YUDA 1:25 - Lacid Common Language Bible

²⁵ Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

YUDA 1:25 교차 참조

1 KHOKHAM MHOOMYID: 29:11

Nang gi gyi: sheung: su:- yoem so' boo su:- phung" yoeb gyi: su:- khid su:- phung gyi: su: nghoid da:. Mougkhung: yo' myidjang tho' moo: jo, moo jo, gi nang seing: zi nghoid da:. Nang gi dangain" ziri vhoebkhang" nyid da" myhang: thang khokham nghoid da:.

COUNG" NGHEI 104:24

Aseing we" nang koem gi ja: khang" moo" ri koid nyid da- nang gi jo, moo: jo, ri phajhi" bo khyo" koid too" nhung: lha". Mougmyid yoosoo" gi nang phain" so: to" da- dei moo: dei joem yo, byeung" jo.

COUNG" NGHEI 147:5

Ngoonu" da" Aseing gi tho' mo su: nghoid nyid yoomo athang agoin da" yoem: moo" yo' byeung" jo, su: nghoid. Nya: da" lasi phajhi" ri hang yo" tho' ke' yu" wa zi anghoid.

COUNG" NGHEI 78:20

Lug moo" boem mo gyid baid thu lho: gyid moo" lang youg nhang: zigi deing bye:. Nghoid loug we' nyang: ngoonu" ri zoo: noem zooyho, yo' nya: byumyu" yiri shoo" yo" byid: zhoo" wa la" ga: wigi tid nyid boem.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

LUKA 1:47

Khyoid yu Aseing: Mangsoo koid: to" moozoo" yoomo nga" Venyi: gi gau yi ngei pyo: nyid.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

Roma 16:27

Dayug kyeing" nghoid lho: dangain" ri yo" myang se' da" Mangsoo: gi Aseing Yesu Khristu khyo" wigi apyaid' atoo: moo bug thu' sheing" jhu" da" myo nhoo: phung" yoeb dajo jo nyid baja" o" Amen.

Ephesu 1:8

Nya: jhedab nheigloem: khoug: mo no, thang khyoo: ngoonu" ri toin" shid' bye.

Ephesu 3:10

Hougsu" koid da" khyoo: gi akhid" pyaid moo vhoeb khang" nyid da" moug: lagyoo: yi yo' moug: khung: moug di mo yoem: so' yoo" mo, gi Mangso phajhi" aja: ja: ri noku phung mo se' yu wa shid re" nghoid.

Ephesu 3:21

Mangsoo gi phung: tho' moo we' Khristu Yesu da" tho' moo we' apyaid' atoo: moo phung" yoeb, dabo jo, baja" o"- Amen.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

1 TIMOTHI 2:3

He: moozoo" gi ge, da" moozoo" nghoid wigi yha" da" khyoid yu Mangsoo ri vho: ngei nhang: da" khyoo: nghoid.

TITU 2:10

Khoug" soo" lanyham" daja: we' akoid loo: za: houg: su" koid wa gung khoo: gi nyangnu" gi khanham we' ge reung: kyed koeb ziyo' dang: zung" bang: nghoid khyoo: ri toin" shid nyid boem ca". He: da" akhyoo" azoo" khyo" wigi nyangnu" gi nyang tu: nyang: zei: ca" da" moozoo" jo, moojo, ri Yhada" khyoid khyi: yu Aseing: Mangso da" bidbang ri yo" thoin" pang shug boem wa zi nghoid.

TITU 3:4

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi

HEBRE 13:8

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.