YOSHU 5:1 - Lacid Common Language Bible

¹ Yodan gyid lang bidvang shoid mo Amori khokham dangain" yo' Meing: gung panglai: cang mo Khanan khokham dangain" gi ‹Israela byumyu" yi bain gu: dab sho' Yodan gyid lang ri Aseing gi kyug hei loo" nhang: da:› ga: ziri shau" gyo: ago". Nyangnu" gi Israela byumyu" yi yoomo gyoug lo boem wigi nyangnu" da" nheigloem: gyau: khare" boem ago".

YOSHU 5:1 교차 참조

APOEM AYANG: 12:6

Abram gi Shekhem mo gyeung" shang: joyoo- Mora mo da" gyeung" shang: seiggam moo ju" yhe: jang" moo ju" sho' so' yhe: lo". (Hau: uri Khanan byumyu" yigi hau: moug: moo nyid nyid lang" bye:.)

APOEM AYANG: 48:22

Nga" sham:- nga" lid: yo' Amori byumyu" yi jang mo ngoo yo" yu to" da" myid nu" da" Shekhem moug: rigi re" mang: nhung" ri we' abyid:- nang ri nyang: byid: bye:» ga: tid.

2 SAMUELA 21:2

Gibeon byumyu" yigi Israela byumyu" yi mo anghoid. Nyangnu" gi Israela byumyu" yi wigi lhoug zung" wa ga: dangsoo" byid: to" da" Amori byumyu" yi mo akung: zoo: dakung: nghoid da:. Nghoid loug we' Sholu gi Israela yo' Yuda byumyu" yiri myid sung dab nyid yoomo nyangnu" ri phyo' shoin' pyam wa khyo" yoem: kaid loo bye: zi nghoid.)

1 KHOKHAM 10:5

Nyang: gi Sholumon da" zoobui" moo jung to" da" zoo: shug ri we' nya: moo" voin bang: da" yhoem: joem ri we' nya: khokham kho" mo moo" voin bang: yo' nyangnu" void ci: da" byimi joem ri we' nya: zoo: shug pui" moo nya: shid re" dei byid: nyid da" dei zoo: yiri we' wigi Noku Yhoem: Moo" khoug: moo nyang: ngei" byid: da" xoin" joem ri we' myang bye:. Hau: joem gi nyang: ri so' byug loo" sho' mau" hang" nhang: bye:

EZRA 9:1

Hau: moo" joem dangain" ziri bain koid thang: ri Israela byumyu" yi da" vhujhung: dayham" re" wigi ngoo ri byumyu" yi khainjung yi yo' Levi yigi yhoem: kyoo" cang" mungdain: nghoid da" Amon- Moba- Egutu- Khanan- Hiti- Perizi- Yebusi yo' Amori mungdain: joem moo nyid da" byumyu" yi yo' ayo" gang: goo" lo: za: nyangnu" gi hau: byumyu" yi koid da" avoid avhu: khyoo: ri bo koid nyid ago".

COUNG" NGHEI 135:11

Amori yi da" khokham Sihon- Bashan khokham Oga yo' Khanan mung" mo khokham dangain" ri we' said toem" pyam bye:.

THU' LO" MOUGSOUG" 23:28

Ngoo nanu" gyivoo yiri dain ci' nhang: wa. Nanu" shidkhoin" khyoo: jhen" yhe: lo" uri Hivi- Khanan- Hiti byumyu" yiri ngoo khaid thu pyam byid: wa.

ESAIA 41:5

«Ve: da" mungdain: joem mo byu yigi ngoo koid da" moo" ri shau" gyo: abye: go". Nyangnu" gi gyoug dain wigi nain" nyid boem bye:. Houg: yoomo nyangnu" dangain" bang: zeing: foem: wigi ju" re" ago".

EZEKIEL 16:3

Yoem: moo" bo Aseing nyang: ri tid nyid ziri Yerusalem ri tid kyoo" we'. «Nang gi Khanan mung" moo khu: re" zi nghoid da:. Re" phoo gi Amori byu nghoid wigi re" myhi' gi Hiti byu nghoid da:.

