ZEKHARIA 1:12 - Lacid Common Language Bible

¹² Houg: lang" Aseing da" moug: lagyoo: tid zigi «Myhang: thang da" Aseing nang gi Yerusalem yo' Yuda mung" mo voozoo: voozeing ri nheug yo: zi akhid" nyhed xi: zain nghoid bye:. Khamyhang ju" sho' nang nyangnu" ri re" da" nheig khyeug khyoo: atoin" shid loo: za: nyid nyid wa la"».

ZEKHARIA 1:12 교차 참조

2 KHOKHAM MHOOMYID: 36:21

Hougsu" Aseing gi Lapi: Yeremia nhoid khyo" «Dougno: Bidnyid akoid loo: theung: to" ziri doem byeung byid: khyo" Mungdain: ri nyhedxi: zain jham" coug: youg to" too" wa.» ga: tid to" da" dang: joeb byeung" lo da:.

COUNG" NGHEI 102:13

Nang to' lo wigi Ziun ri nheug khyeug wa zi nghoid- nyang: ri nheug khyeug wa ayo, ju" lo nyid bye:- hau: ayo, gi akhid" nyang: nghoid nyid bye:.

COUNG" NGHEI 69:5

Mangsoo we"- nga" yooboo joem gi re" jang" mo yo" yhoem" pyam wa zi anghoid loo:- ngoo khayhi' gyeing" nheug agyeing: koid loo bye: ziri we' nang se' nyid abye:.

COUNG" NGHEI 74:10

Mangsoo we"- re" da" gyivoo joem gi khamyhang myang" sho' nang ri juang" yi nyid boem wa lha". Nyangnu" gi re" da" myeing khyang" ri khanham we' dajha" lu wim: nyid loo: wa la".

COUNG" NGHEI 79:5

Aseing we" nang gi ngoonu" ri apyaid atoo: moo: ju" sho' nheig dajha" yo: nyid wa ein: la". re" da" nheigloem: loung nyid zigi myi: yhang: ti" khanham we' dajha" nge" nyid wa ein: la".

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

ESAIA 47:6

Ngoo gi nga" byumyu" yiri nheig yo: lho: nyangnu" ri nga" byu yi anghoid lo: da" khyo" koid wa. Ngoo gi nyangnu" ri re" yoem: so' khoug: moo kaid byid: bye:. Nang nyangnu" ri nheig khyeug myid aci: shug byid: nghoid da:. Apyaid gyi: bang: rilang" nang thain: thain: koid da:.

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

YEREMIA 12:4

Ngoonu" da" mougmyid gi khamyhang ju" sho' kyug hei' jo, wa la". Houg: lho: janggyoin: dangain" mo myo, joem gi khamyhang ju" sho' kyug shid: jo, wa la". ‹Ngoonu" cikoid nyid ziri Mangsoo amyang› ga: tid da:. Ngoonu" byu yi da" akhyeing" moo" yoomo gougnyhoug joem yo' ngho' joem shid: doem: lo" nyid abye:.

YEREMIA 15:17

Ngoo gi subi" gootu: yo' yhe: ei". Pyo: ei" wigi ayo, anyid thang pyam. Ngoo gi re" da" amyeing" dang: ri phau" cang khyo" ngoo nyang: kyeing" nyid nyid lho: nheig yo: nyid.

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

YEREMIA 30:18

Aseing tid zigi «Nga" byumyu" yiri nyangnu" da" mougmyid doem byid: wa. Houg: lho: yhoemkhung: khang" moo" ri nheig khyeug byid: wa. Yerusalem gi doem tam: to" zi shau" wigi Hougmo khokham kho" gi doem zhug to" zi shoug" wa.

DANIELA 12:6

Nya: eig yug mo dayug gi gyid moin shoid moo yab jo, da" moug: lagyoo: ri hid su" ga: myid: da:. «Hau: mau" pho" moo" zoo" joem bue" loo wa shid re" kha myhang myang" shi" wa lug la"» ga: myid:.

DANIELA 9:2

Nyang: vhoeb shid" da" xang: shi" zain moo ngoo gi younglho' mougsoug" pug joem ri jhau" zhang: yu nyid lho: Aseing wigi lapi: Yeremia ri tid to" ziyo' dakhyoo" ti" zain loem: nyhed xi: Yerusalem byo, yoin" jo, wa zi myid yu" nyid.

HABAKU 1:2

Aseing we"- athoug" akhyoug: bang: da" lo, mo ngoonu" ri nang akhyoid yu shi" ri nang atam" gyo: yu shi" uri pang" thoug yu wa shid re" khamyhang ju" sho' ngoo mho' yoid nyid ca" shi" wa la".

ZEKHARIA 1:8

Aseing da" moug: lagyoo: dayug gi myang: ni tho' moo zhung: jo, ziri ngoo myang. Nyang: gi maithen" seig moo" yoo moo yab jo, da:. Nya: da" thang: moo gi ne zi atuang tuang ziyo' phyu: da" gootu: myang: joem we' bo yab jo.

ZEKHARIA 7:5

Nyang: tid zigi «mungdain: mo mung" byu yi dangain" yo' khainjung yiri hidsu" ein: tid kyoo" we' lid: loo" bye: nyhed xi: zain- khau: moo lhammoo" 5 khyab yo' 7 khyab moo zoo: noem zeung: lho: ngoug khyang" fang" nyid zigi ngoo ri phoug" tab ngi: byid: khyoo: anghoid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.