YUDA 1:16 - Lacid Common Language Bible

¹⁶ He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

YUDA 1:16 교차 참조

YOBA 32:21

Ngoo gi he: tid ngeug da" phung: moo khashoid we' abo dab wa Ngoo gi hang" ri we' akhoem' wa.

YOBA 34:19

Nyang: gi mung" vhoeb zoug: yi thang: khyoo: adab. Myung bang: ri to" wigi yoo" bang: shoid myonhoo: byid: zi anghoid. Ciwim ga ri nyang: gi yugkhang" moo" ri phain" so: to" da:.

COUNG" NGHEI 106:25

Nyangnu" gi nyangnu" da" zoem" moo: zheung: loung" jo, lho: nheug yo: myeung myhu" go" nyid ago". Aseing da" amyeing" dang: ri: we' anau tam" gyoo: loo: nghoid ago".

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

COUNG" NGHEI 17:10

Nyangnu" gi nheug khyeug shoo" myen: khyoo: to" lho: phau: khoug: dang: ri tid nyid ago".

COUNG" NGHEI 73:8

Nyangnu" gi gootu: byu yiri juang" yi nyid boem wigi ashoeb da" khyoo: riza: datid go" nyid boem. Nyangnu" gi phau: khuang nghoid boin: nyid boem ziyo' gootu: byu yiri doin: zeig zoo wa ziri myid soin: nyid boem.

DANG: ZHOEM 28:21

myonhoo: khyen: zigi shoid khyoo: nghoid- nghoid loug we' tarha" agyi dayham" gi nge thang da" khougvhoid ri yu zo: khyo" shoid vhang: moo" ri zei: nyid ago".

ESAIA 29:24

Koo" bang: gi se' gyoo: wa shid re" zhang: yu loo goo" wa. Khanham we' myeing" myoo: bang: gi jhau" byid: ziri vho: ngei loo goo" wa.

XOIN" NGEI" 19:15

«Tarha" dang: phyed uri deingmain" wigi tarha" khyo" koid ge'. Sho" jhen: da" yug ri we' myonhoo: abyid:- yoo" zoo: bang: ri we' agyug goo".

GYUNG: SOO" 14:36

Hau: mung" ri joo" yhe: yu" wa shid re" Moshe wigi nhang: kaid da" bang: gi byumyu" yi Aseing ri thougtheung myeing" myo: wa zi bui" nhang: da" ajoo aeung: da" lu dang: ri ci: lo boem ago". Houg: lho: Aseing gi nyangnu" ri noo bui" nhang: wigi nyangnu" shid: lo" boem bye:.

GYUNG: SOO" 16:11

Nanu" Arun ri thougtheung myeing" myo: zigi nang yo' re" thang: cang bang: gi gyeing" nyang: Aseing ri thougtheung myeing" myo: nyid boem zi nghoid» ga: tid.

GYUNG: SOO" 16:41

Hau: thang: nyid" ri shava byu phung: goin" gi Moshe yo' Arun ri thougtheung myeing" myo: wigi «Re" eig yug gi Aseing da" byu dayham" ri said pyam abye: go" da» ga: tid.

LUKA 15:2

Hparishe yo" tarha" sara: yi gi He: yug gi subi" byu asoin: lo mo, ri kham: yu lho: nyangnu" yo" dage" zo: shug nyid boem nhung lha"» ga: gei sang: go" nyid boem.

LUKA 19:7

Hau: khyoo: ri myang da" byu yi gi «he: yug gi yooboo yoo" su: da" yhoem: moo theing: wa ga: yhe: loo" bye: nhung» ga: kyiyang myeing ago".

LUKA 5:30

Pharishe" yo" nyangnu" da" byen cang" zheing: nghoid da" tarha" sara: yi gi ciwim wigi nyangnu" gi kheing" khyu: mo, Phung: thu' to" da" yooboo yoo" mo, yo" dage" voem: shoin" zo: boem lha"» ga: nya: cangzoo: yi ri yooboo foin: juang" yi boem.

YOHAN 6:41

Yesu gi Ngoo gi mougkhung: mo gyoo" lo da" zooyho' nghoid ga: tid yoomo hau: byu yi gi nya: khyoo: ri ngeig go" lo" boem bye.

YOHAN 6:61

Hid: su" cangzoo: yi ngeig byo, go" nyid ziri Yesu se' nyid nanu" nheigloem: yoin" go" la".

1Korinthians 10:10

Nyangnu" dayham" bang: gi nheig yoo: nheig jhug koid boem yoomo shid: zau: lagyoo: pho, da" lo, yo' lhu: phyo' shoin' pyam zi shau" boem yhang: ti ngoonu" gi nheig yoo: nheig jhug akoid' goo ja.

GALATI 5:16

He: khyoo: ri ngoo tid nyid zigi" nanu" gi venyi wigi khyoo" shed' ziyo' dakhyoo" ti"- cang zei: nyid yab, yhe: lo" rigi gung sho" da" vhoo: boo myo, no, khyoo: ri nanu" yo" cang pyeing wa zi anghoid.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

TARHA" TID POIN" 1:27

Nanu" dayug yo' dayug nu go" nyid zigi ‹Aseing gi ngoonu" ri ngheing" abye:. Ngoonu" ri Amori byumyu" yi wigi said pyam baja" ga: he: Amori byumyu" yi lo, moo ab byid: wa shid re" nyang: gi ngoonu" ri Egutu mung" mo shu" thu lo zi nghoid da:.

PHILIPI 2:14

Nanu" koid ca" da" moozoo" ce" ja" khyoo: ri we' ngeug go" lho: nheig yoo: nheig jhug akoid nyid goo.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2 TIMOTHI 4:3

Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

1PETERU 2:11

Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

2PETRU 2:10

Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

YUDA 1:15

Byu yug khang" moo" ri we' Mangsoo ci: phyoug pyam da: dang: tid mo, ri we' yoobo dam kaid' wa shid re" ju" ri" wa zi nghoid.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo