YOSHU 23:8 - Lacid Common Language Bible

⁸ Hau: gungthid akhid nyid" ju" sho' nanu" jhug zug nyid da" Aseing ri jhug zug nyid ge'.

YOSHU 23:8 교차 참조

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

YOSHU 22:5

Moshe wigi nanu" ri byid: to" da" tarha" ri tam" gyo: cang yhe: nyid wa zi boin: nyid ge'. Nanu" Aseing Mangsoo ri jheddab- nyang: myid vho: ziri cang- nya: Dang: theing khoin" ri tam" gyo:- nyang: ri jhug zug nyid lho: nanu" da" emyed nheigloem: dangain" yo' nyang: ri dei byid: nyid ge'» ga: tid da:.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

TARHA" TID POIN" 13:4

Aseing thang: cang wigi nyang: ri ngi: shab we'. Nya: dang: ri tam" gyo: cang yhe: wigi nya: amyeing" dang: ri cang nyid ge'. Nyang: ri no' wigi nyang: ri jhug zug ge'.

TARHA" TID POIN" 11:22

«Ngoo nanu" ri amyeing" byid: to" da" ja: khang" moo" ri dang: zung" cang yhe: nyid ge'. Nanu" Aseing Mangsoo ri jheddab nyid ge'. Nya: amyeing" dang: ja: khang" moo" ri cang khoid wigi nyang: ri dang: zung" nyid ge'.

TARHA" TID POIN" 4:4

Nghoid loug we' nanu" Aseing Mangsoo ri dang: zung" nyid da" mo, nanu" gi akhid" nyid" ju" sho' dei nyid boem ashi".

YOSHU 23:7

Houg: lang" nanu" phung: moo: nyid deing jo, da" tungbau byu yi yo' azoem" goo". Nyangnu" yu phara" joem da" myeing ri alang: goo". Hau: myeing joem ri lang: wigi jham' atang: goo". Hau: yu phara" joem ri ano' goo". Houg: joem ri agoeb pid goo".

YOSHU 23:9

Aseing gi nanu" shid vhu" khyoo: yhe: loo" lang" gyi: sheung: wigi yoem so' bo da" byumyu" yiri khaid thu pyam da:. Hang" dayug we' nanu" ri khanham we' ayo" thougtheung yu" nghoid da:.

2 KHOKHAM 18:6

Nyang: gi Aseing ri jhug zug wigi tid dang: agyoo: khanham we' akoid nghoid da:. Aseing wigi Moshe ri byid: to" da" amyeing" dang: joem dangain" ri goo" lhoo' za: cang da:.

TARHA" TID POIN" 8:20

Nanu" gi Aseing ri atam" gyoo: nghoid rigi nanu" shid khyoo: jhen" yhe: lo" boem uri nyang: wigi said toem" pyam da" byumyu" yi yhang: ti" nanu" we' said toem" pyam zi shoug" loo goo" wa.

TARHA" TID POIN" 13:5

Nghoid loug we' nanu" join bue" nyid da" Egutu mung" mo nanu" ri khyoid yu da" su: Aseing ri yooboo foin: thougtheung gyi koid wa tid da" yhoebmo, dang: kang: phoid: su: yo' lapi: hang" nghoid loug we' said pyam ge'. Houg: te" da" yug gi akhyeing" ziyo' nanu" dei nyid wa Aseing amyeing" byid: to" da" kangso' khyoo: moo nanu" ri khyoo: shu" vhang: wa shid re" soin' nyid su: nghoid. Nang nya: gung mo he: akyeing" da" ziri yu pyam wa shid re" nyang: ri said pyam we'.