YOSHU 2:1 - Lacid Common Language Bible

¹ Hau: thang: Yoshu gi shug gam joyoo dab mo jooyu" su: eig yug ri Khanan mung" ri akhau: pyam: ju" sho' joo" yhe: yu" wa shid re" je wigi Yerikho voomoo" ri jooyu" wa shid re" amyeing" byid: wigi nhang: kaid. Nya: eig yug hau: voomoo" khyoo ju" yhe: lang" Rahab ga: da" shava myhi yhoem: moo: damyen theing: ago".

YOSHU 2:1 교차 참조

APOEM AYANG: 42:16

Nanu" mo dayug yug lo" lho: nyang: ri lo" shu" we'. Deing da" bang: nanu" gi lhoug zung" to" da" akhoug: moo nanu" tid da" dang: deing ziri shau" myang: yo, ju" sho' nyid nyid zi shoug" ca" goo" wa. Hougsu" anghoid lang" khokham dei nyid ziyo' dakhyoo" ti" nanu" gi jooyu" mo, nyang: nghoid» ga: tid.

APOEM AYANG: 42:9

Nyang: gi nyangnu" da" khyoo: yhoebmo, mo, to" da" ziri boin: so" kaid lho: tid zigi «Nanu" gi jooyu" bang: nghoid- nanu" gi ngoonu" mung" da" yoem: neing: khyoo: ri yu" wa shid re" ri" mo, nghoid» ga: wigi tid.

MIKHA 6:5

Nga" byumyu" yi we"- Moba khokham Balag wigi nanu" ri khasu" koid wa ga: soin' bye: ziyo' Beora da" nya: zoo:- Balam wigi nyang: ri khasu" phuid: kyo" ziri myid boin: ge'. Shug theung: jang: mo zi Gilgala ju" sho' khyoo: moo bue" lo da" gyung: khyoo: ri we' myid boin: we'. He: gu: ri myid boin: nghoid rigi nanu" ri khyoid yu wa shid re" ngoo ce: noem koid loo bye: ziri nanu" boin: so" boem wa zi nghoid»

GYUNG: SOO" 13:1

Aseing gi Moshe ri

GYUNG: SOO" 13:2

«Byumyu" daxe: eig kung:- kung: khang" moo" mo vhu" shi: wa bang: dayug yug khyen: yu wigi Israela byumyu" yiri ngoo byid: wa nghoid da" Khanan mung" khyoo: joo" yhe: yu" wa shid re" jooyu" bang: khyo" nyangnu" ri nhang: kaid we'» ga: tid.

GYUNG: SOO" 25:1

Israela byumyu" yi shug janggyoin: moo: dab koid lho: nyid boem uri yuggi yigi hougmoo: nyid da" Moba myiyi: yi yo' gung shoo" zoem" boem ago".

MATHE 1:5

Salmon gi Rahab mo Bua ri khu: kaid bye. Bua gi Rutha mo Obed ri khu: kaid bye. Obed gi Yese ri khu: kaid bye.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

Ephesu 5:5

aco' ajhoid da" nheigloem: boo su- sho' ase' ziyo' phoug" shoid, yen" su- vhoo: boo: loug gyi: su- hang" nghoid loug we' Khristu yo' Mangso da" mungdain mo agyid aso: gam, boem" ri khanham we' yo" kham: yu boem wa anghoid ziri nanu" se' too" ge'- Khasu" wim gari vhoo: boo myo, no' loug gyi: da" khyoo: gi soolhoo: no" da" khyoo: daja: nghoid.

HEBRE 11:31

Loem" jeung" ziyo' shava myhi, Rahab, gi Israela dab, mo jooyu" mo, ri si' go" khyo" lhoem: zoem" khau: kham yu yoomo Mangsoo ri atam" gyo: da"-yooboo yo" mo, ri said pyam' da" jang" moo abo shid:.

YAKU 2:25

Shava myhi, Rahab da" khyoo: we' houg: yo' dakhyoo" ti" nghoid. Nyang: gi Israela byumyu" yi da" jooyu" mo, ri loem: kham: yu pang: thoug yu lho: khyoo: goo" khaid khyo" doem, yo" gau" nhang: kaid. Houg: su" koid yoomo moozoo" zei: yoomo deungmain" ga: Mangso soin: byid bye.

YOSHU 1:18

Re" amyeing" akhang" ri dang: myid: myid: anghoid lang" re" amyeing" dang: daja: ja: ri acang yug hang" nghoid ri we' said pyam zi shau" boem wa. Myid phyed lho: loem jeing" we'» ga: phoug tid boem.

YOSHU 2:2

Yerikho voomoo" mo khokham phoo gi mungdain: ri jooyu" wa shid re" Israela byu dayham" hau: myen ju" re" ga: ziri shau" gyo: da:.

YOSHU 21:31

Helakad- Rehob yo' houg: mo mhain" nu" yoo jang: pa: joem nghoid ago".

YOSHU 3:1

Thang: nab soin: Yoshu yo' Israela byumyu" yi no' mo to' wigi Shug dab mo thu lo" boem ago". Yodan gyid lang khyoo: yhe: lo" wigi hau: ziri gu: wa yhe: lang" nyid uri hougmoo: dab koid wigi nyid boem ago".

YOSHU 5:10

Israela byumyu" Yerikho nam jang: pa: mo Gilgala moo: dab koid nyid da" ayo, moo: nyangnu" gi hau: lhammoo" khyab daxe: myid: nyid" myen" thang: ri lhid: kaid pui" koid ago".

TARHA" AGYI 18:14

Hau: thang: Laisha moug: lheing khoem moug: khyoo: joo" yhe: yu" boem da" hau: byu wim yug gi nyangnu" nyang: cang" «Hid: moo hau: yhoem: joem mo dayham" moo ngei yo' thoeb to" da" seig soolhoo: daloem: jo, ziri nanu" si' goo" rhe"- houg: moo gootu: yu phara" soolhoo: joem yo' xoin" ngei" byizuang daloem: we' jo, da:. Ngoonu" cikoid eung: ein: nanu" myid go" la"» ga: tid ago".

TARHA" AGYI 18:17

Hau: jooyu" bang: wim: yug gi yhoem: khyoo: dain: za: vang yhe: wigi ngei yo' thoeb to" da" seig soolhoo:- gootu: soolhoo: joem yo' xoin" ngei' byizuang ri yhe: yu boem ago". Hau: uri khainjung phoo gi gyi jonu" ci: da" gyizoo: khyug shoo: yug yo' dage" khoem" moo" duang: moo yab jo, da:.

TARHA" AGYI 18:2

Houg: yoomo Dan byumyu" yigi nyangnu" byumyu" kung: ikoin deungkhu: joem mo bue" doid da" byu wim yug ri khyen: yu ago". Houg: lho: houg: bang: ri joo" yhe: yu" wa shid re" jooyu" bang: khyo" Zora yo' Eshtaola voogung joem mo nhang: kaid ago". Nyangnu" Ephrim boem moug: khyoo: ju" lang" nyangnu" gi Mikha yhoem: moo yhe: theing: nyid ago".