YOSHU 3:7 - Lacid Common Language Bible

⁷ Aseing gi Yoshu ri «Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.

YOSHU 3:7 교차 참조

1 KHOKHAM MHOOMYID: 29:25

Aseing gi shava byu phung: goin" ziri Sholumon shidkhoin" moo gyoug phoug" wigi yab jo, nhang: lho: Israela mung" ri vhoebkhang" yu" da" khokham yi gootu: dangain" tho' nyang: ri je phung" yoeb byid: da:.

2 KHOKHAM MHOOMYID: 1:1

Khokham David da" yuggi zoo: Sholumon gi Israela mungdain: ri teing za: vhoebkhang" ci: da:. Nya: Aseing Mangsoo gi nyang: ri mainkaid byid: wigi nyang: ri gye" yoem: boo nhang: da:.

YOBA 7:17

Byu gi ciwim yoomo re" shid re" sung yhouggyen: la". Nyangnu" koid ziri ciwim yu" nyid la".

COUNG" NGHEI 18:35

Nang gi ngoo ri lhoug zung" goem coung: khyoid yu nyid. Re" da" yu" goem khyoo: gi ngoo ri gyi: myhang: loo nhang: bye:. Re" da" yoem: so' gi ngoo ri gau: nyu: nhang: nyid.

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

PHILIPI 1:20

Ngoo gi khanham we' ngoo nya: yoovoin moo sho' athu sho' ayo, khang" moo" moo nghoid loug we' je" wigi akhid" uri nghoid loug we' agyug avoem da" yoem: vhoo" azeing yo' byeung" jo, zoore"- ngoo gi dei nyid loug shid: loo" loug we' nga" da" kangso' gyung: khyoo: bain sho' moo Khristu da" myonhoo: phung" yoeb, ri bang thu loo nhang: wa da" khyoo: gi nga" da" vho: ngei thang ziyo' nheig byu khyoo: nghoid.

YOSHU 1:17

Moshe dang: ri khanham we' ngoonu" tam" gyo: lo ziyo' dakhyo" re" dang: we' ngoonu" tam" gyoo: wa. Re" Aseing Mangsoo Moshe yo' dage" nghoid yhang: ti" nang yo' we' dage" nghoid baja".

YOSHU 1:5

Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 3:6

Hau: thang: nyang: gi Khainjung yiri Dang: Theing Kuid: ri koid: vu, wigi houg: yo' dage" byumyu" yi da" shid khyoo: yhe: loo" wa shid re" tid da:. Nyangnu" we' nyang: tid ziyo' dakhyoo" ti" koid bye:.

YOSHU 3:8

Dang: Theing Kuid: vu, da" khainjung yiri nyangnu" gyid lang khyoo: ju" yhi: lang" nyangnu" gyid yam moo: yhe: neig wigi yab jo, ca" wa zi nghoid» ga: tid da:.

YOSHU 4:14

Hau: nyid" ri Aseing koid da" moo" gi Yoshu ri byu zeing dayug khyo" Israela byu yiri myid jhoo: yu nhang: da:. Nyangnu" gi Moshe ri ngi: shab boem yhang: ti" nya: pyaid goin" nyang: ri ngi: shab byid: ago".