YOSHU 6:4 - Lacid Common Language Bible

⁴ Laboo" daloem: loem: ci: da" khainjung nyhed yug gi Dang: Theing Kuid: da" shid moo: soo" ca" goo" wa zi nghoid. Nyhed nyid" ju" lang" nang yo' re" gyizoo: yigi khainjung yi laboo" moid nyid da" uri voomoo" ri nyhed lheing: so" lheing goo" wa zi nghoid.

YOSHU 6:4 교차 참조

APOEM AYANG: 2:3

Hau: bidnyid gi nya: phain" so: moo" bain lho: moo" zoo" no: pyam da" bidnyid nghoid yoomo nyang: gi nyhed nyid" ein: wa da" nyid" ri mainkaid byid: lho: gooki' lid da" bidnyid danyid" khyo" to" too" bye:.

1 KHOKHAM 18:43

Nyang: gi nya: dei zoo: ri «Panglai: jo, shoid khyoo: yhe: yu" we'» ga: tid. Deizoo: gi yhe: wigi lho: «Ngoo ciwe' amyang» ga: tid. Elia gi nyang: ri nyhed lheing: ju" sho' yhe: yu" wa shid re" tid bye:

2 KHOKHAM 5:10

Elisha gi dei zoo: dayug ri nhang: kaid wigi tid nhang: zigi Yodan gyid lang moo nyhed lheing: nya: gung ri yhe: cid" lang" nya: noo dam bain sho' ge loo" wa khyoo: ri Naman ri tid kyoo" nhang: kaid da:.

2 KHOKHAM 5:14

Houg: yoomo Naman gi Yodan gyid lang khyoo: gyoo" yhe: lho: Elisha tid ziyo' dakhyo" nya: gung ri nyhed lheing: yhe: joem da:. Houg: lang" nyang: gi bain sho' ge lo" byug da:. Nya: shoo" gi teing re" wigi zooshang: dayug yhang: ti" yang" zain: re" da:.

2 KHOKHAM MHOOMYID: 13:12

Mangsoo nyang: ngoonu" vhujhung: nghoid wigi nya: khainjung yigi he: joyoo moo laboo" yo' dage" nyid nyid. Nanu" yo' zain: da" gyipui" khyoo: ngoonu" ri khe: kaid wa hau: joem ri moid wa shid re" jen" jen" nghoid ago". Israela byumyu" yi we"- nanu" phoug" phyid" yi da" Aseing Mangsoo ri gyi akhaid zain: goo". Nanu" yo" oung: wa zi anghoid» ga: nyho: tid kaid da:.

2 KHOKHAM MHOOMYID: 20:17

He: gyipui" ri nanu" akhaid ca" goo" wa. Nanu" nyang: joyoo yu wigi lhoem: za lhoem: nyid we'. Nanu" ri oung: doid khyoo: Aseing byid: ziri nanu" shau" myang wa. Yuda yo' Yerusalem byu yi we" are" nyid goo"- agyug nyid goo"- Meing: zain: jang: khyoo: yhi: we'. Aseing gi nanu" yo' dage" nghoid loo wa» ga: tid.

2 KHOKHAM MHOOMYID: 20:19

Kohad yo' Kora akung: ako' moo bo nyid boem da" Levi byu yigi to' yab lho: Israela da" Aseing Mangsoo ri thui: zeing yo' coung" boem ago".

2 KHOKHAM MHOOMYID: 20:21

Mung" byu yi yo' bain sham: go" thang: khokham phoo gi music phung: yi' dayham" ri gyeung" shang: da" moo" khyo" nyangnu" ci: da" byisheing: ri void wigi gyidab shid vhu" moo so" wigi «Aseing ri coung" byid: ge'. Nya: jheddab myid gi apyaid atoo: moo nghoid da o"» ga: jikhoin" khoin" wa shid re" amyeing" byid: da:.

YOBA 42:8

Akhid" Yoba jhang nuloo: nyhed du: yo' yang loo: nyhed du: she: yhe: wigi hau: joem ri nanu" nya: shid re" xoin" nghe' ngei" ge'. Yoba gi nanu" shid re" akyu" mho' byid: wa. Houg: lho: ngoo gi nya: akyu" mho' dang: ri tam" gyoo: byid: lho: nanu" loem zoo: wa moin: yi" da" khyo" ngi: ayoem" nhang: wa. Nanu" gi nga" khyoo: ri nyang: yhang: ti" deingmain" kyo" atid nghoid ago".

