YOSHU 9:10 - Lacid Common Language Bible

¹⁰ Yodan gyid lang bidthu shoid mo Amori khokham yi nghoid da Heshbon khokham Sihon yo' Ashtarod moo nyid da" Bashan khokham Oga eig yug ri nyang: cisu" koid lid loo bye: ziri shau" gyoo: bye:.

YOSHU 9:10 교차 참조

APOEM AYANG: 14:5

Daxi: myid: zain zain moo: Khedalaoma yo' nya: yoem: shoin" gyi phung joem gi re" lho: Astherod Kernaim moo Rephim byu yiri Ham moo Zuzim byu yiri Kiriathaim dain" moo Emim byu yiri oung: pyam wigi

1 KHOKHAM MHOOMYID: 6:71

Gershon kung: mo yhoemkhung: yigi vhoo: mo voogung joem yo' lheing khoem to" da" coung" yoo joem ri kho' gam byid: shau" da:. Hau: joem gi bidthu shoid Manashe mougmyid Bashan mo Golan- Ashtarod-

GYUNG: SOO" 20:14

Moshe gi Kadesha mo Edom Khokham jang" khyoo: lagyoo: yiri nhang: kaid da:. Nyangnu" gi «He: mungdang: gi re" byumyu" Israela byumyu" yi da" mungdang: nghoid. Ngoonu" yau: khi" shau" ziri we'

TARHA" TID POIN" 1:4

He: zigi Heshbon voogung ri vhoeb da" Amori khokham Sihon yo' Ashtarod yo' Edrei voogung joem ri vhoeb da" Bashan khokham Oga ri Aseing wigi ung: pyam thang: ri bui" zi nghoid.

TARHA" TID POIN" 2:30

«Nghoid loug we' khokham Sihon gi ngoonu" ri nya: mungdain: khyo" aso" lid nhang: nghoid da:. Ngoonu" nyang: ri oung: pyam wigi akhid" ngoonu" seing: too" shi" da" mougmyid ri ngoonu" yo" seing: yu wa shid re" nanu" Aseing Mangsoo nyang: ri nheigloem: gyi: nhang: wigi thougtheung myid kaid byid: da:.

YOSHU 12:4

Nyangnu" gi Rephim byumyu" mo lo" thang yug nghoid da" Bashan khokham Oga ri we' oung: pyam ago". Nyang: gi Ashtarod yo' Edrei moo: vhoeb su: nghoid.

YOSHU 13:31

Hougmoo: Gilead mung" agung dayi"- Bashan Oga da" mungdain: mo voomoo" zeing nghoid da" Astanod yo' Edrei voomoo" we' bo da:. He: zi dangain" gi Manashe da" nya: yuggi zoo: Makhira mo nyid re" da" yhoemkhung: yi: agung dayi" ri kho' byid: da" gu: nghoid da:.

YOSHU 2:10

Nanu" Egutu mo thu lo boem uri Aseing gi thoem" ni ri khasu" kyug hei' nhang: bye: ziri ngoonu" shoug" gyoo: bye:. Yodan gyid lang bidthu shoid mo Amori khokham eig yug nghoid da" Sihon yo' Oga ri nanu" khasu" said pyam go" da" khyoo: ri we' ngoonu" shau" gyoo: bye:.

YOSHU 2:9

Nya: tang: ri «Aseing gi he: mougmyid nanu" ri byid: pyam byid: ziri ngoo se'. Mungdain: khoug: mo yugkhang" moo" gi nanu" ri gyoug nyid boem ago".

YOSHU 9:11

Ngoonu" vhujhung: yi yo' ngoonu" mung" moo: nyid boem da" mung" byu yi dangain" bang: gi gyung: khyoo: shid re" zoo: noem dajhi soin voin wigi nanu" ri yhe: shau" wa shid re" ngoonu" ri tid ago". Ngoonu" ri nanu" da" dei zoo: khyo" koid wa shid re" tid kaid boem wigi ngoonu" ri nanu" yo' myid veing" thang" cab koid wa shid re" myid: nhang: kaid.

YOSHU 9:9

Hau: thang: nyangnu" gi nyang: ri he: mhoomyid: ri tid kyo" ago". «Ludaid phoo we" ngoonu" gi nanu" Aseing Mangso khyoo: ri shau" gyoo: yoomo gye" ve: da" mung" mo re" lo zi nghoid. Nyang: Egutu mung" moo: koid lid loo bye: da" khyoo: ja: khang" moo" ri ngoonu" shau" gyoo: bye:.