YOSHU 22:6 - Lacid Common Language Bible

^6-8 Yoshu gi nya: pyeing: dang: yo' hid su" ga: mainkaid byid: wigi houg: bang: ri yhoem: moug: khyoo: loo" nhang: kaid da:. Nyangnu" ri «Nanu" gi yhoem: gougnyhoug myoo" sho' ngei- sheing:- gyid: mid"- joto' yo' byimi myo" sho' yo' yoo" zoo yoo" shug lho: yhoem: moug: khyoo: tau" lo" ago". Nanu" da" gyivoo joem mo shau" yu da" ziyoo joem ri nanu" da" byumyu" mang: nhung" yiri gam byid: ge'» ga: mainkaid byid: kaid da:. Hau: thang: nyangnu" gi yhoem: khyoo: tau" lo" ago". Moshe gi Yodan gyid lang bidthu shoid mo mougmyid Manashe byumyu" agung dayhi" ri byid: too" kho' da:. Nghoid loug we' gootu: agung dayhi" gu: rigi Yoshu wigi gootu: byumyu" yi yo' dage" Yodan gyid lang bidvang shoid mo mougmyid ri byid: da:.

YOSHU 22:6 교차 참조

APOEM AYANG: 14:19

Main kaid byid: lho: «Moug: khoug: yo' myidjang ri phain" so: too" su: myhang: thang Mangsoo gi Abram ri mainkaid byid: baja".

APOEM AYANG: 47:10

Yaku gi khokham ri vhu" da" mainkaid dang: tid lho: thu lo.

APOEM AYANG: 47:7

Hau: thang: Yoseb gi nya: phoo Yaku ri shu" lo lho: khokham jang" moo yhe: shu" shau" da:. Yaku gi khokham ri mainkaid dang: tid lho:

2 SAMUELA 6:18

Nyang: xoin" bain ngei" thang: ri myhang: thang Aseing da" myeing yo' byumyu" yiri mainkaid byid: wigi

2 SAMUELA 6:19

Nyangnu" dangain" ri zoo: shug gam byid: bye:. Nyang: gi Israela byumyu" yuggi myiyi: dangain" ziri zooyho' daloem: loem: shoo" dakhyi' khyi' yo' zabyid shi" kyug dajhi' jhi' byid: bye:. Hau: thang: yugkhang" moo" yhoem: khyoo: loo" khari" bye:.

2 SAMUELA 6:20

Hau: thang: ri David gi nya: yhoem: byu yiri vhu" khoo' wa ga: yhoem: khyoo: vang lo" uri Mikhala thu lo wigi nyang: ri lhoem: tau yu da:. Xo' lho: nyang: gi «Akhid" nyid" da" bidnyid ri Israela khokham gi nya: gung nyang: myeing gyi: sho' koid nyid bye: nhung: lha". Nyang: gi nya: gung ri nya: da" gyizoug: yi da" dei zoo: myiyi: yi shidkhoin" moo koo" su: yhang: ti" koid shug nyid bye: nhung» ga: tid.

1 KHOKHAM 8:66

Shed nyid" nyid" ri Sholumon gi byumyu" yiri yhoem: khyoo: nhang: kaid bye:. Nyangnu" dangain" we' nya: deizoo: David yo' nya: byumyu" Israela ri Aseing mainkaid byid: yoomo nyang: ri coung" lho: yhoem: khyoo: ngei pyo: tung" lo" boem bye:.

2 KHOKHAM MHOOMYID: 30:18

Hau: tho' agoo"- Ephrim- Manashe- Ishakha- Zevulun byumyu" kung: mo re" da" myoo: sho' bang: gi thung" khyo" kyeing sain' khyoo: akoid nghoid ago". Houg: lho: nyangnu" lhid: kaid pui" ri ajoo aeung: khyo" koid ago". Khokham Hezekia gi nyangnu" shid re" hid su" ga: akyu" mho' byid: da:.

THU' LO" MOUGSOUG" 39:43

Moshe gi Aseing amyeing" byid: to" ziyo' dakhyoo" ti" nyangnu" koid to" da" jonu" dangain" ziri cang yu" da:. Houg: yoomo nyangnu" ri Moshe mainkaid byid: bye:.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

LUKA 24:50

Nyang: gi nyangnu" ri Yerusalem mo, - Bethani voo yam khyoo: khe: shu" yhe: lo. Nya: lo, tu: lho: mainkaid byid.

YOSHU 14:13

Yoshu gi Yephune da" nya: yuggi zoo: Khaleb ri mainkaid byid: wigi nya: mougmyid jonu" khyo" nyang: ri Hebron voomoo" byid: da:.

YOSHU 24:28

Hau: thang: Yoshu gi byumyu" yiri nhang: kaid da:. Yugkhang" moo" nyang: nya: moug: khyoo: tau" lo" ago".

1 SAMUELA 10:25

Samuela gi byumyu" yi ri khokham da" amyeing" khyo" koid ca" da" moo" zoo" ri tid phuid: kyo" wigi mougsoug" pug moo lhid" xoem" to" lho: gyeung" shang: da" joyoo moo voin: tang: shoung: too" bye:. Hau: thang: ri nyang: gi dangain" mo, ri yhoem: khyoo: loo" nhang: kaid bye:.

1 SAMUELA 13:2

Sholu gi byu soem: khyeing" ri khe: zheing" yu wigi nyangnu" mo eig khyeing" rigi nyang: yo' dage" Mikmasha yo' Bethela boem moug: moo to" to" lho: dakhyeing" rigi nya: zoo: Yonathan yo' dage" Benyamin byumyu" yi da" moug" myid nghoid da" Gibea voogung khyo: nhang: kaid da:. Deing da" byu yi rigi nyangnu" nyang: yhoem: khyoo: Sholu nhang: kaid bye:.

1 SAMUELA 2:20

Hau: thang: ri Eli gi Elakana yo' nya: yhoem: seing: myhi' ri mainkaid byid: wigi Elakana ri «Nang Aseing ri shug byid: ziyo' hau: myiyi: myhi' shu" re" da" zooshang: zo: da" gungthid Aseing gi nang ri zooshang: gootu: doem byid: baja" o"» ga: tid. Hau: thang: ri nyangnu" gi yhoem: khyoo: doem lo" ago".