YOSHU 8:2 - Lacid Common Language Bible

² Nang gi Yerikho yo' nya: khokham ri koid loo bye: ziyo' dakhyoo" ti" Ai voomoo" ri yo' khokham ri we' koid wa zi nghoid da:. Nghoid loug we' akhid" he: lheing: gi houg: mo zi joem yo' yhoem: gougnyhoug goug doo: joem ri nanu" nyang: nya: shid re" yo" seing: yu ago". Voomoo" nungthang shoid khyo" nyeigdain tung" yhe: zain: yu wa shid re" soin ge'» ga: tid da:.

YOSHU 8:2 교차 참조

2 KHOKHAM MHOOMYID: 13:13

Hau: ayo, moo Yeroboam gi nya: gyizoo: dayham" ri Yuda gyidab nungthang khyo" yhe: lhoem: wa shid re" nhang: kaid da:. Houg: lho: deing da" gu: ri shid vhu" khyo" yhe: khaid zain: da:.

2 KHOKHAM MHOOMYID: 20:22

Nyangnu" jikhoin" khoin" shid" lo uri Aseing gi jhen" vang re" nyid boem da" gyizoo: yiri byoo dain byoo shoo" bui" nhang: da:.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

DANG: ZHOEM 13:22

Byu gi yigi nya: myid: nya: zoo: yi shid re" jonu" young: too" byid: khoo, wa nghoid. Nghoid loug we' yooboo dab, mo, da" jonu" koem gi deing: byeung" da" byu yi jhang khyoo: ju" loo wa nghoid nyid.

DANG: ZHOEM 28:20

Nheigloem: deingmain" nyid mo, gi mainkaid jeju" agoin' ayu: yo" jo, loo goo" wa zi nghoid. Nghoid loug we' gye" hain: khyo" yo" loo de, loo nau nghoid rigi nang ri yooboo dam kaid zi shoug" wa.

YEREMIA 17:11

Adeing: main" da" khyo" ngei yoo" da" su: gi ngho' gi u akhyoo' lho: ngho' u joem ri vhoeb da" ngho' yo' du da:. Zooyam kung" kung" nghoid uri nya: jonu" soem" byug wa. Lo" thang moo nyang: gi ci: ayoo" loo koo" su: bue" byug wa.

YEREMIA 51:12

Babelon vang joem ri khaid zain: wa avoid asoo" byid: ge'. Zung" bang: ri yoem: lung: ge'. Jooyu" bang: ri nyhid: too" ge'. Gyi phung: yi gau" khau: nyid ge'» ga: amyeing" byid: bye:. Babelon byu yiri nyang: koid wa ga: tid too" bye: ziri Aseing koid bye:.

TARHA" TID POIN" 2:35

Ngoonu" gi yhoem: gougnyhoug joem ri yu wigi voogung ri phyo' sain" pyam bye:.

TARHA" TID POIN" 20:14

Nghoid loug we' myiyi: yi zooshang: yi gougnyhoug yo' voomoo" khoug: mo gootu: cinghoid nghoid nanu" nya: shid re" seing: yu ge'. Nanu" da" gyivoo yi seing: zi ciri nghoid loug we' nanu" yo" yhung: boem. Aseing gi nanu" ri hau: ziri byid: bye:.

TARHA" TID POIN" 3:2

Nghoid loug we' Aseing ngoo ri ‹Nyang: ri agyug goo". Ngoo gi nyang: we' nya: byu yi yo' nya: mougmyid dangain" nanu" ri byid: wa. Heshbon moo: vhoeb nyid da" Amori khokham Sihon ri nanu" gyi koid boem bye: ziyo' dayhang: ti" nyang: ri gyi koid ge'› ga: tid.

YOSHU 10:1

Yerusalem khokham Adonizedeg gi Yoshu Yerikho voomoo" yo' houg: mo khokham ri koid bye: yhang: ti" nyang: gi Ai voomoo" ri seing: yu wigi voomoo" ri bain sho' phyo' soin' pyam lho: khokham phoo ri we' said pyam khyoo: ri shau" gyo: da:. Nyang: gi Gibeon byu yi Israela byumyu" yi yo' yug yo khyoo: koid wigi nyangnu" phung moo: nyid nyid boem ziri we' shau" gyoo: bye:.

