YOSHU 4:6 - Lacid Common Language Bible

⁶ Hau: lugzeing joem gi Aseing cikoid lid lo da" khyoo: byumyu" yiri boin: nhang: ri" wa. Ju" loo wa da" ayo, moo nanu" zoo: yi hau: lugzeing da" dang: kang: ri myid: lang"

YOSHU 4:6 교차 참조

COUNG" NGHEI 44:1

O" Mangsoo we"- ngoonu" da" nu khyab, yo' hau: khyoo: ri shau" gyo: yu" boem bye:. Ngoonu" da" phoug" phyid" yi we' lid loo" bye: bidnyid joem ein: da- nyangnu" da" ayo, moo nang koid shug bye: moo" zeing ein: da-

COUNG" NGHEI 71:18

Akhid" koem gi ngoo mang: loo" bye: ziyo' nga" xam: phyu: loo bye:. Mangsoo we"- ngoo ri ato" pyam- doem ju" loo wa myid: yam: zo: xeig yiri re" da" yoem so, ri tid fu" lo" uri ngoo yo' dage" bo nyid we'.

THU' LO" MOUGSOUG" 12:14

Nanu" hau: nyid" ri ngoo Aseing cakoid loo bye: ein: ziri boin: nyid wa shid re" laloem lakhoug: pui" ri koid zi nghoid. Hau: ziri ju" loo wa ayo, dangain" mo we' koid nyid wa zi nghoid.

THU' LO" MOUGSOUG" 13:14

Ju" loo wa da" ayo, moo he: tarha" da" dang: kang: nanu" zoo: yi myid: lang" nanu" gi nyangnu" ri ngoonu" ri join koid nhang: da" joyoo Egutu mung" mo Aseing gi gyi: sheung: yoem: so' yo' ngoonu" ri shu" thu loo bye:.

THU' LO" MOUGSOUG" 13:9

He: thung" ri: gi nanu" lo, anghoid lang" ngilang: moo tei" tab to" da" ja: yhang: ti" poin" byid: da" khyoo: nghoid loo wa. Hau: zigi xo' lho: nhoid khyoo yoo" sho' nghab xoem" wa ziyo' Aseing tarha" ri jhau" yu wa shid re" nanu" ri poin" byid: loo wa. Ciwim gari Aseing gi nya: yoem: so' moo" khyo" wigi Egutu mung" mo shu" thu loo yoomo nghoid da:.

THU' LO" MOUGSOUG" 31:13

Israela byumyu" yiri «Nga" Dougno: Bidnyid ri cang pyeing nyid ge'. Ciwim gari he: zigi ngoo Aseing nanu" ri nga" byumyu" ein: khyo" ju" loo wa da" ayo, dangain" moo se' nyid wa shid re" ngoo yo' nanu" agyoo: mo laxoem" nghoid wa zi nghoid.

ESAIA 38:19

Akhid" nang ri ngoo coung" byid: ziyo' dakhyo"- dei nyid da" bang: gi nang ri coung" byid: nyid ago". Nang khayhi' jhug zug da" khyoo: ri nya: myhi' phoo yigi nya: zoo: yiri tid kyo" ago".

ESAIA 55:13

Akhid" zu: kyin: gam yug jo, jang" moo gyoin: gam yug thu loo wa. Zu: gam joem da" akhoo: moo maithen" gam joem yug thu loo wa. He: zigi apyaid atoo: jo, jo, wa asoo" nghoid wigi Ngoo Aseing koid lo da" khyoo: ri tid poin" byid: khyoo: nghoid loo wa» ga: tid da:.

EZEKIEL 20:12

Ngoo Aseing wigi nyangnu" ri yung" gyeing" nhang: to" zi nghoid khyoo: ri tid poin" byid: wa shid re" nyangnu" yo' nga" agyoo: moo asoo" khyo" Dougno: Bidnyid ri cang pyeing nhang: too" bye:.

EZEKIEL 20:20

Dougno: Bidnyid ri young" gyeing" da" bidnyid khyo" ci: ge'. Houg: lang" hau: zigi nyhang" koid to" da" dang: theing da" asoo" yo' ngoo gi nanu" da" Aseing Mangsoo nghoid ziri tid poin" byid: loo wa.

GYUNG: SOO" 16:38

Hau: joem gi Aseing da" phoin: moo: shugbyid: lang" gyeung" shang: lo boem ago". Houg: yoomo nyangnu" yooboo yoomo said pyam shau" boem da" hau: byu yi da" myioug" joem ri yu lho: poo" poo" baid pye" wigi phoin: shid re" amyhid" koid ge'. Hau: zigi Israela byumyu" yi shid re" tid poin" byid: zi nghoid ri" wa» ga: tid.

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

TARHA" TID POIN" 11:19

Houg: joem ri nanu" zoo: du yiri jhau" byid: ge'. Nanu" gi yhoem: moo nyid uri vi: khyoo: so" lo" uri dau no: nyid uri moo" zei: nyid uri hau: dang: ri tid kyoo" ge'.

YOSHU 22:27

Nghoid loug we' hau: gungthid he: zigi sagse: asoo" daloem: nghoid. Houg: sagse: asoo" gi ngoonu" da" amyed ashen yi yo' nanu" da" amyed ashen yiri tid poin" loo wa. Ngoonu" we' Aseing ri nya: da" gyeung" shang: Zoem" moo xoin" joem nghe' ngei" xoin" to' ziyo' zoem" khau: xoin" ngei" byid: wigi gyeing" nyang: yo" noku wa akho: akhang" jo, da:. Hau: thang: nanu" da" amyed ashen yigi ngoonu" da" amyed ashen yiri nanu" gi Aseing yo' ci: asen: ga: yo" tid wa zi anghoid.

YOSHU 4:21

Houg: lho: nyang: gi Israela byumyu" yiri «Ju" loo wa da" ayo, moo nanu" zoo: yi he: lugzeing daxe: eig loem: da" dang: kang: ri myid: lang"

YOSHU 4:5

nyang: nyangnu" ri «Nanu" Aseing Mangso da" Dang: Theing Kuid: shid vhu" moo Yodan gyid lang khyoo: yhe: loo" ge'. Nanu" yugkhang" moo" Israela akung: dakung: shid re" lugzeing daloem: khyo" nanu" lo, sain: moo: koid: vu, loo ge'.