YOSHU 17:13 - Lacid Common Language Bible

¹³ Israela byumyu" yi yoem: je bo re" da" ayo, rilang" nyangnu" gi Khanan byumyu" yi dangain" ri akhaid thu nghoid da:. Nghoid loug we' nyangnu" gi houg: bang: ri nyangnu" shid re" moo" doin: zeig zei: nhang: da:.

YOSHU 17:13 교차 참조

YOSHU 16:10

Nghoid loug we' nyangnu" gi Gezera moo: nyid boem da" Khanan byu yiri akhaid thu pyam nghoid ago". Houg: yoomo akhid nyid" ju" sho' Khanan byu yigi Ephrim byumyu" yi phung: moo: nyid nyid boem ago". Nghoid loug we' nyangnu" gi join joem khyo" moo" doin: zeig koid nhang: zi shau" ago".

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

2 SAMUELA 3:1

Sholu ikoin deungkhu: thang: dab mo, yo' David thang: dab mo, da" agyoo: moo gye" myang" sho' zain: go" nyid boem. David gi yoem: gyi: tho' gyi: loo lho: Sholu gi yoem: neing: tho' neing: lo" bye:.

TARHA" AGYI 1:35

Amori byu yigi Aiyalon- Shalabim yo' Here boem cang xo' nyid boem ago". Nghoid loug we' Ephrim kung: bang: yo' Manashe kung: bang: gi nyangnu" vhoeb da" akhoug: moo: houg: bang: ri nyhid: to" wigi houg: bang: ri nyangnu" shid re" moo" doin: zeig zei: nhang: ago".

TARHA" AGYI 1:33

Napthali kung: bang: gi Bed Shame yo' Bethanad voomoo" moo nyid boem da" bang: ri akhaid thu pyam nghoid ago". Napthali kung: bang: gi nyid xau" Khanan byu yi yo' dage" nyid boem ago". Houg: bang: ri nyangnu" shid re" moo" doin: zeig zei: nhang: ago".

TARHA" AGYI 1:30

Zebulun kung: yi we' Kitron yo' Nahala voomoo" moo nyid boem da" byu yiri akhaid thu pyam nghoid ago". Houg: yoomo houg: moo nyangnu" yo' dage" xo' nyid wigi nyangnu" shid re" moo" doin zeig zei: nhang: ago".

TARHA" AGYI 1:28

Israela byu yi yoem: gyi: ri" lang" Khanan byu yiri nyangnu" shid re" moo" zei: byid: wa doin: zeig nhang: zo: ago". Nyangnu" gi houg bang: ri dangain" bain sho' akhaid thu pyam nghoid da:.

APOEM AYANG: 49:15

Nghoid loug nyang: gi theing: joyoo ri myang wigi nheugshid: nheugdeug da" mougmyid ri yoo" bye:. Houg: yoomo nyang: gi nya: yoovoin voin vu wa shid re" Nya: lo, sain: kham: wigi join dayug yhang: ti" yoem: kaid nyid bye:.