dano, da:.

EZEKIEL 48:35

voomoo" vang myid: shoid goin" da" sheing: phyang" gi 30240 pe: bo da:. Voomoo" da" myeing ri akhid" mo thang: phyang" «Aseing gi hid: moo nyid» ga: myheing loo wa.

HAGI 1:14

Aseing gi yhoem: moo" ri doem koid wa shid re" pyoung" she: loo" shoug" jang" mo doem tau" lo da" Yuda mung" zoug: Zerubabela khainjung moo" Yoshu yo' mung" byu yi dangain" da" nheigloem: ri tid nhau" to' kaid. Nyangnu" gi Dari khokham khoo" zhung: da" eig zain ein: zain lhammoo" khyug khyab eig xe: myid: nyid" moo yoem: moo" bo da" Aseing nyangnu" da" Mangso da" yhoem: moo" ri aseig doem koid shid" lo" boem bye:.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ZEKHARIA 2:4

Moug: lagyoo: thang: moo ju" re" yug ri xang: shi" yug lhoem: tid zigi «Nang gei yhe: lho: hau: laki' yang: ci: su: ri hid su" ein: tid we'. Yerusalem voomoo" vang khyam: gi atho' koem" yu" loo: sho' gyi: lam: lo wigi byu yo' gougnyhoug myo: je: loo wa.

ZEKHARIA 2:5

Aseing gi Yerusalem voo loem: lheing khab' mo voomoo" myi: vang khyam: bue" lho:-nyang: gi hau: jang" moo nya: myonhoo: phung" yoeb bain sho' yo' nyid nyid wa ein: yhe: tid we'» ga: tid.

ZEKHARIA 2:6

Aseing gi nya: mung" byu yiri hid su" tid-«Ngoo gi nanu" ri mougmyid myonhoo: shoid khang" moo" khyoo:- byo sain" loo" nhang: bye:. Nghoid loug we' akhid" pyoung" she: lo" zi shoug" mo, nanu" gi Babelon mo wigi Yerusalem khyoo: doem tau" loo" loo we'.

ZEKHARIA 4:9

Zerubabela gi he: yhoem: ri ayang: zhug too" bye:. Hau: lho: zhug we' bain zhug too" bye:. Hid: myhoo' ja: bue" lo uri nyangnu" nyid jang" moo nyang: ri nhang: kaid su: gi Aseing Mangsoo: ngoo nghoid ziri nga" mung" byu yi se' loo goo" wa nghoid.

ZEKHARIA 8:3

Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.