YOSHU 7:10 - Lacid Common Language Bible

¹⁰ Aseing gi Yoshu ri «Too' we' nang myidjang moo: hid: su" cikoid jhang" jo, lha".

YOSHU 7:10 교차 참조

1 KHOKHAM MHOOMYID: 22:16

Akhid" moo" zoo" ri koid shid" loo" re, Aseing gi nang yo' dage" nghoid baja".

THU' LO" MOUGSOUG" 14:15

Aseing gi Moshe ri «Ciwim yoomo nanu" bo pang" wa shid re" yoid nyid ago" la". Byumyu" yiri shid khyoo: to' yhe: loo" ge' ein: tid we'.

YOSHU 20:1

Hau: thang: Aseing gi Israela byumyu" yiri tid kyoo" wa shid re" Yoshu ri «Nanu" ri tid kyoo" wa shid re" Moshe ri ngoo amyeing" byid: da" phang: khoug: wa voomoo" joem ri khyen: we'.

YOSHU 7:11

Israela byumyu" yi yooboo shoid abye:. Ngoo nyangnu" ri tam" gyo: cang yhi: wa shid re" amyeing" byid: to" da" myid veing" khyoo: ri phyo' pyam abye: go". Nyangnu" gi phyo' shoin pyam wa dang: phyed to" da" zi joem mo dayham" ri yu pyam abye: go". Nyangnu" gi hau: joem ri khau" yu wigi hau: khyoo: ri mhau' tid ago". Houg: lho: hau: joem ri nyangnu" da" zi joem yo' dage" to" to" ago".

YOSHU 7:9

Khanan byumyu" yi yo' mungdain: mo gootu: yugkhang" moo" gi hau: khyoo: ri shau" gyo: ri" goo" wa. Nyangnu" gi ngoonu" ri re" vang: lheing wigi ngoonu" yugkhang" moo" ri re" said pyam ri" goo" wa. Houg: lang" re" ngi: ri goem loem wa shid re" nang cikoid wa lha"» ga: tid.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.