YOSHU 23:5 - Lacid Common Language Bible

⁵ Nanu" Aseing Mangsoo gi nyangnu" ri nanu" jang" mo zoid phang: loo" nhang: da:. Nanu" shid khyoo: yhe: lo" uri nyang: gi houg: bang: ri khaid thu pyam wa zi nghoid. Nanu" Aseing Mangsoo nanu" ri dangsoo" byid: to" ziyo' dakhyo" nyangnu" mung" ri nanu" seing: yu wa zi nghoid.

YOSHU 23:5 교차 참조

THU' LO" MOUGSOUG" 23:20

Gyung: khyoo: moo nanu" ri goem loem wigi ngoo nanu" shid re" soin nyheung to" da" joyoo khyoo: shu" yhi: wa shid re" nanu" shidkhoin" moo moug lagyoo: ri ngoo yhi: nhang: wa.

THU' LO" MOUGSOUG" 33:2

Ngoo nanu" ri zung" wa shid re" moug lagyoo: ri nhang: kaid wigi ngoo Khanan- Amori- Hiti- Perizi- Hivi yo' Yebusi byumyu" yiri khaid pyam byid: wa.

THU' LO" MOUGSOUG" 34:11

Akhid" nyid" nang ri ngoo byid: to" da" tarha" joem ri tam" gyo: cang yhe: nyid we'. Nanu" jhen" yhi: lang" Amori- Khanan- Hiti- Perizi- Hivi yo' Yebusi byumyu" yiri ngoo khaid thu pyam wa zi nghoid.

TARHA" TID POIN" 11:23

Houg: lang" nanu" shid vhu" khyoo: jhen" yhe: lo" uri hau: byumyu" joem ri nyang: khaid thu pyam byid: loo wa. Houg: lho: nanu" tho' je myo: ziyo' je yoem: bo da" byumyu" yi seing: da" mungdain: ri yo" seing: yu loo goo" wa.

YOSHU 13:6

He: zigi Lebanon boem joem yo' Misrephod Main agyoo mo boem moug: moo: nyid boem da" Sidon byumyu" yi da" mougmyid dangain bo da:. Israela byumyu" yi shid khyoo: yhe: loo" lang" hau: byumyu" dangain" ri ngoo khaid thu pyam wa. Nang koid wa shid re" ngoo amyeing" byid: to" ziyo' dakhyo" hau: mougmyid ri Israela byumyu" yiri nang kho' byid: ca" da:.

TARHA" AGYI 2:21

Yoshu shid: da" uri he: mung" moo nyid boem shi" go" da" ce: byumyu" yiri we' ngoo akhaid thu loo: wa.