YOSHU 13:8 - Lacid Common Language Bible

⁸ Ruben- Gad yo' Manashe byumyu" agung dayi" bang: gi Aseing da" dei zoo: Moshe wigi byid: too" bye: yoomo mougmyid yoo" gu nghoid abye: go". Hau: zigi: Yodan gyid lang bidthu shoid mo nghoid da:.

YOSHU 13:8 교차 참조

GYUNG: SOO" 32:19

Ngoonu" gi Yodan gyid lang thei: tab mo nyangnu" phung: mo ziyoo jonu" ciri: we' abo seing: wa. Ciwim gari: ngoonu" gi he: Yodan gyid lang bidthu shoid mo ngoonu" nya: gamboem ri yo" yu to" boem bye:» ga: tid boem.

TARHA" TID POIN" 3:8

«Hau: ayo, moo ngoonu" gi Armon lang mo Hermon boem ju" sho' nghoid da" Yodan gyid lang bidthu shoid Amori khokham eig yug seing: da" mougmyid ri seing: yu boem bye:.

YOSHU 12:1

Israela byumyu" yigi Yodan gyid lang bidthu shoid- Arnon janggyoin: mo Yodan janggyoin: yo' moug zhung: shoid Hermon boem ju" sho' da" mougmyid ri oung: pyam wigi seing: yu to" gu nghoid bye:. Nyangnu" gi khokham eig yug ri khaid oung: pyam bye:.

YOSHU 12:6

He: khokham eig yug gi Moshe yo' Israela byumyu" yi wigi khaid zain: oung: pyam zi shau" ago". Aseing da" dei zoo Moshe gi nya: tang: da" moug: ri nyangnu" jonu" khyo" Ruben- Gad byumyu" yo' Manashe byumyu" agung dayi" bang: ri byid: bye:.

YOSHU 13:7

Akhid" nyangnu" jonu" khyo" nyangnu" yo" seing: yu goo" wa shid re" he: mougmyid ri gootu: byumyu" gau: kung: yo' Manashe akung: agung dayi" ri kho' byid: we'» ga: tid da:.

YOSHU 13:9

Nyangnu" mougmyid gi Aroera (Armon janggyoin: azoin" moo jo,) yo' hau: janggyoin: agung moo jo, da" voomoo" ju" sho' yo' Medeba mo zi Dibon ju" sho' mo bougdoem: jang: pa: dangain bo jang" moo ju" sho' rua da:.

YOSHU 22:4

Akhid" nyang: dangsoo" byid: to" ziyo' dakhyo" nanu" Aseing Mangsoo gi nanu" da" Israela mang: nhung" yiri ngei pyoo: yug yo' zi byid: too" bye:. Houg: yoomo Aseing da" dei zoo: Moshe wigi nanu" ri byid: bye: da" Yodan gyid lang bidthu shoid mo nanu" nya: mougmyid ga: tid seing: yu da" yhoem: moug: khyoo: doem loo" loo: ge'.

YOSHU 4:12

Ruben kung:- Gad kung:- yo' Manashe kung: agung dayi" gu: gi Moshe wigi nyangnu" ri koid wa tid to" ziyo' dakhyoo" ti" gyi khaid wa shid re" jen" jen" koid ci: wigi deing da" byumyu" yi shid vhu" khyoo: gu: dab yhe: ago".

1 SAMUELA 13:7

Dayham" bang: gi Yodan gyid lang ri gu: wigi Gad yo' Gilead mung" khyoo: phang: goug" byug bye:. Sholu gi Gilgala moo danyid shi" yoomo nyang: yo' dage" nyid nyid da" byumyu" yi gyoug nyid boem.