YOSHU 10:28

Yoshu gi hau: bidnyid moo: Makela yo' houg mo khokham ri gyi zain: wigi seing: yu pyam da:. Nyang: gi hau: voomoo" moo: nyid da" yugkhang" moo" ri said pyam da:. Dei zi dayug we' adeing loo: nghoid da:. Nyang: gi Yerikho khokham ri koid lid loo bye: khyo" Makela khokham ri koid bye:.

YOSHU 11:14

Israela byumyu" yigi phoug" dab ja: dangain" hau: voomoo" mo yhoem: gougnyhoug dangain" ri nyangnu" nya: shid re" seing: yu ago". Nghoid loug we' byu yugkhang" moo" rigi said pyam ago". Dayug ri we' adei ateing too" loo: nghoid ago".

YOSHU 6:21

Nyangnu" gi nyangnu" da" shamcoin" wigi voomoo" mo yuggi- myiyi: nge zoo:- gyi: zoo: yugkhang" moo" ri said pyam bye:. Nyangnu" gi nu:- yang- loo zei: joem ri we' said pyam ago".

YOSHU 8:12

Nyang: gi byu wim khyeing" yug ri shu" yu wigi Ai yo' Bethela agyoo:- voomoo" bidvang shoid gau" nyid joyoo moo: nyid nhang: to" da:.

YOSHU 8:14

Ai voomoo" khokham phoo Yoshu da" byu yiri myang lang" nyang: gi moo" myab myab zei bye:. Nyang: yo' nya: byu yigi nungthang shoid khyoo: gyi zain: wa soin to" ziri asi yoomo xang: shi" mo yhang: ti" dajho: yoomo za: Israela byumyu" yiri gyi zain: wa shid re" Yodan janggyoin: khyoo: yhe: lo" ago".

YOSHU 8:19

Nyang: nya: lo, ri tu: kaid yo' dage" gau" nyid bang: myab myab to' yhe: lo" wigi voomoo" khyoo: tang" vang yhe: ziyo' hau: voomoo" ri yhe: seing: yu bye:. Nyangnu" dalheing: dam voomoo" ri myi: nghe' pyam bye:.

YOSHU 8:24

Israela byumyu" yigi nyangnu" ri cang khaid boem da" joyoo myid pyoid moo gyivoo yugkhang" moo" ri said pyam abye: go". Hau: thang: nyangnu" Ai khyoo: doem tau" lo" lho: houg: mo yugkhang" moo" ri said pyam bye:.

YOSHU 8:3

Houg: yoomo Yoshu gi nya: gyizoo: dangain" yo' Ai voomoo" khyoo: yhi: wa soin' bye:. Nyang: gi nya: da" ge thang da" gyidab mo gyizoo: soem" moin ri khyen: yu wigi nyangnu" ri he: amyeing" dang: yo' dage" myen" ri nhang: thu kaid bye:.

YOSHU 8:7

Houg: lang" nanu" gau" jo, jang" mo thu re" wigi voomoo" ri seing: yu ge'. Nanu" Aseing Mangsoo gi hau: voomoo" ri nanu" ri byid: wa.

YOSHU 8:8

Nanu" voomoo" ri yo" seing: yu pyam lang" Aseing amyeing" byid: to" ziyo' dakhyo" hau: voomoo" ri myi: nghe' pyam ge'. He: zigi nanu" shid re" amyeing" dang: nghoid» ga: amyeing" byid: bye:.

YOSHU 8:9

Houg: lho: Yoshu gi nyangnu" ri nhang: thu kaid da:. Nyangnu" gi nyangnu" da" gau" wa joyoo khyoo: yhe: lo" wigi Ai yo' Bethela agyoo:- Ai da" bidvang shoid moo: yhe: lang" nyid ago". Yoshu gi myen" ri dab moo: theing: nyid da:.

YOSHU 9:3

Nghoid loug we' Hivi byumyu" mo Gibeon kung: bang: gi Yerikho yo' Ai voomoo" ri Yoshu koid lid lo da" khyoo: ri shau" gyo: boem ago".