YOSHU 9:7 - Lacid Common Language Bible

⁷ Nghoid loug we' Israela byu yigi «Ngoonu" yo' nanu" ciwim yoomo myid veing" thang" cab koid ca" eung: la". Nanu" gi ajhang moo za nyid bang: ge nghoid» ga: tid.

YOSHU 9:7 교차 참조

APOEM AYANG: 10:17

Hivi- Arki yo' Sini byumyu"-

APOEM AYANG: 34:2

Hau: uri hau: moug: ri vhoeb da" Hivi byu Hamora da" nya: zoo: Shekhem gi Dina ri myang wigi lhoem: rue" pyam.

2 SAMUELA 24:7

Hau: thang: ri nyangnu" gi mougpyi: shoid mo vang khyam: kyam' to" da" Turu voogung khyoo: we' Hivi yo' Khanan byumyu" yi da" voogung joem khyoo: we' lo" thang moo Yuda mung" mougpyi: shoid moo jo, da" Berasheba voogung khyoo: nyangnu" ju" so" yen" boem bye:.

THU' LO" MOUGSOUG" 23:22

Nghoid loug we' nang nyang: ri phau" myang: wigi nga" amyeing" ja: khang" moo" ri tam" gyo: nghoid rigi re" gyivoo dangain" ziri ngoo bo thougtheung zain: byid: wa.

THU' LO" MOUGSOUG" 3:8

Hougsu" yoomo Ngoo nya: bang: nyang: ri Egutu byumyu" yi jang" mo yhe: khyoid yu lho: Egutu mung" mo zi akhid" Khanan- Hiti- Amori- Perizi- Hivi yo' Yebusi byumyu" yi nyid joyoo- gye" dam lho: mougmyid nu" yoo" zoo yoo" shug da" moug: khyoo: shu" yhi: wa nghoid.

THU' LO" MOUGSOUG" 34:12

Nanu" vang yhe: wa da" mung" mo byumyu" yi yo' myidveing" dang: theing dajhi' we' akoid goo". Ciwim gari he: zigi nanu" shid re" shid: wa lhid danghoid loo wa.

GYUNG: SOO" 33:52

hau: moug: moo nyid da" nyid xoug" yi dangain" ri khaid thu pyam ge'. Nyangnu" da" lugzeing yo' joto' soolhoo: joem yo' nyangnu" noku joyoo dangain" ri phyo' shoin' pyam byid: ge'.

TARHA" TID POIN" 20:16

«Nghoid loug we' nanu" Aseing Mangsoo wigi nanu" ri byid: to" da" mougmyid ri shoug" seing: yu lang" yugkhang" moo" ri said pyam ge'.

YOSHU 11:19

Israela byu yi yo' yug yo khyoo: koid da" voomoo" gi Hivi byu yi dayham" bang: nyid boem da" Gibeon voomoo" daloem kyeing" nghoid da:. Gootu: dangain" rigi meing: zain: pui" moo: oung: yu zi nghoid da:.

YOSHU 9:1

Israela byumyu" yi da" oung: doid khyoo: gi Yodan gyid lang bidvang shoid mo boem moug:- Boem khyid:- mougzhung: shoid khyoo: Lebanon ju" sho' da" Meing: gung panglai: yam cang wigi jang: dam dangain" moo nyid boem da" Hiti- Amori- Khanan- Perizi- Hivi- Yebusi khokham yi dangain" mo, jang khyoo: fu" lo" khari" bye:.

TARHA" AGYI 2:2

He: mung" moo nyid boem da" bang: yo' dang: theing daja: we' nanu" age too" nghoid ago". Nanu" gi nyangnu" da" phoin: joem ri phyo' khyo' pyam ca" ago" da» ga: tid. Nghoid loug we' nanu" gi ngoo tid to" ziri akoid goo" nghoid da:. Nanu" gi atau" khyo" koid abye: go".

TARHA" AGYI 3:3

Hau: mungdain: moo nyid deing jo, da" bang: gi Philisti voomoo" wim: loem:- Khanan byu yi dangain"- Sidon byu yi yo' Bala Hermon boem mo Hamad boem gyoo: moo ju" sho' nyid boem da" Lebanon boem mo Hivi byu yi nghoid ago".