YOSHU 24:8 - Lacid Common Language Bible

⁸ Hau: thang: ngoo gi nanu" ri Yodan gyid lang bidthu shoid moo nyid boem da" Amori byumyu" yi mougmyid khyoo: shu" loo" bye:. Nyangnu" gi nanu" ri khaid zain: ago". Nghoid loug we' ngoo gi nanu" ri nyangnu" adang moo: oung: nhang: bye:. Nanu" gi nyangnu" mung" ri yu pyam bye:. Nanu" shid vhu" khyoo: yhe: lo" ri ngoo houg: bang: ri said toem" pyam bye:.

YOSHU 24:8 교차 참조

NEHEMIA 9:22

Nang gi nyangnu" wigi byumyu" yo' mungdain: Nyangnu" nya: mougkyoo" mo mougmyid joem ri oung: yu nhang: da:. Nyangnu" gi Sihon vhoeb da" Heshbon mougmyid ri oung: yu pyam ago". Houg: lho: Oga khokham koid da" Bashan mung" ri we' oung: yu pyam ago".

THU' LO" MOUGSOUG" 23:23

Nga" moug lagyoo: re" shidkhoin" moo yhe: lo" wigi Amori- Hiti- Perizi- Khanan- Hivi- Yebusi byumyu" yi nyid moug: khyoo: nang ri shu" vang yhe: lho: houg: bang: ri ngoo phyo' shoin' pyam wa.

AMO 2:10

Ngoo gi nanu" ri Egutu mung" mo shu" thu lo lho: dain" pyoid yoo khyo" myid: xi: zain shu" loo bye:. Hougsu" wigi Amori mung" ri nanu" seing: wa shid re" ngoo byid: bye:.

AMO 2:9

Nghoid loug we' nga" byumyu" yi we" shamu gam yhi' myhang: lho: shookhi" gam ti" yoem: bo da" Amaleg byumyu" yiri ngoo gi jhoid phyo' sain" pyam zigi nanu" gang mo nghoid.

TARHA" TID POIN" 2:32

Sihon gi ngoonu" ri khaid zain: wa shid re" nya: byu yi dangain" bang: yo' Yahad voogung nam khyoo: thu re" boem ago".

YOSHU 13:10

Hau: zigi Amon mougkyoo" ju" sho' yo' Heshbon moo vhoeb lo da" Amori khokham Sihon wigi vhoeb da" voomoo" dangain" bo da:.