YOSHU 7:12 - Lacid Common Language Bible

¹² He: gang yoomo Israela byumyu" yigi nyangnu" da" gyivoo yiri ayo" kaid said zi nghoid. Nyangnu" gi nyangnu" da" gyivoo yi jang" mo nung zoid zoid phang: ago". Ciwim gari akhid" nyangnu" nyang: byo, yoin" loo" wa dang: phyed zi shau" abye: go". Nanu" ri ayu wa shid re" ngoo amyeing" byid: to" da" zi joem ri nanu" aphyo' shoin' pyam pyam gi ngoo nanu" yo' dage" khanham we' anyid loo: wa.

YOSHU 7:12 교차 참조

COUNG" NGHEI 44:10

Nang gi ngoonu" ri ngoonu" da" gyivoo joem jang" mo wigi phang: thu loo" nhang: lho: nyangnu" gi ngoonu" da" ziyoo joem ri nyangnu" shid re phyo' yu nhang: pyam.

COUNG" NGHEI 60:10

Nang gi ngoonu" ri gyeing" gyeing" nyang: she: pyam bye: la". Ngoonu" da" gyiphung: moo" yo' nang athu yhi: loo: wa ein: la".

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

ESAIA 59:2

Nanu" ri nyang: ashoug" gyoo: byid: zigi nanu" nya: yooboo yoomo nghoid da:. Nanu"- nyang: ri noku wa soin' lang" nanu" ri Mangsoo mo kang" pyam' byid: zigi nanu" da" yooboo nghoid da:.

YEREMIA 23:33

Aseing gi ngoo ri «Yeremia we" nga" byumyu" yi mo dayug- anghoid lang" lapi: dayug- khainjung dayug gi nang ri ‹Aseing mungdang: gi ci: nghoid la"› ga: myid lang" nang gi nyang: ri ‹Nang gi Aseing shid re" yoovoin nghoid da:. Nyang: gi nang ri yu pyam wa› ein: tid wa zi nghoid.

YEREMIA 6:8

Yerusalem voobyu yi we"- he: yau: khi" joem gi nanu" shid re" tid poin" zi nghoid baja". Hougsu" anghoid lang" nanu" ri ngoo she: pyam loo wa. Ngoo gi nanu" voomoo" ri byu hang" we' anyid da" joyoo dain" pyoid yoo bui" nhang: wa.

HOSEA 9:12

Nyangnu" zoo: khu: gyi: lo nghoid rilang" houg: bang: ri ngoo shu" yu pyam byid: lho: adei dayug ri we' ateing too" byid: loo wa. Ngoo gi he: byumyu" yiri she pyam too" khoo' lang" nyangnu" moo gyoug dain ja: joem bui" goo" wa» ga: tid da:.

HABAKU 1:13

Nghoid loug we' hid: yhang: te" fain" voo se' da" akhyeing" byumyu" yi shoid khyoo: moo ci: yoomo bo yab jo, wa la". Re" da" myojid" gi: gyeung" shang: thang zi nghoid yoomo adeing amain" khyoo: ri yu" wa shid re" amoin: ziyo' akhyeing" ashoeb moo" zoo" ri koid nyid da" joyoo moo nang yo" yab jo, wa anghoid. Houg: yoomo akhyeung" ashoeb mo, gi nyangnu" tho' moo je" deing byeung" da" mung" byu yiri phyo' shoin' pyam' nyid uri nang ci: yoomo sam: zoo: tam" to" lha".

GYUNG: SOO" 14:39

Aseing tid da" dang: ri Moshe wigi Israela byumyu" yiri tid kyoo" lang" nyangnu" gi nheig khoo" sho' koug ngau boem ago".

GYUNG: SOO" 14:42

Ayhi: goo" Aseing gi nanu" yo' dage" anyid wigi nanu" da" gyivoo yi wigi nanu" ri oung: pyam wa zi nghoid.

GYUNG: SOO" 14:43

Nanu" Amaleg byumyu" yi yo' Khanan byumyu" yi yo' shoug" goo" lang" meing: zain: jang: moo nanu" shid: lo" boem goo" wa. Aseing gi nanu" yo' dage" anghoid wa. Ciwim gari: nanu" gi nya: thang: cang wa jang" mo ngeug pyam ago"» ga: tid.

GYUNG: SOO" 14:45

Hau: thang: Hougmoo: nyid boem da" Amaleg byumyu" yi yo' Khanan byumyu" yigi gyi lhoem: zain: wigi oung: pyam lho: Horma ju" sho' nyangnu" ri cang khaid boem ago".

TARHA" TID POIN" 7:26

He: yu phara" soolhoo: joem mo daja: ri we' nanu" yhoem: khyoo: aci: loo goo". Anghoid lang" nyangnu" adang mo nheing" khoin" yo' dakhyo" za: nanu" dang moo we' zang" loo wa. Nanu" gi he: yu phara" soolhoo: joem ri ngheing" ziyo' aphoug" akhyoid koid pyam ca" da:. Ciwim gari nyangnu" gi Aseing da" nheing" khoin" zang" mo, nghoid da:.

YOSHU 6:18

Nghoid loug we' nanu" koem' gi phyo' shoin pyam wa" da" ci: ri we' age yu goo" wa. Nanu" yu nghoid rigi yau: khi" yo' byo, yoin zi Israela byu yi da" dab khyoo: ju" lo" ri" goo" wa.

TARHA" AGYI 16:20

Hau: thang: nyang: gi «Samson we"- Philisti byumyu" yi re" nyid boem ago" o"» ga: nyho: da:. Nyang: yhoeb to' re" lho: ‹Ngoo gi shid phyang" yhang: ti" lu: khyoid pyam wigi phang: loo" wa› ga: myid da:. Aseing wigi nyang: ri du" pyam bye: ziri nyang: asi' nghoid da:.

TARHA" AGYI 2:14

Houg: yoomo Aseing gi Israela byumyu" yiri nheig joem: yo: lho: gyivoo yiri khaid zain: nhang: wigi nyangnu" ri lhoid zoo: nhang: ago". Nyang: gi houg bang: lheing khoem mo gyivoo yiri nyangnu" ri oung: nhang: wigi Israela byumyu" yigi nyangnu" nya: gung ri ayo" goem loem loo: nghoid ago".

TARHA" AGYI 2:4

Moug: lagyoo: he: dang: ri bain tid lang" Israela byu yi dangain" kyi: ngau ago".

1 SAMUELA 14:38

Hau: thang: Sholu gi byumyu" yi da" vhujhung: yiri «Hid: khyoo: ri" ge'. Akhanyid" khate" da" yooboo koid shoid too" bye: ziri phuid: sho' yu" goo" shang.