YOSHU 7:25 - Lacid Common Language Bible

²⁵ Hau: thang: Yoshu gi «Ciwim yoomo nang gi houg: yhang: te" da" yau: khi" ngoonu" atho' moo: ju" nhang: bye: la". Akhid" Aseing gi re" atho' moo: yau: khi" ju" nhang: ri" wa» ga: tid da:. Hau: thang: byumyu" yi dangain" bang: Akhan ri lugboem yo' coem' du" said pyam ago". Nyangnu" gi nyangnu" yhoem: byu yi yo' jonu" joem ri we' lugboem yo' du" nghoeb pyam ago".

YOSHU 7:25 교차 참조

APOEM AYANG: 34:30

Yaku gi Simun yo' Levi tang: ri «Re" tang: gi nga" jang" moo yau: khe" khyoo: ci: lo boem ago". Akhid" gi Khanan byumyu" yi Perizi byumyu" yi yo' he: moug: moo nyid mo, dangain" bang: ngoo ri ngheing" boem wam bye:. Ngoo gi byu myoo" sho' we' ayoo". Nyangnu" dangain" yoem: shoin" lho: ngoo ri thougtheung gyi zain: lo nghoid rigi nyha" yhoem: byu dangain" said pyam zi shoug" wa bye:» ga: tid.

APOEM AYANG: 38:24

Lhammoo" soem" khyab myang" thang: ri subi" dayug Yuda ri «Re" dumoo" Thama gi shava myhi' te" koid bye: wigi akhid" zoonu" gung bue" jo, bye:» ga: tid kyo" boem ago". Yuda gi «Nyang: ri shu" thu yu lho: myi: yo' nghe' said pyam ge'» ga: amyeing" byid: kaid.

1 KHOKHAM MHOOMYID: 2:7

Zera da" amyed ashen mo dayug nghoid da" Karmi da" yuggi zoo: Akhan gi Aseing ri shugbyid: bye: da" lanyhoeb ri seing ci: da" khyo" wigi Israela byumyu" yi adang moo: yau: khi" bui" nhang: su: nghoid da:.

DANG: ZHOEM 1:19

Lhoid zoo: lhoid shoug da" moo" zoo" gi:-lhoid zoo: lhoid shug mo da" kangso' khyoo: ri tid fu" byid: nyid. Athoug" akhyoug: khyo" dei nyid mo, da" shidkhoin" moo: bue" nyid da" moo" nghoid.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

XOIN" NGEI" 20:14

Yuggi dayug gi myiyi: dayug yo' hau: myiyi: nu" da" nya: myhi' ri lo, xo' yu nghoid rigi nyangnu" gi asho' ashid: moo" ri koid bye: yoomo soem" yug goin" ri myi: yo' nghe' said pyam wa zi nghoid. Houg yhang: te" moo" ri nanu" phung: moo: akhang" abyid: goo".

XOIN" NGEI" 20:2

Israela byumyu" yiri tid wa shid re" «Nanu" hang" nghoid loug we' anghoid lang" nanu" moo bo nyid da" tungbau byu yi hang" nghoid loug we' Moleg yu phara" ri no' da" jang" moo ci: wa shid re" nya: zooshang: dayug yug ri byid: su: gi shava byu yi khyo" lugboem wigi du" said pyam zi shau" wa zi nghoid.

XOIN" NGEI" 21:9

Khainjung phoo da" nya: myiyi: zoo: gi shava myhi' koid nghoid rigi nyang: gi nya: phoo ri sho' phu" nhang: su: nghoid. Nyang: ri myi: wigi nghe' said pyam wa zi nghoid.

XOIN" NGEI" 24:14

«Hau: yug ri dab tunggung khyoo: she: thu pyam ge'. Nyang: nheing" ziri shoug" gyoo: bang: yugkhang" moo" gi nyang: yooboo yo" da" khyoo: ri sagse: kham wa shid mo hau: yug da" vhuloem tho' moo: nya: lo, ri ki" wa zi nghoid ago". Hau: thang: shava byu yigi nyang: ri lug boem yo' du" said pyam wa zi nghoid.

GALATI 5:12

Nanu" ri nheigloem: ze" nhung ze" phyo' nyid mo, gi athang: yham" zi za: we' anghoid- nyang: tu: nyang: yham" phyed' pyam' goo" baja".

TARHA" TID POIN" 13:10

Shid: sho' du" ge'. Nyangnu" gi nang ri join bue" nyid da" Egutu mung" mo khyoid yu da" su: nghoid da" nanu" Aseing Mangsoo mo khyoo: shu" vhang: loo" wa soin' nyid da:.

TARHA" TID POIN" 13:11

Hau: thang: he: khyoo: ri Israela byu dangain" gi shau" gyo: wigi gyoug loo goo" wa. Houg: lang" houg: te" da" akhyeing" moo" ri hang" we' adoem koid loo wa.

TARHA" TID POIN" 17:5

hau: yug ri voo mo she: thu lo" wigi lugzeing yo' du" said pyam ge'.

TARHA" TID POIN" 21:21

Hau: thang: hau: voomoo" mo yuggi yigi nyang: ri lug boem wigi du" said pyam ca" da:. Hougsu" khyo" nanu" gi akhyeing" ashoeb ziri yu pyam wa zi nghoid. Israela mung" mo yugkhang" moo" gi bue" loo bye: da" ziri shau" gyo: wigi gyoug goo" wa.

2 THESALONI 1:6

Mangsoo gi tarha" dain: khyoo: ri koid wa zi nghoid yoomo nanu" ri kyi" khyeug jam jau shau" nhang: mo, da" atho' moo kyi" khyeug jam jau doem toug" byid: wa zi nghoid.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

YOSHU 6:18

Nghoid loug we' nanu" koem' gi phyo' shoin pyam wa" da" ci: ri we' age yu goo" wa. Nanu" yu nghoid rigi yau: khi" yo' byo, yoin zi Israela byu yi da" dab khyoo: ju" lo" ri" goo" wa.

YOSHU 7:15

Hougsu" dang: phyed zi shau" da" zi joem yo' dage" khyen: yu da" su: gi nya: yhoem: byu- nyang: seing: da" zi ja: khang" moo" yo' dalheing: dam nghe' pyam zi shau" wa. Ciwim gari: nyang: gi: Israela byumyu" yi adang moo: xoo: sho' sho' phu" nhang: wigi nga" dang: theing ri we' phyo' pyam abye:» ga: wa zi nghoid.

1 SAMUELA 14:29

Yonathan gi nga" phoo gi ngoonu" byumyu" yiri gyoug pho" moo" zoo" koid too" bye: nhung:. Yu" ge' akhid" ngoo byooyhid: dajhi' zoo: yoomo ngoo khayhi' yoem: bo la".