YOSHU 3:10 - Lacid Common Language Bible

^10-11 Nanu" shid khyoo: yhe: lo" uri nyang: gi Khanan- Hiti- Hivi- Perizi- Girgashi- Amori yo' Yebusi byumyu" yiri: gyeing" nyang: khaid thu pyam wa zi nghoid. Mougmyid dangain" da" Aseing Dang: Theing Kuid: nanu" shid moo Yodan gyid lang ri gu: dab yhe: uri kangso' dei Mangsoo nanu" phung: moo nyid nyid ziri nanu" si wa zi nghoid.

YOSHU 3:10 교차 참조

APOEM AYANG: 15:21

Amori moug:- Khanan moug:- Girgashi moug: yo' Yebusi moug: joem we' bo» ga: tid.

1 KHOKHAM 22:28

Mikhaia gi «Nang gau: nyu: ziyo' doem tau" lo nghoid rigi Aseing gi ngoo khyo" wigi dang: atid wa» ga: nyho: tid bye:. Xo' lho: nyang: gi «Ngoo citid ziri yugkhang" moo" tam" gyoo: ge'» ga: tid.

2 KHOKHAM 19:4

Asuri khosen phoo gi dei nyid da" Mangsoo ri aphoug" akhyoid rui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

1 KHOKHAM MHOOMYID: 1:14

Khanan gi Yebusi- Amori- Girgashi-

COUNG" NGHEI 42:2

Dadei nyid da" Mangsoo we"- ngoo nang ri gyid su' shed nyid. Ngoo gi re" da" shidkhoin" moo khanham ri she' yo" ju" re" wigi yo" coung" pid nyid wa lha".

COUNG" NGHEI 9:16

Aseing gi: deungmain" khyo" dang: phyed nyid wigi nya: gung du: ri pang shug bye:. Akhyeung" da" byu yigi nyangnu" nya: da" moo" zoo" khyo" nyang: khyo' tei" moo: nyang: myi" jo, boem abye:.

THU' LO" MOUGSOUG" 17:7

He: joyoo gi Israela byumyu" yi «Aseing ngoonu" yo' nyid la' anyid la'» ga myeing" myo: go" wigi Aseing ri jham" ca: yu" da" joyoo nghoid yoomo Masa yo' Meriba ga: myheing to" ago".

THU' LO" MOUGSOUG" 3:8

Hougsu" yoomo Ngoo nya: bang: nyang: ri Egutu byumyu" yi jang" mo yhe: khyoid yu lho: Egutu mung" mo zi akhid" Khanan- Hiti- Amori- Perizi- Hivi yo' Yebusi byumyu" yi nyid joyoo- gye" dam lho: mougmyid nu" yoo" zoo yoo" shug da" moug: khyoo: shu" yhi: wa nghoid.

THU' LO" MOUGSOUG" 33:2

Ngoo nanu" ri zung" wa shid re" moug lagyoo: ri nhang: kaid wigi ngoo Khanan- Amori- Hiti- Perizi- Hivi yo' Yebusi byumyu" yiri khaid pyam byid: wa.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

YEREMIA 10:10

Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (

HOSEA 1:10

Israela byumyu" yigi panglai: mo midcoo: yhang: ti" atho' nghab- atho' leig loo: sho' myo: loo goo" wa. Akhid" Mangsoo gi nyangnu" ri «Nanu" gi nga" byumyu" anghoid» ga: tid. Nghoid loug we' danyid" nyid" rigi «Nanu" gi Dei nyid da" Mangso nya: zoo: yi nghoid» ga: tid wa bidnyid ju" loo wa.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

TARHA" TID POIN" 31:17

Hau: zi bue" loo lang" nyangnu" ri ngoo nheig yo: loo wa. Ngoo gi nyangnu" ri she: pyam wigi nyangnu" gi joem: lo" boem wa. Nyangnu" adang moo gyoug pho" byo, yoin" khyoo: myoo" sho' ju" lo loo wa. Houg: lang" nyangnu" gi ngoo nyangnu" da" Mangsoo nyangnu" yo' anyid loo: yoomo he: joem bue" nyid ziri boin: so" re" boem goo" wa.

TARHA" TID POIN" 5:26

Kangso' dei Mangsoo gi myi: khoug: mo dang: ji ziri shau" gyo: thang: ri byu yugkhang" moo" gi kangso' yo" dei wa la".

