YOSHU 4:13 - Lacid Common Language Bible

¹³ Aseing shidkhoin" moo: gyi khaid wa shid re" jen" jen" nghoid nyid da" yuggi myid: moin gi Yerikho nam mo jang: pa: eung: eung: gu: dab yhe: ago".

YOSHU 4:13 교차 참조

2 KHOKHAM 25:5

Nghoid loug we' Babelon gyizoo: yigi khokham Zedekia ri cang khaid lho: Yerikho nam mo jang: pa: moo nyang: ri shoug" myheig yu ago". Nya: gyizoo: yi dangain" nyang: ri phang: lhei" too" kho' ago".

THU' LO" MOUGSOUG" 13:18

Houg: gungthid Thoem" Ni dain" pyoid yoo khyo" wigi nyang: houg: bang: ri shu" lheing: loo" bye:. Israela byumyu" yi we' gyi khaid pui" shid re" sham: lham: yo' nghoid ago".

YEREMIA 39:5

Nghoid loug we' Babelon gyiphung: yigi nyangnu" thang: moo cang khaid wigi Yerikho" nam mo jang: pa: moo Zedekia ri shoug" myheig yu ago". Hau: thang: nyangnu" gi nyang: ri Hamad moug: Ribla voomoo" moo nyid da" Khokham Nebukhadneza jhang shu" yhe: lo" ago". Houg: lho: Nebukhadneza gi nyang: ri dang: phyed byid: da:.

YEREMIA 52:8

Nghoid loug we' Babelon gyizoo: yigi khokham Zedekia ri cang khaid lho: Yerikho nam mo dain" pa: moo nyang: ri myheig yu da:. Nya: gyizoo: yi dangain" gi nyang: ri phang: cau" too" kho' da:.

GYUNG: SOO" 32:17

Hau: thang: ngoonu" gi ngoonu" da" Israela byencang" yi yo' dage" meing: zain: jang: khyoo: cang yhi: wa nghoid wigi nyangnu" da" ziyoo jonu" bue" loo wa da" mougmyid moo: ngoonu" yhe: yo" nyid ayo, ju" sho' gyi khaid jang" moo vhu" shi: wa. Hau: ayo, gyoo: moo ngoonu" ri khoug: nghe: nyid bang: he: meing: mo gyi joem lo, mo goem loem wa shid re" hid: moo: vang khyam: bo da" voo joem moo: nyid ca" goo" wa.

Ephesu 6:11

Yu wigi mo" da" age khyoo: dangain" ziri nanu" lhoem: oung: doid pyam baja"- Mangsoo nanu" ri byid: to" da" gyikhin" dangain" ziri yu void zhoung ci: loo: ge'.

TARHA" TID POIN" 3:18

Hau: ayo, ri ngoo gi nyangnu" ri vhoo: mo pyeing: dang: joem ri byid: bye:. Ngoonu" Aseing Mangsoo gi Yodan gyid lang bidthu shoid mougmyid ri yhe: seing: yu wa shid re" nanu" ri byid: too" bye:. Akhid" re" da" gyi khaid bang: ri gyi jonu" joem nyheing byid: wigi nyangnu" mougmyid seing: yu wa ziri bo pang" wa shid re" Israela byu yi gootu: bang: shidkhoin" khyoo: Yodan gyid lang ri gu: dab yhi: nhang: we'.

YOSHU 4:12

Ruben kung:- Gad kung:- yo' Manashe kung: agung dayi" gu: gi Moshe wigi nyangnu" ri koid wa tid to" ziyo' dakhyoo" ti" gyi khaid wa shid re" jen" jen" koid ci: wigi deing da" byumyu" yi shid vhu" khyoo: gu: dab yhe: ago".

YOSHU 4:14

Hau: nyid" ri Aseing koid da" moo" gi Yoshu ri byu zeing dayug khyo" Israela byu yiri myid jhoo: yu nhang: da:. Nyangnu" gi Moshe ri ngi: shab boem yhang: ti" nya: pyaid goin" nyang: ri ngi: shab byid: ago".

YOSHU 5:10

Israela byumyu" Yerikho nam jang: pa: mo Gilgala moo: dab koid nyid da" ayo, moo: nyangnu" gi hau: lhammoo" khyab daxe: myid: nyid" myen" thang: ri lhid: kaid pui" koid ago".

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".