YOSHU 2:12 - Lacid Common Language Bible

¹² Akhid" re" eig tang: ri ngoo nyeing" za koid bye: ziyo' dakhyo" nga" yhoem: byu yiri nanu" koid boem wa ein: ziri jham tang: ge'. Houg: lho: re" eig tang: ri ngoo yu" loem wa da" avoid daja: ja: ngoo ri byid: ge'.

YOSHU 2:12 교차 참조

YOSHU 2:18

Nang hid: su" koid ca" da:. Ngoonu" nanu" mungdain: khyoo: jhen" vang re" uri nang nga" eig yug ri shab gyoo" loo" nhang: da" bangzoo: khoem" mo he: tei" ne ri tei" too" we'. Re" ba"- re" yhid- re" mang: nhung" yi yo' re" ba" da" yhoem: byu yi dangain" ri shu" wigi re" yhoem: moo: zheing" too" we'.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

1 TIMOTHI 5:8

Nghoid loug we' byu dayug yug gi nyang: nya: da" byumyu" akung: ako''- je wigi ikoin deungkhu: byu yi ri yu" goin, coung: khyoo: aboo su: nghoid rigi hau: loem" jeung" khyoo: ri ngeug pyam' su: bue" nyid lho: aloem" jeung" da" byu dayug tho' mo je wigi akhyeing" ashoeb, su: bue" nyid.

Roma 1:31

Nheugloem: azoung" mo, - dang: soo" lid: mo, subi" ri nheig khyeug nheig myen: nheigloem: we' nyanu" ayo" toin" shid'.

MARKU 14:44

Yesu ri ab byid: pyam su: gi- ngoo boobug bug su: gi nanu" vho: yug nghoid ga:- nyang: ri myheug yu lho: nyeung" za: zung" lhug shu" loo" ge' ga: nyangnu" ri aved byid: to".

YEREMIA 12:16

Goonham' dalheing: nyangnu" nga" byumyu" ri Bala yu phara" myeing lang: lho: jham' tang: nhang: ziyo' dayhang: ti" nyangnu" gi nyangnu" nheigloem: dangain" yo' Israela byumyu" da" laloem lakhoug: ri khab yu wigi ‹Aseing kangso' dei nyid› ga: jham' tang: boem nghoid ri nyangnu" gi nga" byumyu" yi mo dadu dakhyam" khyo" bo bo wigi nyid gi yab ge loo goo" wa.

ESTHA 8:6

Nga" byumyu" yi dang moo kyi" khyeug zi ju" lho: nga" bidnoem seing" cang" yi said pyam shoug" nghoid ri ngoo khasu" tho' zeing: wa la"» ga: tid da:.

2 KHOKHAM MHOOMYID: 36:13

Zedekia gi nyang: ri jhug zug wa ga: Aseing myeing moo nyang: ri agyoo: atho' jham' tang: nhang: su: nghoid da" Khokham Nebukhadneza ri gyi koid thougtheung da:. Nyang: gi nheigloem: thid wa yo' Israela da" Aseing Mangso jhang phug loo wa shid re" nheigloem: thain: wigi he: pyam nyid da:.

1 SAMUELA 30:15

David gi nyang: ri «Hougsu" lhu: phyo' yen" bang: jhang ngoo ri ayo" shu" yhi: wa lha"» ga: myid: bye:. Nyang: gi «Nang ngoo ri asaid wa nga" aseing jang" moo a ab byid: wa ein: Mangsoo myeing moo dangsoo" byid: nghoid rigi ngoo yo" shu" yhi: wa» ga: tid.

YOSHU 9:15

Yoshu gi Gibeon byu yi yo' bidnoem khyo" myid veing" thang" cab koid wigi nyangnu" ri nyid wa akhang" byid: ago". Israela byu phung: goin" da" vhujhung: yigi hau: myid veing" thang" cab ri cang wa khyo" geing: teing da" dangsoo" byid: ago".

YOSHU 2:13

Nanu" gi nga" ba"- nga" yhid- nga" mang:- nga" bi:- nga" nhung" yi yo' nyangnu" ikoin deungkhu: byu dangain" ri nanu" goem loem byid: wa ein: ngoo ri dangsoo" byid: ge'. Ngoonu" ri said pyam wa zi ashau" nhang: goo"» ga: tid.

THU' LO" MOUGSOUG" 12:13

Khoem" bung moo suid" dab zigi nanu" nyid da" yhoem: nghoid ein: da" laxoem" nghoid wa. Suid" ri myang lang" nanu" ri ngoo lhid: kaid zi nghoid. Ngoo Egutu byumyu" yiri yooboo dam byid: yen" uri nanu" ri bo zang" wa zi anghoid.

APOEM AYANG: 24:9

Houg: yoomo dei zoo: gi nya: lo, ri nya: aseing: Abraham da" tang" boug" agyoo: moo kaid lho: Abraham tid ziri cang koid wa shid re" dang: theing theing yu bye:.

APOEM AYANG: 24:3

Nga" zo: shid re" yhoem: seing: myhi' ri he: da" Khanan mung" moo nyid da" byu yi khoug: mo ngoo ashoo: wa ein: lho: mougkhung: myidjang da" Aseing Mangso myeing khyang" moo nang ri dang: theing nhang: nau.

APOEM AYANG: 21:23

Houg: yoomo nang gi ngoo ri we' nga" zoo: yiri we' nga" amyed ashen yiri we' amhau' afain" wa shid re" Mangso shidkhoin"- he: joyoo moo thang" cab daloem: koid too" shang. Ngoo gi nang ri phau" myang:- houg: yoomo nang khyo" we' ngoo ri nang yo' nyid nyid da" he: mungdain: ri phau" myang: wa ein: dangsoo" byid: too" we'» ga: re" tid.

APOEM AYANG: 40:14

Nghoid loug jeju" mo nang nyid gi yab gi shau" da" bidnyid moo ngoo ri we' boin: we' lhe"- hau: lho: khokham phoo nheig khyeug shoo" myeing: sho' nga" khyoo: tid khyo" wigi he: thung: mo yo" khyoid yu sho' ngoo ri jen" pang" yu wa.

YOSHU 2:19

Dayug yug yhoem: khoug: mo thu lo lho: nghoid rigi nyang: shid: zigi nya: yooboo yoomo danghoid wa. Ngoonu" moo yoovoin aboo wa. Nghoid loug we' dayug yug yhoem: khoug: moo: nanu" yo' nyid lho: dam dab nghoid rigi hau: zigi ngoonu" moo: yoovoin bo nyid.

YOSHU 6:22

Hau: thang: Yoshu gi jooyu" bang: khyo" moo" voin lo boem da" byu eig yug ri «Re" eig yug nyang: ri dangsoo" byid: to" boem ziyo' dakhyoo" ti" hau: shava myhi yhoem: khyoo: vang yhe: wigi nyang: yo' nya: yhoem: byu yiri yhe: shu" thu loo ge'» ga: tid.

TARHA" AGYI 1:24

byu dayug thu re" zi nyangnu" myang lang" nyang: ri «Ngoonu" ri voomoo" khyoo: khasu" vang yhi: wa ein: ziri khyoo: shid byid: la- ngoonu" nang ri ce: dam atab' wa» ga: tid ago".