EZEKIEL 21:7

Nyangnu" nang ri ciwim hougsu" noo kyeing" kyeing" nyid la"› ga: myid: uri ju" lo nyid da" lu dang: yoomo nookyeing" kyeing" nyid ein: tid we'. Hau: lu dang: ju" loo lang" nyangnu" nheigloem: moo gyoug ziyo' byeung" lo boem wa. Nyangnu" lo, joem gi pyoung" lhang" jo, boem wa. Nyangnu" da" voem" myid thang byug wa. Nyangnu" da" poid lug joem gi ko' ko' nain" nyid boem wa ayo, ju" abye:. Hau: zigi hid: moo nyang: nghoid abye:. Yoem: moo" bo Aseing tid bye:.

DANIELA 5:6

Nya: myonhoo: poo" poo" wim loo" khare" ziyo' sung gyoug yoomo nya: poid lug ko' ko' nain" nyid da:.

AMO 2:9

Nghoid loug we' nga" byumyu" yi we" shamu gam yhi' myhang: lho: shookhi" gam ti" yoem: bo da" Amaleg byumyu" yiri ngoo gi jhoid phyo' sain" pyam zigi nanu" gang mo nghoid.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

YOSHU 17:12

Nghoid loug we' Manashe byumyu" yigi hau: voomoo" joem moo nyid boem da" byu yiri ayo" khaid thu pyam nghoid ago". Houg: yoomo Khanan byumyu" yigi houg moo xo' nyid boem ago".

YOSHU 17:18

Boem moug: gi nanu" moug: nghoid ri" goo" wa. Hau: zigi seig moo" yoo nghoid loug we' nanu" gi hau: ziri byen pyam wigi dashoid mo thang: dashoid dangain" ri seing: yu ri" goo" wa. Khanan byumyu" yiri gi nyangnu" joto' gyi myang rheing" yo" wigi yoem: bo da" byumyu" yi nghoid loug we' nanu" gi houg: bang: ri khaid thu' pyam ri" goo" wa» ga: tid.

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

YOSHU 3:16

gyid yau zi theing: lo' wigi Zarethan nam mo Adan voomoo" ju" sho' doem tau" yau lo" da:. Thoem" shid: khyoo: yau gyoo" lo" da" gyid gi jhoid yau kain" pyam wigi byumyu" yigi Yerikho nam khyo" yo" lid phyed lo" da:.

YOSHU 3:17

Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".

Pang Shug 18:10

Nyangnu" gi nyang kham, zo: nyid da" dam, ri myang lang" gyoug dain yoomo vi" vi" moo yab, jo, boem lho: nyangnu" tid boem zigi " Apho" apho"- ce: byo" lha". myo, nhoo bo ziyo' gyi: thangda" Babelon we"- joem: loo" bye: nhung: lha". dana: yi: khoug: moo za: yoobo dam, kaid' zi shau" bye: nhung: ga: tid nyid boem wa nghoid.

TARHA" AGYI 1:1

Yoshu shid: byug thang: Israela byumyu" yigi Aseing ri «Ngoonu" mo kha: byumyu" kung: yi shi" Khanan byumyu" yiri yhe: zain: wa la"» ga: myid: ago".

TARHA" AGYI 11:23

Houg: yoomo hau: zigi nya: byu yi nghoid da" Israela byumyu" yi shid re" Amori byumyu" yiri khaid thu pyam byid: da" Israela byumyu" yi da" Aseing Mangsoo koid zi nghoid da:.

TARHA" AGYI 3:3

Hau: mungdain: moo nyid deing jo, da" bang: gi Philisti voomoo" wim: loem:- Khanan byu yi dangain"- Sidon byu yi yo' Bala Hermon boem mo Hamad boem gyoo: moo ju" sho' nyid boem da" Lebanon boem mo Hivi byu yi nghoid ago".

TARHA" AGYI 4:2

Houg: yoomo Aseing gi nyangnu" ri Hozora voomoo" moo vhoeb da" Khanan khokham Yabin wigi oung: pyam ziri shoug" nhang: da:. Nya: gyizoug: phoo gi Sisera nghoid. Nyang: gi tungbau: byu yi da" voogung Haroshed moo nyid da:.

1 SAMUELA 25:37

Akhid nyang: yhid: yed byain: loo lang" Abigela gi nyang: ri akhyoo" dangain" ziri tid kyoo" bye:. Houg: lang" nyang: seing" gug thung" wigi gung joem: shid: lo" byug bye:.