YOSHU 9:9 - Lacid Common Language Bible

⁹ Hau: thang: nyangnu" gi nyang: ri he: mhoomyid: ri tid kyo" ago". «Ludaid phoo we" ngoonu" gi nanu" Aseing Mangso khyoo: ri shau" gyoo: yoomo gye" ve: da" mung" mo re" lo zi nghoid. Nyang: Egutu mung" moo: koid lid loo bye: da" khyoo: ja: khang" moo" ri ngoonu" shau" gyoo: bye:.

YOSHU 9:9 교차 참조

1 KHOKHAM 8:41

Re" myeing gyi: khyoo: yo' re" byumyu" yi shid re" nang koid bye: da" gyi: sheung: moo" zoo" joem ri moug: vi: moo nyid da" tungbau byu shau" gyo: wigi re" jang" khyoo: re" lho: he: Noku Yhoem: Moo" moo akyu" re" mho' uri

NEHEMIA 9:5

Vhoo mo Levi byu yi nghoid da" Yeshua- Kadmiela- Bani- Hashabania- Sherebia- Hodia- Shebania- yo' Pethahia bang: gi noku coung" wa shid re" khe: yu shoug" bang: nghoid. Nyangnu" gi «To' yab lho: nanu" da" Aseing Mangsoo ri coung" byid: we'. Nyang: ri apyaid atoo: moo coung" ge'. Xangsu:- byu wigi coung" zi atham: nghoid loug we' Yugkhang" moo" gi nyang: da" phung gyi: myeing ri coung" byid: goo" baja"» ga: coung" ago".

COUNG" NGHEI 148:13

Aseing da" myeing khyang" ri nyangnu" dangain" mo, coung" nghei nyid goo" baja"- nya: myeing khyang" gi gootu: tho' moo: je gyi: jo- Nya: myonhoo: bug thu' sheing: jhu" khyoo: gi mougmyid yoosoo" yo' mougkhung: mougdi tho' moo byeung" jo.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

COUNG" NGHEI 78:12

Egutu meing: moo: jo, da- Zoan siyoo khoug: moo Nyangnu" da" nya: phoug" nya: phyid" bi" yu" nyid uri Mangsoo gi mau" pho" alhoo: again joem ri toin" shed bye:.

COUNG" NGHEI 83:18

Nang za: Aseing danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".

THU' LO" MOUGSOUG" 15:14

Byumyu" yi shau" gyo: wigi gyoug dain nyid ago". Philisti byumyu" yi gyoug dain nyid ago".

THU' LO" MOUGSOUG" 9:16

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

ESAIA 55:5

Akhid" tungbau byumyu" yiri nanu" khe: zheing" yu loo wa. Goonham' nyangnu" gi nanu" ri asi' nghoid ago". Nghoid loug we' akhid" nanu" yo' xo' tei" wa tang" re" nyid boem bye:. Ngoo- nanu" Aseing Mangsoo- Israela da" gyeung" shang: Mangsoo gi he: gu dangain" bui" nhang: wa. Ngoo gi ngi: shab ziyo' phung" yoeb nyangnu" ri byid: wa» ga: tid.

ESAIA 66:19

Houglho: nyangnu" ri yooboo dam byid: su: gi ngoo nghoid ziri se' loo goo” wa. «Nghoid loug we' ngoo gi dayham" ri teing to" wigi nga" myeing gyi: khyoo: ri agyo: yu"- nga" yoem: so' gyi: sheung: khyoo: yo' yoem: so' ri amyang yu" boem da" Spain- Libya- Ludia yo' hougmo lid: dain" moo kung bang:- Tubad yo' Greek bang: nghoid da" moug: vi: mung" yo' byumyu" yi jhang khyoo: nyangnu" ri nhang: kaid wa. He: byumyu" yi phung: khau: moo nyangnu" gi nga" yoem: so' gyi: sheung: da" khyoo: ri tid fu" loo goo" wa.

GYUNG: SOO" 14:15

Akhid" nang re" byumyu" yi dangain" ri said pyam nghoid rigi re" lafu" myeing gyi: da" thui: ri shau" gyo: da" byumyu" yigi

GYUNG: SOO" 20:14

Moshe gi Kadesha mo Edom Khokham jang" khyoo: lagyoo: yiri nhang: kaid da:. Nyangnu" gi «He: mungdang: gi re" byumyu" Israela byumyu" yi da" mungdang: nghoid. Ngoonu" yau: khi" shau" ziri we'

ACTS 8:7

Akhyeung" yu, vang ci: da" byu yi myoo" sho' mo yu joem gi yoid nyho: lho: phang: thu lo" boem ago' ajoem: shid: mo, myoo" sho' yo' Khyid: yoin" mo, myoo" sho' bang: we' ge lo" boem ago".

TARHA" TID POIN" 20:11

Nyangnu" khoem" moo" duang: phang wigi lo, tu: asoem' byid: nghoid rigi nyangnu" dangain" gi nanu" da" join bui" wigi nanu" shid re" moo" zei: byid: ca" goo" wa.

TARHA" TID POIN" 20:15

Hau: zigi nanu" yhe: nyid seing: yu wa mung" yo' gye" ve: jang" moo: jo, da" voomoo" joem ri koid wa khyoo: nghoid da:.

YOSHU 9:10

Yodan gyid lang bidthu shoid mo Amori khokham yi nghoid da Heshbon khokham Sihon yo' Ashtarod moo nyid da" Bashan khokham Oga eig yug ri nyang: cisu" koid lid loo bye: ziri shau" gyoo: bye:.

YOSHU 9:16

Hau: myid veing" thang" cab bain koid thang: soem" nyid" ri hau: byu yigi gyeing" nyang: hau: anam moo za: nyid bang: nghoid ziri Israela byu yi se' boem ago".

YOSHU 9:17

Houg: yoomo Israela byu yigi hau: byu yi nyid da" voomoo" joem khyoo: to' yhe: lo" lho: soem" nyid" ri ju" yhe: ago". Hau: voomoo" joem gi Gibeon- Khephira- Berod- Kiriad Yerim gu: nghoid da:.

YOSHU 9:24

Nyangnu" gi «Ngoonu" hau: ziri koid bye: ludaid phoo we". Ciwim gari: mung" goin" nanu" ri byid: wa nghoid wigi nanu" shid khyoo: jhen" yhe: lo" uri hau: mung" moo nyid da" bang: dangain" ri said pyam wa nanu" Aseing Mangsoo gi nya: dei zoo: Moshe ri gyeing" nyang: amyeing" byid: too" bye: ziri ngoonu" si bye: yoomo nghoid da:. Ngoonu" gi nanu" ri gyoug yoomo he: ziri koid bye: zi nghoid. Ngoonu" kangso' shid re" ngoonu" gyoug da:.