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

XOIN" NGEI" 14:16

hau: jang" moo lo, yo shoid lo, nyhoug" danyhoug" doin joem lho: Aseing shidkhoin" hau: joyoo moo: nyhed lheing: peig zhain gyoin: wa zi nghoid.

XOIN" NGEI" 4:6

Nyang: gi hau: suid" moo nya: lo, nyhoug" thau" joem lho: gyeung" shang: da" yabkyo' pain" ruang: shidkhoin" moo nyhed lheing: peig sain" wa zi nghoid.

ZEKHARIA 4:2

Hau: lho: nyang: gi «Nang cenoem myang» ga: myid: «Sheing: yo' koid da" myikug ki" jang: daloem: myang» ein: ngoo tid. «Hau: da" aphyoo" moo xu: kaid wa khu soo" dakhyab jo,- hau: aphyoo" moo myicoo: nyhed khaid khaid bo da" myibung: nyhed loem: zhung: to".

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

GYUNG: SOO" 23:1

Nyang: gi Balag ri «Nga" shid re" phoin: nyhed loem: ri hid: moo: koid byid: lho: nuloo: nyhed du: yo' yang loo: nyhed du: ri nga" jhang khyoo: she: ri" byid: we'» ga: tid.

YOSHU 6:3

Nang yo' re" gyizoo: yigi hau: voomoo" ri danyid" ri dalheing: lheing: khyug nyid" so" lheing goo" wa zi nghoid.

YOSHU 6:5

Hau: thang: nyangnu" gi dathui: za: sheing: sho' moid: goo" wa nghoid ago". Nanu" hau: thui: shau" gyoo: yo' dage" byumyu" yi dangain" bang: thui: zeing yo' nyho: wa nghoid. Houg: lang" voomoo" vang khyam: joem leung gyoeb loo wa. Hau: thang: ri gyidab goin" gi dain: za: voomoo" khoug: khyoo: vang yhi: wa zi nghoid» ga: tid.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 1:4

Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

Pang Shug 10:3

Khang khyi, myeung yhang: ti" - nyang: gi thui: zeing yo' nyho: thu' kaid. Nyang: houg: su" ga: nyho: thu' kaid da" thang: ri moug: goem: thui: nyhed, loem: yo' phug tu" myeung thu lo.

Pang Shug 15:1

Hau: thang: ringoo gi moug: laid' moo gootu: atho' oung: se' tid da" gyi: thang da" mau" pho" khyoo: daja: ri myang Hau: zigi shid: gyoin, nyhed ja: ein: da" moug: lagyoo: nyhed yug nghoid. hau: da" shid: gyoin, joem gi Mangsoo nheig khoo" yo: da" khyoo" ri lo" thang mo toin" shid khyoo: nghoid.

Pang Shug 15:7

Dei noem gougnyhoug myid du: mo dadu: gi pyaid di du: moo dadei nyid da" Mangso nheig khoo" yo: da" ziyo' byeung" bo da" sheing: goem, nyhed loem: ri moug: lagyoo: yi nyhed youg bang: da" lo, moo zheung: ab, byid.

Pang Shug 16:1

Hau: thang: ri noku yhoem: moo" khoug: mo thui: zeing myeung thu' lo- Hau" da" thui: gi " Moug: myid tho' khyoo: Mangsoo nheig gyed" zi bo da" goem nyhed loem: ri ci: thu' yhe: lho: foid shoin" kaid ge",, ga: moug: lagyoo: nyhed youg bang: ri tid zi ngoo shau" gyo.

Pang Shug 5:1

Zhung: tang tho' moo zhoung: jo, su: da" lo, yo lo, moo mougsoug" deing: ci: nyid ziri ngoo myang- hau: mougsoug" deing: moo dazid' nyhed loem: yo' thoung" tab to" lho: athi" atho' moo mougsoug" byeing sho' lhid" tab to.

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.

Pang Shug 8:2

Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.

Pang Shug 8:6

Hau: thang: rilaboo" nyhed loem: ri ci: da" moug: lagyoo: nyhed yug gi laboo" joem ri moid kaid wa shid re" soin' nyid boem bye.