YOSHU 18:8 - Lacid Common Language Bible

⁸ Hau: byu yiri Yoshu gi «Mungdain: goin" khyoo: khyang: sho' yhe: wigi mougkyoo" yhe: xoem" to" lho: nga" jhang khyoo: doem tau" loo ge'. Houg: lang" he: Shilo joyoo moo: me" lab khyo" wigi nanu" shid re" Aseing ri ngoo tid kyeing byid: wa» ga bain pyeing: thang: ri mungdain: mougkyoo" dangain" ri yhe: lhid" xoem" wa shid re" to' lo" ago".

YOSHU 18:8 교차 참조

APOEM AYANG: 13:17

Akhid" thu yhe: lho: moug: gyab goin" ri yu" yu" we'. Khasu" wim gari ngoo gi dangain" nang ri byid: wa bye:» ga: tid.

ESAIA 34:17

Hau: joem ri mougmyid kho' byid: lho: hau joem mo du: khang" moo" ri gamboem byid: wa su: gi Aseing nghoid da:. Nyangnu" gi hau: mougmyid moo dapyaid thang: dapyaid nyid loo goo" wa. Apyaid atoo: moo hau: joem ri nyangnu" seing: loo goo" wa.

Roma 14:19

Houg nghoid yoomo ngoonu" dayug yo" dayug myenjham" ngei loug jen" zoem" jeung" da" khyoo: bui" nhang: da" zi yo" nyang: dayoug wigi dayug ri Venyi: yoem: pyeing so' pyeing byid: da" moozoo" yi ri Khanham we yoem: kaid' zei: so' nyid boem ca.

YOSHU 13:7

Akhid" nyangnu" jonu" khyo" nyangnu" yo" seing: yu goo" wa shid re" he: mougmyid ri gootu: byumyu" gau: kung: yo' Manashe akung: agung dayi" ri kho' byid: we'» ga: tid da:.

YOSHU 15:1

Yuda kung: mo yhoemkhung: bang: gi mungdain: ri vhoo: moo: lhid" shug to" ziyo' dakhyo" shau" kham yu ago". Hau: mougmyid gi mougpyi: shoid moo Edom mougkyoo" moo jo, da" Zin dain pyoid yoo ju" sho' nghoid.

YOSHU 18:1

Nyangnu" hau: mung" ri oung: pyam thang: ri Israela byu phung: goin" Shilo joyoo moo foem: phung: nyid wigi Aseing shidkhoin" moo Zoem" ri zhug to" ago".

YOSHU 18:10

Yoshu gi houg: bang: shid re" me" lab khyo" wigi Aseing mo tid kyeing byid: lho: Israela byumyu" yi mo deing jo, da" byumyu" khang" moo" ri mungdain: mo mougmyid dadu du ri kho' gam byid: da:.

YOSHU 18:6

Hau: moug: du nyhed du ri gooloo: lhid" xoem" yu wigi nga" jang" khyoo: ci: loo ge'. Houg: lang" ngoo gi nanu" shid re" ngoonu" Aseing Mangsoo moo: me" lab khyo" wigi tid kyeing byid: wa.

YOSHU 18:9

Houg: yoomo hau: byu yigi mung" goin" khyoo: yhe: wigi voogung myeing zhayhen" joem ri lhid" xoem" yu lho: nyangnu" mougmyid ri nyhed du kho' gam da" khyoo: ri lhid" xoem" ago". Hau: thang: nyangnu" gi Shilo mo Yoshu nyid da" dab khyoo: doem tau" lo" ago".

1 SAMUELA 14:41

Sholu gi Israela byumyu" yi da" Aseing Mangsoo ri «Aseing we" nang ciwim yoomo akhanyid" ngoo ri atu" koid nyid la". Israela byumyu" yi da" Aseing Mangsoo we"- deingbyeing" da" lugzeing khyo" wigi ngoo ri tid kyoo" byid: we' o".Yonathan anghoid lang" ngoo moo yooboo shoid nghoid rigi Urim shoid khyo" si nhang: we'. Nghoid loug we' re" Israela byumyu" yi shoid khyoo: eing nghoid rigi Thumin shoid khyo" si' nhang: we' o"» ga: tid bye:. Yonathan yo' Sholu nyid shoid khyoo: toin" shed nyid bye: yoomo byumyu" yigi yooboo mo loid byoin lo" ago".