YOSHU 4:9 - Lacid Common Language Bible

⁹ Yoshu gi khainjung yi Dang: Theing Kuid: ri vu, wigi yab jo, boem da" Yodan gyid lang gung moo we' lugzeing daxe: eig loem: ri zhang to" da:. (Hau: lugzeing joem gi hougmoo: jo, da:.)

YOSHU 4:9 교차 참조

APOEM AYANG: 26:33

Houg: yoomo nyang: gi hau: gyid thung" ri «Thang" cab» ga: myeing byid:. He: zigi Berasheba voomoo" bue" lo khyoo: nghoid.

APOEM AYANG: 28:18

Yaku gi thang: nab soin: no' re to' lho: nyang: khoug yhoeb da" lugzeing ri yu wigi xang: yoeb ladoo" zeing zhoug too" kho'. Hau: thang: nyang: gi zhainloin: xu: ri foin' gyoin: lho: Mangsoo ri shugbyid: bye:.

2 SAMUELA 4:3

Hougmoo: nyid bang: gi Gitim voogung khyoo: phang: lo" wigi nyangnu" khanham we' hougmoo: nyid boem ago")

1 KHOKHAM 18:31

Aseing wigi Israela ga: myeing myheing too" bye: da" Yaku nya: yuggi zoo: yi myeing khyo" cang wigi akung: daxe: eig kung: shid re" lug boem daloem: loem: khyo" daxe: eig loem: ri yu bye:.

2 KHOKHAM MHOOMYID: 5:9

Keing: youg: athang: ri gyeung" shang: thang joyoo shid vhu" moo yab jo, da" yug hang" we' yo" myang da:. Nghoid loug we' joyoo gootu: kha: mo we' ayo" myang nghoid da:. (Keing: youg: gi houg: moo: akhid" nyid" ju" sho' jo, ashi")

THU' LO" MOUGSOUG" 24:12

Aseing gi Moshe ri «Boem khyoo: nga" jang" moo do, lo wigi nang hid: mo: lo nyid gu: moo byumyu" yiri jhau" byid: wa shid re" ngoo lhid" to" da" tarha" dangain" bo da" lug pyi" eig loem: ri nang ri ngoo byid: wa» ga: tid.

THU' LO" MOUGSOUG" 28:21

Israela akung: daxe: eig kung: da" gungthid nghoid wa shid re" lug dacab moo myeing dacab khyo" Yaku da" nya: zoo: yi da" myeing ri lug daxe: eig cab moo kyung" lhid" too" ca" da:.

MATHE 27:8

Houg: su" wigi hau: da" myidjang: ri «akhid" nyid" ju" sho' suid" lhu" da" myidjang:» ga: myheing to" boem.

MATHE 28:15

Zung" bang: gi ngei ri yu ci: lho: nyangnu" tid kaid ziyo' dakhyoo ti" lo" koid boem. Nyang: nu" tid da" lu dang: gi akhinyid" ju" sho' Yuda byumyu" yi moo fu" jo, bye.

TARHA" TID POIN" 34:6

Aseing gi nyang: ri Bethpeora voogung mo tab cang" tab Moba janggyoin: moo myhoeb pyam da:. Nghoid loug we' akhid" nyid" ju" sho' nyang: ri myhoeb to" da" joyoo ri goolhoo: za: hang" asi' nghoid da:.

YOSHU 24:26

Yoshu gi Mangso da" tarha" mougsoug" pug moo: hau: tarha" joem ri lhid" da:. Hau: thang: nyang: gi lug boem moo" zeing daloem: ri yu lho: Aseing da" gyeung" shang: joyoo mo Shookhi" gam gyid" moo: zhug to" da:.

YOSHU 4:10

Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".

TARHA" AGYI 1:26

Hau: thang: ri nyang: gi Hiti mung" khyoo: yhe: lho: houg: moo voomoo" da voo yhe: de: da:. Hau: voomoo" ri Luza ga: myheing da:. Akhid" nyid" ju" sho' myeing jo, da:.

1 SAMUELA 30:25

Hau: bidnyid mo akhid" ju" sho' Israela mungdain: moo cang wa shid re" hau: tarha" ri David koid too" bye:.

1 SAMUELA 7:12

Hau: thang: ri Samuela gi lugzeing daloem: ri koid: yu wigi Mizpa yo' Shen agyoo: moo zhug to" lho: «Aseing gi ngoonu" ri dakhyoo: moo" goin" jang" moo pang" thoug bye:» ga: tid lho: nyang: gi hau: ziri «Pang" thug lugzeing» ga: myeing myheing byid: bye:.