TARHA" TID POIN" 7:1

Nanu" Aseing Mangsoo gi nanu" yhe: nyid seing: yu wa nghoid da" mungdain: khyoo: nanu" ri shu" vang yhe: wigi nyang: gi byumyu" myoo: sho' ri houg: mo khaid thu pyam byid: loo wa. Nanu" shid vhu" khyoo: jhen" yhe: lo" uri nanu" tho' je myo: lho: yoem: je bo da" Hiti- Girgashi- Amori- Khanan- Perizi- Hivi- Yebusi ga: da" byumyu" nyhed myu" ri nyang: khaid thu pyam wa zi nghoid.

TARHA" TID POIN" 7:21

Houg: yoomo hau: byumyu" yiri agyug goo". Nanu" Aseing Mangsoo gi nanu" yo' dage" nghoid. Nyang: gi phung gyi: Mangsoo nghoid lho: gyoug phoug" moin: su: nghoid.

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

HEBRE 10:31

Dei nyid da" Mangso lo, moo gyo" vhang lo" ein: zigi atho' tid loo: sho' gyoug ca" da" khyoo: nghoid.

YOSHU 11:3

Nyang: gi Yodan gyid lang eig shoid goin" moo nyid da" Khanan byu- Amori byu- Hiti byu- Perizi yo' boem moug: mo Yebusi- Mizpa mung" mo Hermon boem khyid: moo: nyid boem da" Hivi byu yiri we' dang: pyeung: kaid da:.

YOSHU 12:8

Hid: moo: boem moug:- bidvang shoid boem khyid: joem Yodan gyid lang janggyoin: yo' houg: mo boem khyid: joem bidthu shoid bau zoin" joem mougpyi: shoid mo moug: kyug joem we' bo da:. He: mougmyid gi Hiti- Amori- Khanan- Perizi- Hivi- yo' Yebusi byumyu" yi da" yhoem: moug: nghoid lid lo boem da:.

YOSHU 21:45

Aseing gi Israela byumyu" yiri nyang: byid: to" da" dangsoo" joem mo ja: khang" moo" ri zei: pyeing byid: da:.

YOSHU 22:31

Khainjung Eleaza da" yuggi zoo: Phineha gi nyangnu" ri «Akhid" Aseing gi ngoonu" yo' dage" nyid ziri ngoonu" si bye:. Nanu" gi Aseing ri thougtheung gyi koid zi anghoid. Ciwim gari: nanu" gi Israela byumyu" yiri Aseing jang" mo shau" wa da" yooboo dam mo khyoid yu bye: nhung» ga: tid da:.

YOSHU 24:11

Nanu" gi Yodan gyid lang ri gu: dab wigi Yerikho khyoo: ju" lo da:. Yerikho voobyu yigi Amori- Perizi- Khanan- Hiti- Girgashi- Hivi- Yebusi byumyu" yi yhang: ti" nanu" ri gyi zain: ago". Nghoid loug we' ngoo gi nanu" ri nyangnu" dangain" bang: adang moo oung: doid nhang: bye:.

YOSHU 3:9

Hau: thang: Yoshu gi byumyu" yiri «Hid: khyoo: re" wigi nanu" Aseing Mangsoo tid ziri tam" gyoo: ge'.

YOSHU 9:1

Israela byumyu" yi da" oung: doid khyoo: gi Yodan gyid lang bidvang shoid mo boem moug:- Boem khyid:- mougzhung: shoid khyoo: Lebanon ju" sho' da" Meing: gung panglai: yam cang wigi jang: dam dangain" moo nyid boem da" Hiti- Amori- Khanan- Perizi- Hivi- Yebusi khokham yi dangain" mo, jang khyoo: fu" lo" khari" bye:.

1 SAMUELA 17:26

David gi nya: nam moo nyid da" byu yiri «Hau: Philisti byu ri said pyam wigi aphoug" akhyoid koid nyid da" jang" mo Israela byumyu" yiri khyoid yu lang" ce: noem yoo" wa ga: o". Dei nyid da" Mangsoo gyizoo: yiri thougtheung wa he: shooyid thang: ayham" da" Philisti byu gi khasu" te" yug nghoid lha"» ga: myid: bye:.

1 SAMUELA 26:6

Hau: thang: David gi Hiti byumyu" Ahimeleg yo' Yoab da" nya: nhung" Abishai (nya: tang da" nya: yhid gi Zeruia nghoid da) tang: ri «re" tang mo kha: yug gi ngoo yo' dage" Sholu dab khyoo: yhi: wa la"» ga: myid: lang" Abishai yug gi «ngoo cang wa» ga: tid da:.