YOSHU 18:7 - Lacid Common Language Bible

⁷ Nghoid loug we' Levi byumyu" yigi deing da" nanu" yhang: ti" mungdain: gamboem ri shau" seing: yu wa zi anghoid. Ciwim gari: nyangnu" gamboem gi Aseing da" khainjung yi khyo" dei byid: wa zi nghoid da:. Houg: lho: Gad- Ruben yo' bidthu shoid Manashe byumyu" yigi nyangnu" mougmyid ri Yodan bidthu shoid moo shau" yu too" bye: zi nghoid da:. Hau: zigi Aseing da" dei zoo: Moshe wigi nyangnu" ri byid: to" zi nghoid» ga: tid.

YOSHU 18:7 교차 참조

GYUNG: SOO" 18:20

Aseing gi Arun ri «Nang gi hau: jonu" mid ri yo" shoug" yu wa zi angoid. Houg: lho: Israela mung" mo kha: joyoo ri we' nang ri akho' byid: wa. Ngoo Aseing nyang: nang ca" gu: dangain" nghoid» ga: tid.

GYUNG: SOO" 18:23

Akhid" mo gi Levi yi kyeing" Zoem" ri goin coung: wigi hau: shid re" yoovoin dangain" ri voin vu, loo goo" wa. He: zigi re" amyed ashen yi khanham we' cang yhe: nyid wa da" tarha" nghoid. Levi bang: gi Israela mung" mo jonu" ri apyaid atoo: yo" seing wa zi anghoid.

GYUNG: SOO" 18:7

Nghoid loug we' nang yo' re" yuggi zoo: yi za: phoin: yo' gyeung" shang: thang joyoo yo' sen: da" khainjung moo" dage" ri zei: pyeing wa zi nghoid. He: moo" joem gi nanu" da" yoovoin nghoid. Ciwim gari: ngoo gi nanu" ri khainjung aya: jhungshug byid: too" bye:. Hau: gyeung" shang: zi joem khyoo: tain" yhe: da" asi' bang: hang" nghoid loug we' said pyam zi shoug" wa» ga: tid.

TARHA" TID POIN" 10:9

Houg: yoomo gootu: byumyu" kung: yi yo' dakhyo" Levi byumyu" kung: yi gi mougmyid ayo" seing: yu da" khyoo: nghoid. Nanu" Aseing Mangsoo dangsoo" byid: to" ziyo' dakhyo" nyangnu" gi Aseing da" khainjung aya: ri goo" ki" lid yo" kham yu boem ago".)

YOSHU 12:6

He: khokham eig yug gi Moshe yo' Israela byumyu" yi wigi khaid zain: oung: pyam zi shau" ago". Aseing da" dei zoo Moshe gi nya: tang: da" moug: ri nyangnu" jonu" khyo" Ruben- Gad byumyu" yo' Manashe byumyu" agung dayi" bang: ri byid: bye:.

YOSHU 13:33

Nghoid loug we' Moshe gi Levi byumyu" yiri mougmyid dacu' we' akho' gam byid: nghoid da:. Moshe gi nyangnu" ri nyangnu" jonu" gi Israela Aseing Mangsoo ri shugbyid: da" xoin" mo gamboem ri yu wa shid re" tid da:.