YUDA 1:12 - Lacid Common Language Bible

¹² Nyang: nu" gi sho' asi ngei yid' thu: boem lho: zoo: pyoo: shug pyo: zoorre"- nanu' da" zoem" khau, myen" xoin: zo: pui" moo aco' ajhoid' bui" nhang: bye. Nyang: nu" gi nyang: nya: da" akyu" ri te: sho: nyid mo, nghoid boem ago". Nyang: nu" gi moug: gyid' abo da" lid wigi hau' tang" lo" da" jhoem" moug" yo' date: du nyid boem. Nyang: nu" gi; xung" kain" thoin" moo ashi" azei: yoomo agyi: mo wigi poid' said' to" da" seig kyug gam yo' du nyid ago".

YUDA 1:12 교차 참조

2 KHOKHAM MHOOMYID: 7:20

Ngo wigi nang ri byid: to" da" mung" mo nang ri yu pyam lho: ngoo ri noku wa joyoo khyo" ngoo gootu: tu: soin' to" da" he: Noku Yhoem: Moo" ri ngoo she: pyam pyam wa. Khyi' khang" moo" byu yigi hau: ziri juang" yi wigi aphoug" akhyoid koid loo goo" wa.

YOBA 8:17

Houg: joem da" agyi: joem gi lugzeing joem ri thoeb pyam ago". Houg: lho: lugzeing khang" moo" moo teing za: nei zhug to" da:.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

COUNG" NGHEI 37:2

Kyoug lo" byoug da" vu, fu" kyang: yhang: ti" nyangnu" gi khamyhang amyang" ri bei: lo" boug boem wa nghoid. Nyhau" lo" da" mhain" nyoug joem yhang: ti" Nyangnu" shid: lo" byoug boem wa.

DANG: ZHOEM 25:14

Nyangnu" dangsoo" byid: lho: khanham we' acang bang: gi moug: gyid abo da" jhoemmoug" yo' lid yhang: ti" du nyid.

EZEKIEL 17:9

Houg: yoomo ngoo yoem: moo" bo Aseing myid: bye:. He: zabyid nei gi yeing" wigi yug gyi: loo wa la". Xang: shi" mo zoin bung: gi hau: ziri agyi: mo lang: noid ziyo' zabyid shi" joem ri lang: nhoin' khyo' pyam wigi akung: joem ri khyau" pyam byid: lho: kyug shid: loo" nhang: wa la". Hau: ziri lang: noid pyam wa shid re" yoem: myoo: sho' aca" wa. Yoem: gyi: da" byumyu" damyu" we' aca" wa.

EZEKIEL 34:10

Ngoo yoem: moo" bo Aseing gi nanu" da" gyivoo nghoid ein: tid fu" too" bye:. Ngoo gi nga" da" yang joem ri nanu" jang" mo yu pyam byid: wigi nanu" ri nyangnu" da" yang zung" bang: khanham we' adoem koid nhang: loo: wa. Ngoo gi khanham we' nanu" nya: gung ri za: doem yu" goin coung: nhang: loo wa nghoid. Ngoo gi nga" yang joem ri nanu" mo khyoid yu lho: nanu" wigi nyangnu" ri zoo: nhang: loo wa nghoid.

EZEKIEL 34:18

Nanu" mo dayham" bang: gi ge thang da" vufu" ri shoug" zo: nyid ziri nheig adeug nghoid da:. Nanu" gi nanu" azo: rilang" nang: nhe" pyam ago". Nanu" gi gyid gyeing: ri shug lho: nanu" ashug ziri thoem" boeb lhu: nhoid: pyam ago".

EZEKIEL 34:2

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo Aseing nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.

EZEKIEL 34:8

Ngoo gi kangso' dei da" Mangsoo deing deing nghoid ziyo' dayhang: ti" nanu" gi nga" dang: tam" gyo: ri je gi wa. Nga" da" yang joem gi yang zung" su: anyid yoomo siyoo gougnyhoug lam" joem wigi khaid thung" said pyam wigi nyangnu" ri zo: pyam ago". Nga" da" yang zung" bang: gi hau: yang joem ri shoo: wa shid re" yoem: akaid nghoid ago". Nyangnu" gi nyangnu" da" gung ri za: yu" goin coung: nyid lho: yang ri acoung: nghoid ago".

HOSEA 6:4

Nghoid loug we' Aseing gi «Israela yo' Yuda we" Ngoo gi nanu" yo' ci sen: la". Ngoo ri nanu" wigi jheddab zigi nab soin: mo lang" khyoem' yo' dakhyo" myab myab bei: byug wa. Hau: zigi nyid" ri no' mo byug lo" da" nghain: yo' du: da:.

XOIN" NGEI" 14:43

Hau: yhoem: moo: lugboem joem ri we' yu pyam lho: yhoem: ri we' khyeug pyam wigi byilaid doem tab pyam thang: ri mhoug" jung" dalheing doem to re" nghoid rigi

MATHE 13:6

Nghoidloug we' bid zho: nge" loo lang" gi agyi: no, sho' ayo" cen, yoomo nyhau" kyoug shid: lo.

MATHE 15:13

Yesu gi «Mougkhung: tho' moo nyid da" nga" phoo asho" to" da" agam bain, sho' ri phoin pyam wa zi nghoid.

MARKU 4:6

Hau thang: ri Bid zho: loo lang" lhab nyhau" pyam- khasu" wim ga: ri agyi: no, sho ayo" cen, yoomo nyhau" shid: lo" boem bye.

LUKA 12:45

Nghoidloug we' gyeing" nyang: ga: rigi hau: da" dei zoo: gi nga" da" yhoem: seing: doem loo wa zigi myang" shi" wa ga: nheigloem: moo myid lho: wigi dei zoo: myhi, langjhang phoo yi ri baid nhoug zo: yed shug yed dakoid nyid.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 8:6

Myoug shi" dayham" gi Lug phoug tho' moo gyoo" lo. Agam yug re" lho: gyid aboo yoomo nyhau" kyoug shid: pyam.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

1 TIMOTHI 5:6

Nghoid loug we' akyang" byo, yoin" lho: mougmyid' mo pyo: khyoo: riza: sho: nyid da" cougmoo" myhi, gi nyang: dei nyid shi" re lang" shid: mang danghoid nyid.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

YAKU 5:5

He: mougmyid moo nanu" da" byu nyid byuyab, khyoo: gi yoo" zoo: yoo" shug nyid pyoo: yab, pyo: lho: pyo: khyoo: aja: ja: yo' byeung" jo. Nanu" gi said pyam wa da" bidnyid shid re" nyang: nya: da" gung du: ri myhug to" boem abye: go.