11 Nyangnu" dangain" dashoid khyoo: bain gu: dab lang" Aseing Dang: Theing Kuid: gi Khainjung yi yo' dage" byumyu" yi da" shid vhu" moo yhe: lo" ago".
He: lheing: gi nanu" ahain: adoin thu loo" aca" goo" wa. Phang: loid wa asoin' ca" goo" wa. Nanu" Aseing Mangsoo gi nanu" ri shu" vhu" she: wigi shoid khang" moo" khyo" goem loem byid: loo wa.
Nanu" gi Yodan gyid lang ri gu: dab wigi Yerikho khyoo: ju" lo da:. Yerikho voobyu yigi Amori- Perizi- Khanan- Hiti- Girgashi- Hivi- Yebusi byumyu" yi yhang: ti" nanu" ri gyi zain: ago". Nghoid loug we' ngoo gi nanu" ri nyangnu" dangain" bang: adang moo oung: doid nhang: bye:.
Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".
Dang: Theing Kuid: vu, da" khainjung yiri nyangnu" gyid lang khyoo: ju" yhi: lang" nyangnu" gyid yam moo: yhe: neig wigi yab jo, ca" wa zi nghoid» ga: tid da:.
Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".
Ruben kung:- Gad kung:- yo' Manashe kung: agung dayi" gu: gi Moshe wigi nyangnu" ri koid wa tid to" ziyo' dakhyoo" ti" gyi khaid wa shid re" jen" jen" koid ci: wigi deing da" byumyu" yi shid vhu" khyoo: gu: dab yhe: ago".
Houg: lho: khainjung yi gyid yam khyoo: ju" loo" lang" gyid lang gi doem yau lo" lho: gyid yam byeung" sho' do, re" da:.
