YOSHU 23:1 - Lacid Common Language Bible

¹ Gye myang" thang: ri Aseing gi Israela byumyu" yiri nyangnu" ri lheing khoem to" da" gyivoo yi lo, mo goem loem byid: da:. Hau: ayo, ri Yoshu gi gye" mang: bye:.

YOSHU 23:1 교차 참조

1 KHOKHAM 1:1

Akhid" David gye" mang: bye: yoomo nya: dei zoo: yi mi foid nghoid loug we' nya: gung ayo" loem loo: nghoid da:.

1 KHOKHAM MHOOMYID: 23:25

David gi «Israela da" Aseing Mangsoo gi nya: byumyu" yiri ngei pyo: yug yo khyoo: ri byid: too" bye:. Houg: lho: nyang: nyang: we' Yerusalem moo apyaid atoo: moo nyid nyid wa.

1 KHOKHAM MHOOMYID: 27:1

He: zigi Israela da" yhoemkhung: vhujhung: yi akung: ako' yi da" vhujhung: yi yo' mungdain: ri vhoebkhang" moo" zei: da" nyangnu" zoug: ludaid yi da" zhayhen" nghoid da:. Zain goin" moo lhoo' khyab khang" moo" byu eig moin myid khyeing" bo da" byu phung: yigi daphung: thang: daphung: hau: lhoo' khyab moo moo" eung: da" zoug: ludaid da" vhoo: moo moo" zei: nyid boem ago".

2 KHOKHAM MHOOMYID: 14:1

Khokham Abiya gi shid: lo" wigi David voomoo" mo khokham loeb moo myhoeb pyam ago". Nya: yuggi zoo: Asa gi nya: khoo: moo khokham xo' koid lho: Asa vhoeb da" akhoug: moo mungdain: gi daxi: zain yug yo ngei pyo: nyid da:.

2 KHOKHAM MHOOMYID: 14:5

Ciwim gari: nyang: gi tungbau yi no' da" joyoo yo' Yuda mung" mo voomoo" joem dangain" mo shoem: nam pyo: ja: nghe' ngei" da" phoin: joem ri yu pyam wigi mungdain: gi nyang: vhoeb da" khoug: moo ngei pyo: yug yo nyid da:.

2 KHOKHAM MHOOMYID: 20:30

Houg: yoomo Yehoshaphad gi ngei pyoo: yug yoo za: vhoeb da:. Mangsoo gi shoid khang" moo" moo nyang: ri goem loem byid: da:.

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

ESAIA 63:14

Nu: joem gi myid xu: ge da" lang: khung" khyoo: shu" yhe: loo" shau" boem ziyo' dayhang: ti" Aseing gi nya: byu yiri dougnoo: nhang: da:. Nya: byumyu" yiri nyang: shu" vhu" she: wigi nya: myeing ri ngi: shab byid: da:.

TARHA" TID POIN" 31:2

Nyang: gi «Akhid" nga" kangso' gi 120 zain nghoid bye: ziyo' nanu" da" vhujhung: ayo" bui" loo:. Hau: tho' agoo" ngoo gi Yodan gyid lang ri ayo" bo gu: phyid wa ga: ngoo ri Aseing wigi bain tid too" bye:.

YOSHU 11:23

Yoshu gi Aseing wigi Moshe ri amyeing" byid: to" ziyo' dakhyo" da mungdain: goin" ziri seing: pyam bye: da:. Yoshu gi Israela byumyu" yiri nyangnu" mougmyid khyo" hau: mungdain: ri: byukung: khyo" cang lho: kho' byid: da:. Houg: yoomo byumyu" yigi gyi zain: go" jang" moo theing: nyid boem ago".

YOSHU 13:1

Akhid" Yoshu gi gye" mang: bye:. Aseing gi nyang: ri «Nang gi gye" mang: abye:. Nghoid loug we' seing: yu ca" shi" da" mougmyid gye" jo, ashi".

YOSHU 21:44

Nyangnu" phoug" phyid" yiri dangsoo" byid: to" ziyo' dakhyo" Aseing gi mungdain: goin" ri yug yo khyoo: nyangnu" ri byid: bye:. Nyangnu" da" gyivoo yi dangain" mo dayug we' gyi ayo" khaid goo" nghoid ago". Ciwim gari Aseing gi Israela byumyu" yiri nyangnu" gyivoo yi dangain" mo dang moo oung: nhang: da:.

YOSHU 22:4

Akhid" nyang: dangsoo" byid: to" ziyo' dakhyo" nanu" Aseing Mangsoo gi nanu" da" Israela mang: nhung" yiri ngei pyoo: yug yo' zi byid: too" bye:. Houg: yoomo Aseing da" dei zoo: Moshe wigi nanu" ri byid: bye: da" Yodan gyid lang bidthu shoid mo nanu" nya: mougmyid ga: tid seing: yu da" yhoem: moug: khyoo: doem loo" loo: ge'.

1 SAMUELA 12:2

Akhid" nanu" ri vhu" shi: wa shid re" nyang: ri nanu" yoo" bye:. Ngoo koem gi mang: bye: ziyo' vhuloem we' phyu: bye: zi nghoid. Nga" zoo: yi we' nanu" yo' dage" nghoid bye:. Ngoo gi ngi mo nanu" da" vhujhung: koid lid loo bye:.