YUDA 1:20 - Lacid Common Language Bible

²⁰ Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.

YUDA 1:20 교차 참조

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

ACTS 15:9

Mangsoo gi ngoonu" yo' Tungboug yi da" agyoo: moo gootu: akho' too" nghoid da- nyng: nu" we' loem" jeung" lo boem bye: yoomo Mangsoo gi nyangnu" da" yooboo dangain" ri we' khyoid pyam' byid: bye.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

Roma 15:2

Ngoonu" yug khang" moo" gi - nyang: nya: byen cang" - nyid gi nyid ge wa khyoo: ri myid yu" lho: - loem" jeung" khyoo: geing: teing sho' ngei pyoo: nhang: ge'.

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

1Korinthians 10:23

Nyangnu" gi"- ngoonu" gi ce" ja: nghoid loug we' koid wa da" akhang" yo" ga: tid ago". Houg: gi: deung nyid nghoid loug we' koid wa akhang" yo" nghoid loug we' dangain" gi akyu" bo la"

1Korinthians 14:15

Houg: ri ngoo khasu" koid wa lha" Ngoo gi nga" Venyi yo' akyu" mho' lho: wigi- nga" emyid, yo" we' akyu" mho' wa zi nghoid. Nga" Venyi yo' ngoo jikhoin" khoin" wigi- nga" emyid, yo' we' jikhoin" khoin" nyid wa zi nghoid.

1Korinthians 14:26

Houg: yoomo mang: nhung" yi we"- ngoo tid nau khyoo: gi hidsu" nghoid. Nanu" noku wa ga: zeung: foem: to" uri- dayug gi jihkoin" shu" vhu" shi: baja" Gootu: dayug gi jhau" byid: khyoo- gootu: dayug gi Mangso jang" mo yoeb, myang dang hau: lho: gootu: dayug gi gooki" lid' da" dang: yo' tid da" mungdang- hau: lho: dayug gi hau: mungdang: da" dang: kang: ri phoid: kyo" da" moo" ri voin, vu, nyid ge'. Nanu" zei: da" moo" dangain" gi hau: phung ri pang" thoug geung: teing nhang: da" shid re zei: so' nyid ge'.

GALATI 4:6

Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye.

Ephesu 4:12

Nyang: hougsu" koid da" khyoo: gi Khristu da" gung doem: ri so' koid nyheung zhoug too" baja"- ga: Khristain moozoo" yo" zei: sho' Mangsoo gi nya: zooyi dangain" bang: ri soin' nyheing wa shid re" nghoid nyid.

Ephesu 4:16

Hau" vhuloem da" vhoeb, khang" lo" da" akhoug: moo nyang: cang" adu go" da" gung shoo" akung: ako'' joem gi daloem: yo' daloem: tei" xo' go" ziyo' gung du: goin" ziri youg: xeig youg: myo, mo wigi tei" xo' go" to"- hougsu" nghoid yoomo adu go" da" akung: ako'' gi nyang: tu: nya: da" moozoo" ri voin vu, nyid nghoid rigi jheddab da" nheigloem: yo' dagung goin" ziri zhoug to' gyi: sheung: loo" nhang: nyid.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

KOLOSE 2:7

Jhau" mho' ziri kham: yu bye: ziyo' dakhyoo" ti"- nyang: moo agyi: no" no, cen, lho: nyang: moo yha" da" kangso' dei khyoo: qei" to" wigi nanu" da" loem" jeung" khyoo: ri je" geung: teung jo, nhang: ge'. jeju" ri coung" nghei myid' nanu" moo byeung" jo, baja".

1THESALONI 5:11

Khyoo: he: khaid yoomo nanu" akhid" koid nyid ziyo' dakhyoo" ti"- dayug yo' dayug nyang: cang" nyang: yoem: byid: go" ziyo' pang" goo" thug go" khyoo: ri dakoid nyidge'.

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

YAKU 2:22

Nya: loem" jeung" khyoo: yo' moozoo" gi tei" xo' go" to" da" khyoo: ri nang asi amyang la". moozoo" koid yoomo nya: da" loem" jeung" khyoo: gi joeb, byeung" loo bye.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

1YOHAN 5:4

Khasu" wim gari Mangso da" nya zoo yug khang" moo" gi hau: mougmyid ri yo" oung: lo" ago- mougmyid ri ngoonu" yo" oung: lo" da" khyoo: gi ngoonu" loem" jeung da" nheigloem: mo ngoid.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

Pang Shug 13:10

Myheug zi shau" wa su: gi gyeing" nyang: myheug zi shau" wa nghoid- sham: yo' said' pyam' zi shau" wa su: gi gyeing" nyang: sham: moo shid: wa zi nghoid. Hid: moo Mangso byu yi shoid khyo" kham, zeung: ziyo' loem" jeung" khyoo: geung: teung jo, nyid ca".