YOSHU 20:8 - Lacid Common Language Bible

⁸ Yodan gyid lang bidthu shoid- Yerikho bidthu shoid bougdoem jang: pa dain" pyoid yoo moo Ruben byumyu" yi da" mougmyid mo Bezera- Gad byumyu" yi da" mougmyid Gilead mo Ramod- Manashe da" mougmyid Bashan mung" mo Golan voomoo" joem ri khyen: yu ago".

YOSHU 20:8 교차 참조

1 KHOKHAM 22:6

Houg: yoomo Ahab Lapi: yi jang" mo myid: shoo: koo: ri khe: yu wigi «Ngoo gi Ramod ri yhe: zain: ri gi wa la" agi wa la"» ga: myid: bye:. Nyangnu" gi «Hau: ziri yhe: zain: we' Aseing gi nang ri oung: doid nhang: wa nghoid» ga: tid.

2 KHOKHAM 8:28

Khokham Ahazia gi Suri khokham Hazaela yo' gyi zain: jang" moo Israela khokham Yoram yo' shoin" go" da:. Gyi dab joem gi Gilead mung" mo Ramod voomoo" moo gyi zain: wigi Yoram gi meing: zain: jang: moo: dam dab da:.

1 KHOKHAM MHOOMYID: 6:78

Yerikho thei: tab- Yodan gyid lang bidthu shoid Ruben mougmyid mo Bezera boug doem- Yaza-

1 KHOKHAM MHOOMYID: 6:80

Gad mougmyid moo: Gilead moug: mo Ramod- Mahanaim-

TARHA" TID POIN" 3:10

Ngoonu" gi Bashan khokham Oga da" mougmyid nghoid da" bouggung mo voomoo" joem bidthu shoid mo Saleka voogung yo' Edrei voogung joem ju" sho' nghoid da" Gilead yo' Bashan moug: dangain" ri seing: yu boem bye:.

TARHA" TID POIN" 4:43

Ruben byumyu" kung: yi shid re" dain" pyoid yoo bouggung moo jo, da" Bezera voomoo"- Gad byumyu" kung: yi shid re" Gilead moug: moo jo, da" Ramod voomoo"- Manashe byumyu" kung: yi shid re" Bashan moug: moo jo, da" Golan voomoo" joem nghoid ago".

YOSHU 20:7

Houg: yoomo nyangnu" gi Yodan gyid lang bidvang shoid Napthali boem moug: Galile mo Kedesha- Ephrim boem moug: mo Shekhem yo' Yuda boem moug: mo Hebron voo joem ri gootu: khyen: to" ago".

YOSHU 20:9

He: voomoo" joem gi Israela byumyu" yi dangain" yo' nyangnu" akhoug: moo: nyid da" tungbau byu hang" shid re" we' phang: goug" wa voomoo" khyo" khyen: to" zi nghoid da:. Byu dayug yug ri pa: yhi: anghoid looza: zang" said da" yugkhang" moo" ri latoo phug wa sho: yen" su: da" lo, mo goem loem yu wa shid re" houg moo shau" nyid wa zi nghoid. Nyang: ri shi" shava phung: shidkhoin" moo: tarha" dang: aphyed yu" looza: age said pyam nghoid da:.

YOSHU 21:27

Levi byumyu" gootu: daphung: nghoid da" Gershon kung: yigi bidthu shoid mo Manashe byumyu" yi mougmyid mo voomoo" eig loem ri shau" yu boem ago". Hau: eig voo gi Bashan mung" mo Golan (Phang goug" wa voomoo" joem mo davoo nghoid da) Beesthera yo' houg: mo mhain" nu" yoo jang: pa: joem nghoid da:.

YOSHU 21:36

Ruben byumyu" yi mougmyid mo voomoo" myid: voo ri nyangnu" shau" yu boem ago". Hau: joem gi Bezera- Yahaza

YOSHU 21:38

Gad byumyu" yi mougmyid mo voomoo" myid: voo ri we' nyangnu" shau" yu da:. Hau: joem gi Gilead mung" mo Ramod yo' houg: mhain" nu" yoo jang: pa: (Phang goug" wa voomoo" joem mo davoo nghoid da)- Mahanaim-